¹ Sonda pagi putagina, Meri Mekdalin wa Jemisi ke Salome ke isino wisimba Meri ge masawe ikapurite, Isu aruri masawe auti pasikena watae. ² Avaya raka ka wiki manda amaru yaga mesu pa'a girosa tamipa, Isu aruri mewatae. ³ Pigo igewika piyae utae, Isu arurisa kave yavapa kevaya maira gai kie? ⁴ Mayo agatapa, agatae tave yava damapa ago awarerite megaitave. ⁵ Matiti mewama agatapa ka yagara waewae puwanda autasaina potate mara mitatae. Igeva tavera pami putae. ⁶ Pigo piyae uwimitae, tiekuruva apiyo'oma, tigeva Isu Nasareni yagaraga agiyo saoma, mo takae yavera itagi tami dagaraga oma. Ago asiwatae! Kamba matapa mindiema. Auwitata marutapa agaiyoma. ⁷ Wama wimiyoma, eriyakinawa kaya, Pita kegava, ago Galali paitama mewagasa ema. Piti epa agakive ema, mo utisa puma. ⁸ Isu aruvindisa tumima watae, iyekuruvuma kamba wasava wimitae. ⁹ Avayava ka sonda manda amaru dagava, pigo eva asite Meri Mekdalinita amba avoratae, mo naya ka mupuma tara umaema ke'e awamusa maegaitami gaene. ¹⁰ Meri Mekdalini va wama uwimitae, mo aige mivuta kinapa, idaraena, kuwe'ena pumami tata gana. ¹¹ Igeva avitae, uwa mindiema ago Meri Mekdalin va agatamipio, igeva kamba imatitipa putae. ¹² Pigo pindanama akai, tara yagarava toyagarara Isu eria kinami iyoriva avoratase, kei wandiniva. ¹³ Wama pigo kaisa eria kina waimitapa kamba imatitipa putae. ¹⁴ Isu-va pigo eria kina mara minduguna iyori mekana tamipa tongia kamana uwimitae. Kamba imatiti pudanpindi Isu-va mesu asitae. ¹⁵ Piyae uwimitae, ayama wama Anutu kamana ayama aukai uma wimiyoma. ¹⁶ Kevaya wani baima amatiti pikivipa, Anutu avavikie, kevaya kamba amatiti pikivipa kotira asikie. ¹⁷ Ara enava amatiti pikivinata avorama kambari awamusapa nai nageraka mai igikie. ¹⁸ Kuyava iyapi ayakuma, kiyoenava nakivepa kamba purikive, yoni kinami ita iyangata kivepa iyogaki ve'e. ¹⁹ Pigo taveya garama kamana uwimitate Anutu ayantakandi asumikie. ²⁰ Eria kinami pigo kamana maite ayama aukai wakie. Anutu-va iyo maiye kina posenda enageva pikie'e.