¹ Pigo ara naninda natansa tara yaga atawai gaita gini, pigo kagu kaikaindi endanana naninda kana amandana tave akiena avoratae. Mono namatasa aine kina mige, puvaya kama natasa napiena ara wanda kinamige kamana nikitae Isu aiguma kaikena. ² Igeva mayae utae, Mandanava kamba tave akiena tave akiena kanatapa avorakie, nanaviema waya awamiva igeva ikapipa kamba imo kasava uma maenava pikive'e." ³ Ka karia yagara Simon ema ai namapi Betani kumata mitatae. Yavaira migarandogana, ka wai imasu gasinda masawaindaga aiti kanatae. Aiva potole awa awaigasima anota akuge vama tigitae. ⁴ Piyavu tagini kaisa kinamiva indavuma igewi ikapipa mayae utae, Nana agoraka pingaimava masawaipa tigie? ⁵ Pingaipa imo kamana otatae. ⁶ Isu-va mayae uwimitae, tigeva aipa ataio, nanaviema pingai kava yewe? Aiva ogi ago punatae. ⁷ Ayaema yagava kusi ginake va mitawakive, nanayaga iyamae kunema napindinipa iyomaekive, pigo ema naigeva asiasi yagava kambe ve. ⁸ Ma gaipa nana pukuwema napemidanava piema. Eva masawae nauti pasemipa, nae purikenena-ne uta'atae. ⁹ Taga taga urimue, ewasa gasa urite mamba atuta mewandiniva, ma gaima pemi danagava, aidiva menari purima iyogikive. ¹⁰ Judas Iskariot, nayatara mupuma tara umaima avagi yakaravisa kawi ne, eva wama mono namatisa eva yagarari mewatae, pigo Isu avavuma imikena. ¹¹ Mono namatisa eva yagara miva avite, igeva pamivotama mone amikena kamana utamaratae Eva judas va kekuena agiyo sagatae ayamba paya avavuma imukuema. ¹² Amaru daga, breti windi yisti kamba winda kana tapa, pigo ema awaro sipsip wa passova ofa ema kaetae, pigo ema Avagi yakara miva Isu pa omi tae, kaeva aetakaga kavi ema, taeva wama marun daki, Passova naninda nakivem beka gava? ¹³ Isuva tara Avagi yagarara isi sagama oisimi tae. Tisi geva tave kumati mewa sigina ka yagarama tave wani kangave esagavikivi dagarama pavikie. Pigo ema ega urisoma. ¹⁴ Aen damapindi kana yagara mayo pasekinipa, aegaurite mayo pasima nama gama ava vambaka avi gaisoma. Posenda yagaramava iyema, Nae marupa aeta windiema Nae navagi dakara mige passova naninda nakuno bekaga? ¹⁵ Pindagara mava tave maru winda nama tiya kikiye. Tigeva passova naninda va taenava areri vio. ¹⁶ Pigo avagi yakarava tave kuma pindi mewama ayama ena Isu oimita mindanava agama, igeva passova naninda redi putae. ¹⁷ Pango tupaso ganava, Isu va naya tara mupuma avagi yakarage mekana tae. ¹⁸ Kaga ayo maruta mima naninda natae, pigo Isu va igepa mayamba oimitae, taga taga tigepa urimu ema, tigepisa timbava kega ivawa naege naninda nambe kaeva naepa nagama kinami iyapindi naisa gakie. ¹⁹ Ayama tavera indara putae, kaka avagi yakaramiva omitae, Ayugu naeva kamba vaya ema? ²⁰ Isu va igepa uwimitae, Pipa naya tara mupuma tara tunbaima eriya yakara mindapisa, ka timba nae no disivisa breti maema nakie. ²¹ Igeva wasanama dagarava maema nagama kinami iyapindi maromi kivewe mo Anutu kasama umara demisa puma. Pigo ema naeva tavera nadara puema mo kevaya wasanama dagara avuma agama kinami iyapindi imikivi kagava. Kanara puakiema mo kana yagara anowamba kamba yakari pota kenavio. ²² Naninda nama mindiniva, Isu va ka breti maetae, pigo nunumu otama avagi yakara imitae. Isu va oimitae, "maiyoma nae nauna". ²³ Eva kapu maema Anutu ti amukasa mayo otama, pigo avagi yakarava imitagini natae. ²⁴ Isu va oimitae, " Mapa