¹ Isu ini namapisa iroma watagina, ka avagi yagarama omitae, Isu-o, mare aogi yavanda namake namanda namati agaoma. ² Ma tave namandama mapa aganao? Isu avigatae. Kamba ka yavapa towina avovorapa waikie, eva kamba aivako vuma tumikie. ³ Olives amuti umitatata gini, Ini nama gama agaisi. Pita ya, Jemisi ya, Joni ya, Andru ya suma gini, kaka wama gini avigatae, Isu. ⁴ Uramoma, nana yaga kanaena va pikiema? Kana mandena avoragena pekanava, araena wapa nana pikie? ⁵ Isu uwimitae, kageta kaera miyoma, wasanami tiva vute ataena vindi wasanagaya. ⁶ Okaena gina kanama nage amba ikiveno, Isu-mesia naema, okaena gina ivavute ataena vindi wakive. ⁷ Piti kamaena piye, kamaena pikena piye kasa avindi ripa, ada pi'iyo, uga pindanava pikio, atutiva kambae. ⁸ Pigo wasanamava asima kamava tua takina, tomarasa ginamapa kamava tua takina, imima okaena aukai pekana, tave kavoenava avorakina. Pigo tave tauki vakiena va agovikie. ⁹ Kavima mi'iyo, kiagi nami iyo riva, asiritandini, ini-nama pa akupama tiegundini pikivene. Kiya gina, aeva gina mi iyoriva asiki venema. Nae (Isu-de) nagaraka kamanaena pikie. ¹⁰ Amarupa, mono kasa va, ma atuta wama, wama uma nagarinda kana. ¹¹ Pigo kaya kuma mayo kataigi napa, okaena napiena va, apo, nanae ukuemava. Awamusa ama, kawa muta pekana ikivena. ¹² Agando va anando pa, avavuma puri kenaena vindi maro takana, ava wamba yagara wapa paviya pekana. Yagara wimbi giva, ino iva gipa igosawa vuma, yeguma apuri kie. ¹³ Kaepa, wasanamiva iyekita vogatama nae(Isu) nagerakaga. Piya vikivepio, kega esegivuma atuti uma nagari kivembepa, kaepa kauikue. ¹⁴ Pigo agaga na, ata kundu enama, kamba wakena avara wakanapa, ma esa isu kivempe nagava napiena pikenae, Judiai minda kivembe kina pa, amuti kaegaka wakenae, ¹⁵ agatagana kevaya nama dagari minda kivipa, atumima ,namapindi saenawa pavita ato, ¹⁶ agatagana kevaya yogavindi minda kivi keva, to akanama kukenava a'ambae yano. ¹⁷ Pidagava, tasin daraenae kevaya agaendaga no, inamu nono kimamikivino! ¹⁸ Nunamu egana pindanava kagurereyagava agavorano. ¹⁹ Pindagava tave kunduena raka avorakie, mo Anutu maba potandemitasa iva mekanama, togeloge kamba avorakie. ²⁰ Taveyagara (Isu) kana kamba arosa kivikava, kaga kinapa mikie. Pigo Aewa (Isu) uta gainda kivi kinaka, kanapa kasama arosakie. ²¹ Pigo kaisa ginami kana magini, Isu-mesia na maba kanauwe, eyo'o, Isu-mesia moti kanae ikivepa, agavio. ²² Pigo mevi kambari Isu-mesia ve, eriya kina pe (profet) avorama, araena va pudini, aosena va maema avora kivene, tiva vute ata kipindi wakena, agoya pikivika va, Anutu ago uta gaikivi kina yagane. ²³ Kavima mi'iyo, mandana va mama kana kiyaka urimone. ²⁴ Kundaena atawa gaikivina avovoriva, pangao mava tugu gakina, oama va kamba ewasa enava pikie. ²⁵ Manda risa, noriva atutu vuma tume kana, manda vindisa esegiena va, amimi pekana. ²⁶ Agaigina pigo ivina pindisa kana kie wasanama dagarava, esegiena pindisa, ewasaena pindisa. ²⁷ Isu-va angelo ginawa igaruwakie, wama giri mage mandage atuta uta gainda kina uma avavuma megaki viyoma. ²⁸ Napiena va yoga ya (fig tri) doma maro maekenae, ano bara dana, aye pari pundanave kanapa pata kena kanapa waka raema, napi'iyo. ²⁹ Kana mandana pekanapa napi'iyo, Ae (Isu) kana kena kanapa keta keta piema. ³⁰ Taga taga urimue, minda kinapa uga mindigina, manda nava avorakie. ³¹ Mandave mave pagi puwakiya, Nae (Isu) kamanapa, kamba raka pagi pikie. ³² Nae (Isu) kana kena yaga kanapa, ka yagaramava kamba agandie, angelo mave, yagara wamba ve (Isu), Avawamba (Anutu) e'e asa andogane. ³³ Kaesara mima kavi kenae, nana viema kamba agandana, nana yaga emava. ³⁴ Ka yaga rama nama anga atate namui wandana putisa puma, nama angapa eriya kina wambi igata atatae, kaka wina pa kaka eriya ta. Aseka kie yagara va kaoga ma miyo omitae. ³⁵ Pina ka kauga koga aogima mikenae, nana piema kamba agadane, nama gana, oyapawa nana yaga vaya kana kiemava, atamino, aseka avao, kokore agaekinao, avayao. ³⁶ Pamiena kana danava, piyama kawitamin danemava akagano. ³⁷ Kae nanae ugamopa, ayama gina uwimuo: Kavima mio!"