¹ Aiva pingavagopa atate aiwa aineumata watagini, agorasa yagaraginuga aigaurite watae. ² Anutu dana migarakena kana amba avoratagina, Juda ginami mononama paiatana, waya wa'ah mono kamana, uvepapuma uwimitae. Okena waya wa'ah mi posenda kamana avite pamindami vutae. Igeva mayae utae, aiva aitasa maponsendapa kamanapa maiye? Aya oginapiena maiye? Aiva aya awame eha ayanga pisava puvine? ³ Ayugu aiva kamba namapa kikena yagarae aive Mary masi yagarawane hai anatavarava Jamis, Joses, Judas, Saimon ye? Isu pa igeva indava potatae. ⁴ Isu va waya wa'ahva maye'e uwimitae, kaisa avagotape hiona kinamive tave higi mariveve. Igeve tave igiva igevi aine kumatape, higevi iyomitape, igevi tupipe kumpa tave igiva maivewe. ⁵ Aiva tave eriapa kamba pikivipio, uga aiva kanara pundie kariena maikive waamita ayang asaguma kanara puita kenava. ⁶ Aiva pamivutae, nanaviema igeva kamba imatiti puvekini. Aindiva aiva ayaema kumata wama waya wa'avindi. Anutu kamana uma pagusandana posenda puwiya kitae. ⁷ Ain diva naya taramupa to naindisa tara umaima yagara kinunga kegaeuma tara tara igaruwatae. Anutu kama umah pagusakena watae. Isu va kambaraga awamusa maigakena esegiena imitama. ⁸ Mayae uwimitae, tigeve yavakutipe, wendana nanindave, arakaivuna kutipe ambahio, pavigo tigeve pusu akari urio. ⁹ Tigisa ana purindini, tiyu ana enava tarava angurio. ¹⁰ Isu mayae uwimitae, wakiveti aindamapi pusa pasikivepe pavindamapi mima iroma wakena kanati mekanaki, irosama waiyo. ¹¹ Piyavigina ka aine kuma ama kamba tivaveo kamba kamanati kamba aviritigiripe, pigoema kuma kaite wakena pundiripa, tige'ena awame ena ripe tigisa ana purindakivetasa kuku aiwa kavu gaite igetapa waiyo'oh. ¹² Igeva pagu mewama igu awae vutae. ¹³ Pigoema igeva wama ata awamusapa okena mai igindini, masawaipa akugevama kari wa'ami indapa tima yoravuitandiri pigoema kari wa'ava kavai igasitae. ¹⁴ Isu age awaga kasama pagusaraya vuwaye kasa ima asu gainda kiya yagarama Heroti avitae. Kaisamiva mayae utae, Mono wani maitakena yagara Jon purinda kinami kavisava ago asiwatine. Piyavemikana pimbakasa awame'ena pikena esegienava urindikanae. ¹⁵ Togaisa kinamiva mayae utae, Aivemapa Elijah yoguna, togaisa miva mayae umitatae, aive mape ka ona yagara paipa mitatine. ¹⁶ Piyavuti piyo makasa Heroti aviteva, mayae utae, Mono wani maitake Jon anongayambuva ago arisa kaitona, aiva ago asiwatino. ¹⁷ Heroti va kaisagina igaruwatagini uma mono wani paitakena Jonipa uma arakuma igana namapi atatae. Nanaviema aiva Heroti maitakena viema, agan dowampa Philip emae. ¹⁸ Jon va, Heroti pa mayae omitae, kamba ogivie kagando gamba gai maitakenava. ¹⁹ Piyae utipio taverakaya anda Heroti siva Joni pa votama egukena putae, piyavu tipiyo aiva kamba kanara putae. ²⁰ Heroti va Joni kava aikuru vutae. Aiva ago avindine, Joni va aiva parutu, nanavepe yagarae. Piyavutikana Heroti va aipa ogima kavitatine. Pigoema Heroti Joni kamana avoganava, aiva tavera andavutae, piyavutipio aiva tavera amuputae aikamana avikenava. ²¹ Pigoema aindiva Heroti anowamba avoratanda kana kanataginava, aiva autasa kiya kinawampindave, maenaginami kiyave, kalili kumatasa anongayambu ginamindave, tave kaoena putae. ²² Heroti va aragava aiwa kanama iyovindi amba waena putae, aiva mo naninda nakena kanata kinape, Heroti pe imundanara aitatae. Pigoema Heroti va mayae omitae, kaive nanaga navigakivembepe, naiva