² Tavera nadarapue, makinkava, nanaviema naege kakaga kana pindiva nanindava kamba maiyawe. ³ Kamba naninda nadigi igaruva kuopa, iyonada puma keakapi warekie pa kaisava pagasai isa kanae. ⁴ Eria kinami piae utae, mapa omavi minduna aitasa nanindava maima imukune? ⁵ Isuva ivigatae, bretiva ayaki atandae? omitae nayaka amupuma tara umaimae. ⁶ Uwimitae, ayama mara mi'iyoma otama pigo nayaka amupuma tara umaima Anututi amukamana otama apakovuma eria kina imitae, pia putagina eria kinami maite wama imitae. ⁷ Eria kinami inoyandava ugainando uritegana, Anutui mayo amukamana na otama apako putama maima imigina naiyo. ⁸ Pigo nama imupute, kaisava maima nayakamu puma tara umaima ku ilagitae. ⁹ Wave wayape 4,000 kinami, Isuva waiyoma igaruvatae. ¹⁰ Piya potate, avaga avagi kinake potivindi ima kakumata Dalmanuta watae. ¹¹ Farasi kinami kanama amba avigatama utae, kaisaina mada kumati windidana pega agonoma, ataka ma kamana avigatae. ¹² Isuva tongiya napiena awamusa pindisa maima utae, makina miva nanaga posendae nava puraya koma makina miva yewe? Tagaka urimue, ivava kamba posendae nava avorakie. ¹³ Pigoema ita gina potivindi wama kotugama awamori watae. ¹⁴ Avagi kinami ige kuwapuma bretiva kamba ogima maitae, ka asando potivindiva waitatae. ¹⁵ Isuva inana kamana piyae uwimitae, tigeva ogima tigamapa kavima miyiyoma, ayugu Farasi kinamige Herod kinamige kambari enawaika. ¹⁶ Avagi kinami igevika piyae utae, nanaviema taiva taikuru bretiva kambaema. ¹⁷ Isuva kamana avima nanenava pagi pugasivie, nanaga bretiva kamba windieva yewe? Tigeva kamba napienava maima kamba agadae, napiena ripa kamba aradie? ¹⁸ Kaova windipa kamba agana? Kageva windipa kamba avena? Pikagava kamba napiena? ¹⁹ Pigoema, nayakamu asa apasama 5,000 kinapindiva ayaki ku ilagitae? Omitae nayatara amupuma tara umaima ku ilagitune. ²⁰ Nayaka amupuma tara umaima asa 4,000 kinapindi apakovu kuopa, pipa ayaki ku iragikive'e? Piyae omitae, nayaka amupuma tara umaima. ²¹ Kamba tigeva aganda ya? Ivigatae. ²² Pigo Betsaida kanadiniva aurika yagara avavute kanama Isuka auta agigayavo omitae. ²³ Isuva, aurika yagarama ayata takuma avavuri taginisi pikumapa kaitase, pigo, ovi kaisa potama ayatasa ovi aigaya putama avigatae, kanara kaisa nava aganoma? ²⁴ Pigo mesu isesama agama utae, pigo wasanava agaopa ya asindasu pie. ²⁵ Pigo aovi ayagatatagina aova agavevema agatae. ²⁶ Isuva waeri woma agaruva danava, omitae, tave kumati agoma. ²⁷ Isuva avagi kinake mago kumapindi wata Kaesaria ige Filipi ige wanda nava, keakapi avagi kina ivigatae, wasanamiva kega ema nagaveya? ²⁸ Igeve utae mapa Joni wani maigamiti yagaragae, kaisamiva kambaya, Elijah gae utagana, kambaya mapa Isuda eria yagara gae. ²⁹ Pigo ivigatae, tige naikagava kenae'ema eye? Peter va omitae, kaiva Isu mesia gaema. ³⁰ Isuva esigi kasa uwimitae, wasana uwimisiema. ³¹ Isuva pigo napi kamana uwimitae, wasanama dagarava igoma kuduena navidi wakie, Ano kinape, Ima eriakinape, Napien kinape puvaya kamana tisa egukivewe. Pigo kakaga kanapindiva asikie. ³² Pigo eva uma aratae, Pitava Isupa avavurite uma amo kasa utae. ³³ Isuva omitae, Pita kava kegawa nakai atawo, Anutu ka kamba napene, kaiva wasana midanaga napene. ³⁴ Pigo wasana kegae udanava avagi kinake kegae uma uwimitae, kayagara maga naegara danapa kai ka'akava andapo, kanama takae yavaega esaga uma naigaro. ³⁵ Kegavaya kamatiti ena kamba tongia pundakivipa puwagana, kevaya amatiti enama tongia pikivipa, auirikie. ³⁶ Nanai na omeyadai nava maikie, kamba kaenava mabavin disava mainda kaiguri kivene. ³⁷ Na, naina puma kamatiti enava maikivene? ³⁸ Kegavaya nai kamana kaga kanipudana kamba avikivembepa, kamba ogiena puma kaka namikiepepa, Anutu dagarama va kaipa paviyamba pugatakina, avawamba ada paruena vindi ge angelo kinama paruena vindi ge.