¹ Pigo Isu kamana agovima uwimitae awame kamana pisa. Maya uwimitae, '' ka yagarama waini yugu putae, kagisa gima waini yugava ingkitatae, ka guma yokege putae anti aerama waini maekenava. To toganama vima waini yugara kavikiveka imatae waini yugawata kavikena gina piyapotate kaisa pagasa mari wagaitae. ² Pigo waini waini amanda yamanga asikikena kana kantae, aeva pigo kaeriya -ndagarawa aisagatae yoga kie kinamiti kaisa waini awa asigiurite kananema. ³ Kambae ayakumo gini aeguma to kana titi ouka aisagatae. ⁴ To ga eriya ngdagara wa to aisagatae, torevasa puma aeguma gini ano ngkairapoma ataena potama ata ani-ntanara aetatae. ⁵ To gato aisagatae, pintaga ara aeguma aivukaitae. Kaisava paviyama to kaisava kama sandana puitama iyeguma kaisava era aivuritae. ⁶ To gayagara lo aisagakena waitae, aewa ngdagarae tavera avugati ae-ase-ando mitae to igeti aisagakenava. Piya utae,'' Masi yagaranemba kamana avikive''. ⁷ Kambae yogala kavita kinamiva igewaipa maya utae, '' pindagaramava ava wambanda ayama kotapa aewaka maekiyema. ⁸ Ayakumagini, aeguma waini yuga wamapa avei maevugaitae. ⁹ Piyavekina, waini yugama avawampava iva-va ayapikiye? aeva ige pa kanamagina aitaena puwitama waini yugara kavikenaenava togina imikie. ¹⁰ Ma kamanapa kamba aisuma avintana? ka yava na kikena ginami aiwaregasa,pintava kamava atutasa esegi yavane. ¹¹ Mapa oyapa matisae, mapa tasio liva aogivie''. ¹² Igeva Isu arakurikena putae, okaena ginakaro to igave karu putae, nanaviema aeva igekaga meto kamanapa utaginie. Aepa atate wagasi kangasi putae. ¹³ To igeva kaisa Farasi gina ke Herodia gina ke aisagatae kamana tasa kogima arakurikena. ¹⁴ Igeva kanadiniva, piya utae, Posenta yagarao, taeve piyamba kagaune kaeva taga kamana ikena yagaragae, kaeva kawinaka kavi kenaenava kamba waindie kambae, kavike nenava ayama gina mika waindie. Taga tagane kaeva Anutu ago puiya kivene. Sisati takisi ikapikenaenava kanara pera kambae? Ikapukupera kambae? ¹⁵ Isu kambari kamana utagana Aeva maya uwimitae, Tigeva nana laka naepa ataka pikena ve'e? Mone ka maete kanaigi agano utae. ¹⁶ Piya utagini ka mone maete Isu ti maete kanatae. Aeva maya uwimitae, Mapa kegama ke agewa ke waindiema mone lapa? Maya utae, Sisae. ¹⁷ Pigo Isu maya uwimitae, amiyo Sisa pa nana Sisa danava, paviyama amiyo Anutu pa nana Anutu danava. Pigo igeva tavera pamindami putae kamana wa uti aviteva. ¹⁸ Kaisa Sadusi gina Isu ti kanatae, igeva purinda kinapa kamba asikive uve kinane. Igeva mayamba uma avigatae. ¹⁹ Posenta yagara, Mosesi makamanapa mayamaba kaema uramindie, kegavaya ka agando puwakinawa wayawa atate, kamba yagarawa ma'atanda, pigo purinda yagarama anando mo'o gaepa maetakie, piya puma agandondaga yagarava avakie. ²⁰ Kayagarava naya taramu puma to naendisa tara umaema masi agana mitae, amaru yagara igando ka waya maetate puwatae aeva, yagara kamba atanda aeva. ²¹ To pitasa anando wayapa maetatae to aeva puwatae, aeva yagarava kamba atanda. Kakaga yagara isinandove. ²² Ayama nayakamu puma to naendisa tara umaema aganava puwaewatae ayama yagara kamba atanda. Pigo waya keva aindi puwatae. ²³ Matipindisa mesu asidiniva, igeva to asikivepa, wayapa