¹ Atabakau bata aura nakauka batabe, te Kotira kuke'ara uba ni biri tiba nimuna, kia te ani ko'e ko'e uba irirahika bataka tianteke ni tiba nimuro. ² Bira nanarae, te kia bohika taba rerabe te ni hampata bariaina entara, kiabe, Ihu karaitiba maripo'a utubira bira'i te taba rerabe. ³ Te ni hampata baunara kia aikaro batai baintira bo'ara baunarabe, eteha ora tirin tirira batake baunarabe. ⁴ Uba tuna bira'i te nanahikae ni tiba nimuna, kia te bahabela uba irirahika bataka tianteke turo.Kiabe, te mintuna te Aiho Bainti kempuka a'ira'a bara obarai kare mintunabe. ⁵ mintira ne mara'ura ututaiba kia irirahika baata bainti kaini bariaire, kiabe, Kotira kempuka'a ta'ibe. ⁶ Bate tenabu tiba ko'e irirahika baata bainti nahenti kempu kai'abi bariaka tiba nimirerabe, ibaro kia ma batarai haina irirahikaube, o kia nora bainti bate bariakaube, taukae ekara tai'a bikabe. ⁷ Kiabe, tenabu tiba o'ai'a Kotira irirahika u'a uba ira kuke aro baira kauro, bi irirahikara Kotiba haru tinabuara barate tirabe. ⁸ Kiama bo iata bainti ma batarai hainaba bi irirahikara bataibo, bika bi entara bira tabareti, kiama bika Ihura aruke maripo'a hirita tiri. ⁹ Haru ubabano mintiro bairabe,"nanahikae abu bano kia tabaibo, atobano kia iribo, irirahika bano kia irira, bi haikara Kotiba taukae birara antu arukara heno'a nimi tairabe."_ ¹⁰ Kotiba tinabuni bihaikara bara a'ira'a obarai'a kaira bira Aiho Bainti kai'a'abe. Nanare Aiho Bainti bano ekahika rantakero Kotiba ekara kuke'a tai haikara. ¹¹ Tabae bainti irirahika'i tabanaro, kiabe. nai mara'ura bano aima tabanaro? Boha ariroma baibo, kima bo bainti bano nanahikae Kotira'i baihai kara tabaibo, kiabe, Kotira Aiho bainti bano aima nai taba taibo. ¹² Mintima kia tenabu ma batarai hain aiho auma barauro, kiabe, tenabu Kotirai hairo Aiho bainti tubira barauro, nana hikae Kotiba tinabu umina timina tabara. ¹³ Tenabu bi haikarara uba tibake tiha, bira bainti irira hikano kiama tinabu umi anaro, mintiro Kotira Aiho boha bibama tinabu umi anrobe. Kotira Aiho bano a'i ra'ama obarai'a aiho ubaba bata ko'e irira hika aiho bata kanarobe. ¹⁴ Binti bano kia Aiho Bainti batairaba kima biba bohika Kotira Aiho bano inahikara barara narobe, bara nanare bi haikaba biraini umi narai'ama buanaro. Kiama biba tabanaro, bira nanare biba kima raira kero nana hikae bira'i u'ai'ake tabanaro. ¹⁵ Bainti tabae Aiho Bainti batairaba bibama ekahika rairake tabanaro, iboma kima hinikiaka bira raireba. ¹⁶ "Bira nanare, tabae Nora irira hika'i taberoe, biba ko'eke ai'i utuaina ubara bira tiba mianaro.?" Ibaroma tenabu Karaitira irira hikama batauro.