¹ Tenabu irura boru bano ni abutana hiro naata baatiara ia okarara minti bo bira kia ko'ei okararabe. Bi okarara taukae baha'ai bariaka bata kia minti baria okararabe. Tenabu irura ni abutana hiro bo bainti bano nai oora natantiro baite baibo tiabo. ² Ne u'ai'ake ahu arima baribo! Ne nentara bo'ake umpo'iate. Ta baintibae ni abautana baiharo bi okarara minti baina a'ira atitakate. ³ Bira nanare, te baata'ama kia ni hampata bauro, iboma aiho'a te ni hampatama bauro. Bi baintiba tabae bi okarara minti baira te rairake tabama kauro, boha'arake te beta mini ni hampata bariara bao'ara. ⁴ Ne Nora Karaitira autu'ata ruba umabi baria entara, ti mara'ura bano bata ni hampata bira ima baibo, Nora Karaitira kempuka banoma ni hampata baibo, ⁵ Tebira mintiake bi baintira Satara amiairo biba bira ma baatara orai akairo bira mara'ura bano ko'e biro tinabu Nora bano anina entara'a bariaireti. ⁶ Bira kia ko'ehama tenabu tentanabu autu bara'i uribuaina. Ne tabee kia tababo, inara isti nabuano bareti na'abi bairabe. ⁷ Nenta rupike baiha harua isti a'ini baireka ne araka bareti kia na'abi baina bo'ara bariate. Bira nanare, Karaitiba nai mara'ura tinabu timiro, inara sipi sipi bo'ara baumanta bika Kotiba Isireri nabuna a'i bariate ti entaba anu manta bika bira bata arura. ⁸ Mintima a'ira kai'e tenabu nora enta mono'i bariara uaha mitare. Kia harua isti batake bi entara uaharara, bi istira ora okara batake baira. Kiabe, a'ira kai'e tenabu bi baretira kia isti baina batake uahare. Bi baretiba ko'e okara bata u'a uba bo'ara batama baibo. ⁹ Te ara'ira araruake ni nimi taunabe, te ni tiba nimi tiha kia ne taukae nata batiara ia okarara minti baika batake tatauruate turo. ¹⁰ Kia te kia Nora taba baintika ma batarai baria baintika bika rauma turo, o naariara'i iri bariaka bika raube, o una'ara tibaria bainti kaube o una'ara kotira'a mono'i baria bainti kaube. Kiabe, bi haikara mintire birera, are eka bi baintika niarai baiha ma batarai haina hika'a bata niaraima bainarabe. ¹¹ Mintima te ma arara ni ararua nimite tiba nimiai ne bi atabakaba tabae nata batiara ia okarara minti baina batake kia tatau ruate turo, o bainti taukae nariara'i iri bariaka bata,o bika una'ara kotira'a mono'i bariaka, o ora uba tibariaka, o wera namai nebariaka, o una'ara tibariaka. Mintiaka bata, kia bika batakera bata kara nane. ¹² Bira nana hare bainti mono'ihai baha'ai bariaka rairarabe? Kiabe, ne bainti taukae mono'i baika bika'ima rairate. ¹³ Kotiba naima bainti mono'i hai baha'ai baika raira narobe. " Tabae ora bainti bano ni abuta baina a'ira atitakate."