aeva kegaendana pikie? ²⁴ Isu piya uwimitae, tigeva piyaenalasa ataenava puve, nanaviema Anutu kamana mono isapindi windi kamanapa kamba aisupe Anutu esegiena lasa geva. ²⁵ Pi nanayaga purindapisa asikivepa, igeva wawayaenava kambae. Igeva manda kumatisa angelo gina kanda pikive'e. ²⁶ Tigeva purindapisa asikena kamanapa, kambavaya Mosesi isa pindiva kambavaya isuve'e mo kavuwama kamanapa, nanawama kamana Anutu geva utameti utae, naeva Abraha'amu Anutu nae, Aisaki Anutu nae, Jacopu ke Anutu naema? /v 27 Aeva purinda kinami Anutuva kambae, iyogama minda kinami Anutu'e. Tigeva ata kamana ikena kina tae utae. ²⁸ Ka puvaya kama kaekena napi yagara kamana amba avitae ige uta kamana, aeva piyamba agatae Isu-va aogima kamana waipa aegama waimi yema. To pindagama Isu-pa piyamba avigatae, Anutu dava ae puvaya kamana ama aogipundiye ayama puvaya kamana pindisava? ²⁹ Isu mayamba omitae, avio Israel ginapa, oyapa Anutu-va ae asa andoe. ³⁰ Tigeva tave yagara gava tiveno, Anutu-lekava tiguyaga, timandaga, ayama napiena tindaga, ayama esegiena tindaga. ³¹ Anutu-da tara vuma puvaya kamanapa mayambane. Kaeva kagora kaege miye kina ka kaveno kae kaka kavisa puma to gapa mayamba tavela Anutu-da puvaya kamanapa kamba waintie. ³² Ka awaena pikena yagarama utae, Aogi, posenda yagarao! Kaeva tagataga ene Anutu-va ka ando eva, tova akaiva kamba mintae. ³³ Anutu ka amako yaga, napiena yaga, esegiena yaga, agora mikivi kina ka avukena aewa ka avisa puma, aeva tavera againdie yakupi kaekena ofa va. ³⁴ Pigo Isu pindagara agatipa aeva aogi kamana uwimitae piyama aogi napiena yaga yagara iyema, aeva maya omitae, kaiva pagasaiva kamba mindane Anutu agoyaena pindiva. Pindaga to kaisa kinami va Isu pa kamana pa kamba to kake mava avigatae nanaviema iye kuru putae. ³⁵ Pigo Isu posenda kamana ini namapindi uwimitae, Aeva kamana wai gawima piyae utae, nanaga puvaya kamana kaekena napi gina miva uve'e Isu kava aeva Deviti dagaraema? ³⁶ Deviti aeva Awamusa pindisa, utae, Oyapa ma omitae, Oyapane kaema naya takandi maramio, naeva kagama maema kagisa amendapindi mara miutakue. ³⁷ Deviti aewa utae, Oyapa ema, pigo ayama Isu-va Deviti dagaraema? Okaena ginami imutisa kamana pa avitae. ³⁸ Kamana uwimiti pindi Isu-va utae, ti awae viyoma awaena kaekena gina mikava, ige-va aisana kuma pindisa wasana mika agoyaena puratayoma puve'e. ³⁹ Paviyama ini namapindi va aogi maru maekena ve naninda nakena ve aogi maruta mikena puve'e. ⁴⁰ Paviyama iwae puwanda kiya waeni damape asori sari puitave'e. Paviyama nunamu va yako e'erata uve'e wasana mika tagaiyema. Pi kina miva tavera kundaena va maekive. ⁴¹ Pigo Isu-va ini namapindi ofa ata kena kakave wama agora mara mima, aeva ipasa putae wasana mi miye kakave pindi motata okaena tave kotata. Okaena tave kotata agata kina miva miye pa tavera atatae. ⁴² Piya putagana awae puwanda kiya waema amanagando tara miye motatae. ⁴³ Aeva aegara yakara ga kagae ma uwimitae, Tagataga uri mue. Ma kotanga kakainda kiya waema tavera atae miye atakena kangave pindiva. ⁴⁴ Ayama-va okaena waindi pindisa igeva mayam mava atae. Ma kiya waepa kamba waindi pindisa, kaga asakama mando atae.