kamukue. ²³ Heroti va aiva piyamba aigitanda kasava omitae. Nanaga navigakivembepe, naiva kamukue. Huga kaiva kanara nai kuma pindisainagava navigakivene. ²⁴ Pigoema aiva avei iroute anowamba tumba avigatae. Naive nanaga makumatasa aiva yagarava avigasue? Anowamba mayae utae, mono wani maitakena Joni anongayambuga avigao? ²⁵ Avagatakaya towama kumata aiva yagara mayaema huma havigatae. Naiva navikivikave kaiva mono wani maitakena Joni anonkayambu kaya uviatama namikive. ²⁶ Pigoema aiva aiwa kamana aiga'atama nanaviema naninda nakena kanata kinami iyora ago kamana uma aigigatine. ²⁷ Piyambakana aiva yagaramava ka irevu yagarawa aisa'atama Joni anongayambu maitegano omitae. Pigoema irevu yagarama wama igana namapindisa Joni anongayambu arisatae. ²⁸ Pigo Joni anongayambuva ka tave uvi atama maite kanama Heroti araga mengamitae, mengamito ganava airova maite anonwamba memitae. ²⁹ Pigoema Joni kayo kaya yagarawambi makamana aviteginava, igeva kanamagini Joni auwapa ambaima mavindi motatae. ³⁰ Pigo Isu ti (Aposoli) yogaginawapa mewama ayama ige puta kasava uma omitagana waya wa'a posenda puwayakitae. ³¹ Aindiwa Isu va mayae utae, taive wasana kambinda avago andora wamagita alo kana'ando migarakune. nanaviema, okena waya wa'a wate kanate pumamiyegana kamba migaraune. ³² Pigoema gini wanipisa karevi (kanu) payopumagini wasana kambinda avagota watae. ³³ Piya vutapiyo, ago waya awami igagaite gini, okaina ginami iyegaratae. ³⁴ Pigo wani gawamori okaena gina mewatagana. Andara enarisa posendaena poiyakitae. ³⁵ Atami sawogana, eriyaginawambi mekanama utae, mapa agamavidi ema, ago atamisawae. ³⁶ Makinapa igaruwagani mewama, wakarasa kumatasa naninda guena piyoma. ³⁷ Eva uwimitae, ka naninda imegini naiyoma, igerowa utae, kanara wama tara andaret lasa nanindava mema imusonoma? ³⁸ Ivigatae, ayaki bret urindaema? uma agaiyoma. Agatapa, nayakamu bret la tara pis ye, utae. ³⁹ Kaga kina namaka uwimitae, akivuma mi'iyoma. ⁴⁰ kikivuma mitae, kaisava andaretvina, kaisava piptivine. ⁴¹ Pigo nayakamu breti tira tara pis maema, madari mayogama nunamu otama, apakovuma wasana kitae. ⁴² Kaga kinanamaba igaepama natae. ⁴³ Breti ge Pisi apako vuma kopindi ilagitapa. Naya tara mupuma tara umaema, kopa awitawatae. ⁴⁴ Kaga nakamu puma tausen wami natae. ⁴⁵ Avagi yakaraga, avaga waiyema kanuvidi, wanigama maroteri Bethsaidai, ewapa wasana igaluwata pumaminda. ⁴⁶ Pigo wagaita ganawa amuti itae nunumuikena. ⁴⁷ Atamipoganava ago kanuwa wani akapindi mewagatae, ewapa mati uwamindogana. ⁴⁸ Asekasa 4 kilok wa wani ayeti, Eva mekanadana igatae, esegi ponda igosawa putami, Ewapa uigate wakenapundana. ⁴⁹ Pigoema, wani ayeti mekana tagini agate iyekuru votae, keginanema. ⁵⁰ Iyekuruvota agatate, avaga uwimitae, ah tiekuru piyoma, naewa. ⁵¹ Kanuwindi igege indosuta gina pondava wasuwavutae. Tavera pamivutae. ⁵² Igeva kamba ogima napienawa putae. Indava akuwatae. ⁵³ Pigo maroteri watapa, Gennesaret mara mekanama, wani awatati kanu wipa metatae. ⁵⁴ Kanuvindisa uwamari ma indosu taginava, avaga ando ago epa iyona vuritae. ⁵⁵ Igeva karuena kaga mari mewa gakana puma, yonikinapa amapindi wasirite ayama aukai, pita mindiema avitewa watae. ⁵⁶ Ayama aukai mewa taminpa, waevindi yaga, taun vindive, avei pagasamarive, igeva yonikinapa maketi kumapindi atama, avigakie, kanara kauta saenarapa aukaya vukunoma. Okaina gina aukayavu tapa, kavaritae.