V 1 Avaya sekata kapa, kaga mono namatisa, Ano gayambu yakarava, kia yagara yaga, kaga Juda isa napiya yakarave. Isu pa, aya ku'urite, Pailati memi tawe. ² Pailati avigatae, kaewa Juda minda, eva yagara gaoma? Isu-va omitae, kae enema. ³ Mono namatisa, Ano gayambu yakara mive, Isu pa, okaena kasa koti ayakuritae. ⁴ Pailati va to'o avigatae, kaewa kamanapa uwepera kamba ema? Agaoma, okaena kasa ugata ema. ⁵ Isu-va kamba imae tagina, Pailati va, okaena napiena putae. ⁶ Tave koena pikena kana mekana veginava, pindagava Pailati va, ka agegivo yagara karavusi utimaranda, igari yova atavie. Kaga kina namaba imaga. ⁷ Wasana eguna, ige givo yakarami ikapindiva, ka yagara Banabasi ema mitatae. ⁸ Pigo okaena gina, Pailati-ti mekanama, pai utamaranda ena puvemi kaga, amba avigatae. ⁹ Pailati va utae, mo Juda minda, evayagara itae takana tigetiva mekana sioma? ¹⁰ Pailati va, ago aga gaitae, mono namatisa ano gayambu yakarami inda arusuwa tagini. Isu-pa, ava vurite magamitae. ¹¹ To'o mono namatisa Ano gayambu yakaramiva, kaga kina isepata gini, a'aen dae'e uma, Banabasi atagana ae'e irosanoma. ¹² Pailati va, to kake igekagava ivigatae, pigoya nana Juda minda evayagarava puku ema? ¹³ To'o taverasa kege utae, takae yavera itagoma. ¹⁴ Pailati igekagava utae, eva nana pemita kaema? to'o tave taverasa kege utae. Takae yavera itagoma. ¹⁵ Pailati va, kaga kina namabika imaga. Ewa, Banabasi pa ata tagina, avei irosa watae. Ewa pigo Isu-pa, maro imitagina irukasu iki kinda mutama. Takae yavera itagi kenari maro watae. ¹⁶ Ilevu ginami ava vurite kamani ginami aine kumapindi mewa tagana. Okaena Ilevuginami egaratae. ¹⁷ Igeva kokomu vusu kai, Isu-pa maima potadini, to akenana igina umaema hati ena pota tae. ¹⁸ Igeva kara nakasa otama, iyakeva asagauma ivisutae. Juda minda tave kiya yagara oma. ¹⁹ Asa kasu maima anotapa eguma, kai sakeva potatae, irakavima karana alotuena geva putae. ²⁰ Isu-kava, karana kasa otama, kokomu vusu kaiva maega sima. Ewa kukena to igitama, takae yavera itagi kenari, avavurite mewatae. ²¹ Ka yagara, Saimoni ema Sairini isa, Aleksendra ya Rufus ke isi wawisimbapa. kewandi mekana tagini, ayakuatama, takae yave esaga atatae. ²² Isu-pa, Ilevu ginami avavurite kolgotae amuti mewatae. (Pikagava, "Wasana anokayambu kumanema"). ²³ Pigo, wain wanipindi yava asigitama, amita pa kamba natae. ²⁴ Takae yavera Isu-pa ita atate, autasaena atuma kasiena putae, Ilevu ginamiva kevaya kaka atupa memaikiema. ²⁵ Avaya sarasa, nayakamuta tarae tarae kanata (9:00am), Isu-pa takae yaverapa itagitae. ²⁶ Ka ya atuta, piyamba kae tawe. Juda minda tave kiya yagara ema. ²⁷ Isu gewa, tara kundagara-ra, takae yaverapa itagitawe. Kapa aya takandiwa, to gapa aya kemandie. ²⁸ Undefined. ²⁹ Okaena gina uwae sate angae sate pudiniwa, akaya kasa utae. A'a! kaendo kakaga yagavindiwa, Mono namapa akusa vute, to kiku ema. ³⁰ Kaega komema, takae yaverisava mari tumoma. ³¹ Kamasa ki'isa Mono namatisa Eva yakara miva, Kaga akaya kasa utae. Kaisa ginapa iyomaivia. Ayambaka ewapa kamba omae rikiema. ³² Atagana Isu-mesia, Israel gina minda tave kia yagarava, mari tume kita agate tama titipeno. Tara yaga kunda yagara misive akaya kasage uta se. ³³ Kagi pelo tasa, asena namaba kaga manama me ila rikaewa ma, kakaga kanata mewatae. ³⁴ Ka kaga kana puta ginawa, Isu-wa, taverasa kege utae, "Eloi, Eloi, lama sabachthani?" Ago kasawapa, nae Anutu, nae Anutu Oooh, nana agoga nagasa ne'eh? ³⁵ Kaisa pita mitata kinamive avite utae, aga iyoma Elaisa ka kege iyema. ³⁶ Ka yagarama karuena mekanama, asa wani kukenara erama, asarasa pusasa puma, nanema amitae. Pindagara mava utae, mima agan dakana, Elaisa wa kanama awavuma mara atakio. ³⁷ Isu-wa, tave kigae yaga puritae. ³⁸ Mono namapindisa, kaena pumaranda kaiva agarisa atu urite agori tumitae. ³⁹ Pigo Ilevurisa eva yagarava asima mima agadogana, Isu puritami pa agate, utae, taga taga mapa Anutu dagara ema. ⁴⁰ Pindagava, okaena wae pagasara mima apasa puta pindiwa, Meri Mekdalin ya, Meri ema, (Jems ano wamba, Joses ya Salome ke isi nandoe), ⁴¹ Galilee mindo ganawa, avagi puta nasima ogiena pota vutae. To gaisa okaena waepa avagi purite, Jerusalem i mai itae. ⁴² Atami puta gina, Pipa Sabati manda areri yaga mekana tae ivawa. Aiva Sabati va mekana kiya kava, ⁴³ Josep ema, Arimatia isa pita mekana tae. Ewa ka tave yagara ema pi kamani vidisava midemi kana, Ewa Anutu kumaka mekana sanaga ema, ovipuma miyemine. Ewa Pailati ti mewama, Isu auka ga uma avigatae. ⁴⁴ Pailati wa pami vutae, Isu ka ago puwae uta ganava. Ilevurisa eva yagaraga kege uma avigatae, ago Isu-va puwa oma. ⁴⁵ Pigo Pailati va ago Isu ka puwae ema, Ilevu yagarama tisa avite wa, purinda aupa Josep amitae. ⁴⁶ Josep va, oso kai ikapuma, Isu aupa mara atama asae gasima. Kasa yava kasama matiena pumaranda pindi. Mayo tama tave yava maima aku kaitae. ⁴⁷ Meri Mekdalin ya, Meri, Joses ano wamba isige, Isu kaimarata kumapa agatase.