¹ Mono namatisa Eva yakarawa, to kaisa Napiyakarage Jerusalem isa, kaga mekanama, eh mitatamita amba akivutae. ² Ige agatapa, Isunda avagiyakara kamba iya wani ainda, bret maima natae. ³ Mono namatisa Eva yakara ya, kaga Jewis kinamive, aindi nainda nakunakava, iyapa wani aigasima nanindava nave'e, nanavie igeva, paisa iva varami agoe. ⁴ Mono namatisa evayakara maketi kumatisa mekanadiniva, kamba naninda nanda, agora wanipa pairute gane. okaena paisa iva varami agova u'urindae, piyama kaisena kap via, potia, coppa yoena, pi kaisena naninda isoatama nakenanayaga. ⁵ Mono namatisa evayakara ge Napiyakarami ge Isu avigatae, Nana agoraka kae kavagi yakaramive, paisa tava varami ago, kamba aegaranda, kara iyetasa bret maima nae? ⁶ Pigoema eva igepa uwimitae, Isaia pai umarandakasa tige kambari yakarava. Piyamba kaimarandie, Makina namabiva indemu agasarasa nageva asagauye, nanaviema igamakova pagasa ratakane nakagava. ⁷ Kamba auwinda nunamu naetapa umamie, wasanami utamaranda kasa maima mono posendaena poiyakimamiye. ⁸ Kaewa Anutu tave kasawapa maima awari atate, kaewa wasanamikasa maima upeve vene. ⁹ Isu va uwimitae, kaewa napiga ki'isa Anutu tave kasawapa maima asuwa potama, kaiga kasa maima upeve vene. ¹⁰ Moses utae, Kavagambake kanogambake kasa avoma, kega kambaraga kasa kavagambake kanogambake uwistakivembepa, taga taga purikivene. ¹¹ Kaewa ene, ke kayagarama anovaka omaekivikagava, Anutu tisa mekana ema. Pikasamava piyamba iye. Anutu amo. ¹² Pipa ikayasuma, kamba anova omaeyema. ¹³ Piyagi isa kaisa posenda ena poiyakembempa, kaigakasama Anutu kasa megasane. Okaena ka masadana pene. ¹⁴ Isu va kagakinaka kegeuma uwimitae, naeti, kagapa avima, ogi napaiena piyoma. ¹⁵ Kamba kaena avei windemindana, wasanama maima nakivipa kamba oketaenava pikie. Wasana aupindisa irosakivi danamaga, wasana oketaenava pikie. /v 16 Undefined. ¹⁷ Isu va, okaena gina itate napasi taginava, avagiyakara miva avigatae, meto kasa embe uramoma. ¹⁸ Isuva utae, kaegeva igevesamba kamba napienava windioma? Ayambaka kamba agaema, nana aveisaenama wasana aupindi pasemipa, kamba epa okitaenaviema, ¹⁹ nanaviema kamba amakovindiva pasiema, pipa andavidi mewa tegina yeragasae? Makasarasa Isuva ayama naninda maima araketa potatama nakena naema. ²⁰ Isuva utae, mo nana wasana aupindisa mekana kividanama wasana oketaenava pikiema. ²¹ Pi wasana amakovidisa irosakivi, pigo kambaraga napienave, waya awaenave, kundanave, wasana eguma kaikena nave, ²² waya awa toratora enave, wasana mada avugandaenve, kagegi voenave, kambarikasave, akayakasave, kavirokasave, kutaruenave, kaiga kasivasi enave, aivo avoenave. ²³ Kaga ena wasana amakovindisa mekana mindanamava, wasana oketaenavie. ²⁴ Isuva, asite Tyre ge Sidon ye mari mewatae. Ewa ka namapindi maiyo pasindana, ayugu wasanamikaga nagaisiema putamipio, ago aga gaitae. ²⁵ Avaga ando, ke awamusa minda aragandoma anowambava, Isu mindiema ago avitae, mekanama agisavindi agaiwatae. ²⁶ Ivawa kana waepa Greek waene, Fonisia tupisa. Ewa Isu avigatae, aragando wapisa ke awamusa maigasoma. ²⁷ Isu va epa omitae, atagini yagarami amaruena ige nagasigina nema. Pipa kamba ogivikiema yagarami bret karamati maima maivugaikivembepa. ²⁸ Pigoema ewa Isu pa omitae, owe, Taveyagara, nanaviema karamava yaragerisa amedapindi, yagaramanda atunatu tumikivipe maima nakie. V 29 Isu va omitae, piyaembekaga, wasuwama waegati woma. Ke awamusa ago aragagapa atate irosawaema. ³⁰ Ewa nangati mewama agatamipa, aragawapa maruti witamin dogana umagatae, ke awamusapa ago irosawatae. ³¹ Isu va, Tyre yembava atate, Sidon i mewata Galilee isa kaiyo wanita mewatae, Decapolis ginama mavindi. ³² Igeva ka age ya awamu iguganda wasana avavurite mekanama, Isu ate atema avigatae, aya anota atanoma. ³³ Isuva avavurite avi aukai mevama wasanava itate, eva ayavaso agevindi marotate, ayatapa kaisapuma andemura asoyavutae. ³⁴ Isuva mandari mayogaurima, tavera imupa mairima utae, Efata, pikasamava piyaiye, "Awiyo!" ³⁵ Avaga ando age awiwa tagina, andemu takuma mitami danava irisawata gina kamanapa uvevema utae. ³⁶ Isuva uwimitae kaisagina oimisiema utamipio, kamba avinda okainagina mekanavutae ³⁷ Igeva tavera pamivuma utae, Eva okaina ogiena mana piema. Eva kavaitae, age akugandapa avegina, awamu atakae wandapa kamana iyema.