nae kurane oso eriya dene, ma kurapa ayama wa amita atigikie. ²⁵ Taga taga mayaba urimuema, naeva tigegeva togayagava mayambapa kamba nakuema mo kana oso wain Anutu gaevindi asu nakue. ²⁶ Ka ini ugaite, Oliv amuti watae. ²⁷ Isu va oimitae, " tigeva kaga naepa nagai kive ema, nana viema ago umaranda kasava windie, " Nae va eva yagarava aegugasa kana mo sipsip va iyegaka waga kana puwakivewe. ²⁸ Pigo aindi mesu asiyekanava, naeva amaru paitama Galili mewakue". ²⁹ Pita va Isu pa omitae, " Kaisa va kaepa kaga kiveya naeva kamba kaga kuema. ³⁰ Isu va Pita omitae, taga taga ugamu ema, pinga seva tara la kokore o agae kinapa, kaeva kakagara epa kamba agandue ikivene. ³¹ Pita utae, " Pigo ema kaege purikena vundapa, kaekagava kamba kaga duemava kamba ukue. Kaga ayaemava kama kasa mana Isu kava omitae. ³² Kaga ayaemava Getsemani ye kumata mekana tae, Isu va avagi yakaragava uwimitae, " tigeva mata mara mindigi naeva wama uma nunu uku ema. ³³ Isu va ivavutae Pita wa, Jems ya, Jon wa ewake, pigo amba irosatapa, tave kundu enaraka aumaetae. ³⁴ Isu va igepa oimitae, " naeva tave kunduena rataka nau maeiyema purikena kanata. Tigeva mata mima ogima kavi iyoma". ³⁵ Isu va igepa itate mevapuma uwae nawa mewan danava mari uma warewa tae. Eva Anutu ti nunumu mayo utae, pigo yo kanara ma kambaraka kanapa epa angkagai kiyoma. ³⁶ Isu va piyamba nunumuva utae, Anutu Navanemba, ayamenava avorakivipa kae kaumara kae, maegaso ma kagave nae pindinsa, pigo ema nae naumarakagava kamba ya kaega kaumaga ema. ³⁷ Isu va mekanama igatamipa avagi yakarava iwi tamita tae, eva Pita ka utae, " Simon kaeva uwa kawi tamindanoma? Kaeva kanara asima ka kanatapa evavi kivenoma? ³⁸ Tigeva kavima nunumu ikena ema, pigo ema tigeva atakamaena vindiva kamba esawa kive ema. Agu yagaramava owe emipa, Au amava kamba avi yema. ³⁹ Toga yagava Isu va wama nunumu undana, eva kamasa kasa uwimitae. ⁴⁰ Toro toga yagarova, Isu va igatae avagi yakarava ivi watae. Iyova kunda vuvatagina igeva kamba napi enava witae ekagava nana ema omuku nema. ⁴¹ Toro kakaga yagava, Isu va mekanamava mayamba oimitae, " Tigeva tiwima piamapa miga ragae, oma? Pavigoe! Kana ago kanagasae. Aga iyo! wasanama dagarava igeva kaidanago kinami iya pindi isagai kivewe. ⁴² Tigeva asi iyoma, tigeve naeve wakuna. Aga iyoma! Nae navavuma nagama kinami iyapindi ata kena yagarava mago wakara ago mindiema. ⁴³ Pikana pindiva Isu va igege kamana umami tata ginava, Judas va naya tara mupuma tara umaema avagi yagara visa aeva ka wine pigo megirosa tae. Okaena kina ega urite mekanatae, igeva mono tisa eva yakarave kamanatasa napi yakarave Ano kayambu yakarage. Igeva kasope asa kasupe maerite Isu ti va mekana tae. ⁴⁴ Isu avavuma agama kinami iya pindi imikivi, dagaramava mayamba utae, " Endagaravaya nae amona kuo, pindagarava tigeva epa aya kuma kavima avavurite wakenae". ⁴⁵ Pigo Judasiva mitata kumata megirosan danava, avagataka eva Isu ti mekanama utae, " Posenda yagarao, " eva uma amona tae. ⁴⁶ Pigo egeva iyapa eta atama aya kuritae. ⁴⁷ Kawi igege asimami tamipisa egeva kasonga apama epa age arave vugaitae Mono namatisa eva yagarama eriya kinawapa. ⁴⁸ Isu va oimitae, " tigeva mekanape tigeva kaso na asa kasundaga nayakuri kena veoma? ⁴⁹ Naeva tigege ayama yagava mima amu winda kasava mono namapindiva uvuve, pindagava tigeva kamba naepa naya kuritae. Pigo ema mandana avora mipe Anutu ugainda kasa avo rata kenevie. ⁵⁰ Ayama kendo Isu ge mitatapa kaga epa atate igeva iyega kane. ⁵¹ Isu pa agama kinami avavurite mewata ganava. Ka masivavi yagara e'ero kukena potate Isu pa egauritae. ⁵² Eva e'ero kukenava akuvotate gina eva egepaka egaka wagaitae. ⁵³ Igeva Isu pa avavurite mono namatisa eva yagara mati watae. Kaga aya ema mono namatisa eva yagarave ano kayambu yagarava koti enarasa napiena yakarave kaga mo Juda isawa mitatae. ⁵⁴ Pigo Pita va pagasa vuma egaurite mewatae mono namatisa eva yagarava kumati. Eva uma maramitae mo ilevu kina mige yakuta tapima mita ta-ta. ⁵⁵ Monotisa eva yakarava kamanatasa eva kina mige kambari kasa agiyo sagatae Isu koti pota kena, pigo epa eguma apukai kena. Piya puta piyo egeva kamba ka kasageva kamba agiyo saga tae. ⁵⁶ Okaina wimbi kambari kasa maeta Isu koti pota kena, puta piyo kamba ka kasa wimbava kama putae Isu kasa mageva. ⁵⁷ Kaisa kinami asima kambari kasa koti potakena, piyae utae. ⁵⁸ Taeva avutune eutamipa, " Naeva ma mono namaba akusava kaikuema iyatasa pumarandapa, mo kakaga yagavindi naeva mona namapa asita kuema iya tasa kamba punda ma. ⁵⁹ Kasoma igeva toma toma kasa utae, ige ena pimba kasava kamba kamasa putae mo Isu da ogi kasama geva. ⁶⁰ Pigo monotisa eva yagarama geva ige ika pindi asima mima Isu avigatae, " Kaeva kamba tae yombe kasava mae'e nema? Pigo ma kasa gava nanae ikivenema kae kaga uga takagava? ⁶¹ Pigo ema eva awa mupa aku uritae mo ige uta kasava kamba imaeta. Togake monotisa eva yagara mava Isu pa avigan danva utae, " Pigo kaeva Isu Mesia gae, Anutu dagara? ⁶² Isu va utae, pipa nae-ema, kaeva aga kivenema Wasanama Dagarava Anutu ayata kandi maramima aya ema ese giena yaga mandarisa ivina pindi mekana kie ema". ⁶³ Monotisa eva yagara mava autasa kukena atugima, utae, " taeve to nanae kasa agusa kunema? ⁶⁴ Tigeva ago ma karana kasava ave ema, to nanae na pikive ema? Kaga kinami epa kamba raga potatae mo agegivo yagaramata ata pureno mamba. ⁶⁵ Kaisava kaisa potatae, pigo owava irarikae tama epa kambaraga potama utae, " Kakanda kasa yoma, kevaya kaiguya yoma". Pigo Ofisa mi avavuma aegu tae. ⁶⁶ Pi kanata Pita va mo kuma-ama aveti, monotisa eva yakaramida ka eria araga wae eti mekana tae. ⁶⁷ Eva agatamipa Pita va yaku agora mima yakuta tapima mitatae. Pita agate utae, " Kaiva mo Isu Nasaret isage mivembene." ⁶⁸ Taga piyo Pita kambarika utae, " Naeva kamba napondanaga kaeva enema, " Aindi eva avei namagama kave wakara mewata gina Kokore aga utae. ⁶⁹ Monotisa eva yagarama eria waema Pita agate wa waya asima mitata to oimima maya utae, " Ma dagarava igepisa ka winema". ⁷⁰ Nana piema Pita va to kamba rikasa maya utae, " Epa naeva Isu pa kamba agaduema," Ise yaga migaete Pita asimami tata kinami Pita ka mayamba utae, " Tataga kaeva igepisa kawi kaema, nana viema kaegeva Galili isa gaema." ⁷¹ Pita va okaena oketa kasa otama mindana kamana mayamba utamara tae, " Naeva kamba agan duema mandagaraga tige umami yepa." ⁷² Avaga ando kokore aga utae tara yagaro. Aindi, Pita va napitae mo nanae Isu omitamipa, " Pina akai tara-ra Kokore aga ekinapa pindagava kaeva ikivenema naeva kaepa kamba kaga duema kaka gara ikivenema," Pigo ema Pita va kuve ena pikiema nana viema kamba rikasa utami kaga.