¹ Nicodimasi, Ju uyi dafisini wemi, farasin wemoni. ² Wenana ayufunkanimi Jisasimpac yeraemi temi,"Tisa, eni tiyimim wainta wemi, eni Koctinkinkena kumwanaci mayauni emi indinkeko, Kocti mana namaciye wanami eni eona andandau iye mayami ampamintemi." ³ Jisasi yewaekem weni tamemi temi"Pukan tire, pukanteko, oyam waintawac ayufono, iye minec Kocti amac makuni iyen onanonami." ⁴ Nicodimasi temi,"Peyam wainta amankac iyec yewaekem weyanoc arapim kandacya oc waduinam macankantemi." ⁵ Jisasi temi "Pukac pukawe,Koctic amac makusapa iye urinonami ena Acyun Aunkima, nonkima iyec marewe. ⁶ Iye pacpa wunankim makenafi aci mini pacpa wunankimi makemi, afo iyeci Acyun Aunkim makenafi, aci mini Acyun Aunkimi makemi. ⁷ Yeweke en anon aracpim wacdono tanam anducde iye ideno. ⁸ Tisowani we awic tirapaci wemi, tisoway ani indanamifo nafactec yeraenaci inkepakac wenafi, iyen onakanami. Mini amankaci weno, iyeuyac Acyun Aukim mackeyafo. ⁹ "Nikodimasi yewaekemi tamemi temi. Anon iyena wayayukamino." ¹⁰ Jisasi yewekaekem tamemi, temi nacec eni Isreliuc tiyimim wanita we iye mana indikefono" ¹¹ "Puka tirec puka wayani tameko, ne yeunamac indekafu, mini tameunku, ne yeunamac onekafu, mini emi yocake unku, afo eni iye mini waya pakanamino. ¹² Inkecnurec eni inarum makusapatena andandawan tenac indinte. Afo ena mana makakakena andandaukan tena iye inde." "Iye mayawac inarmpa umwanamini, afo mayam ¹³ weni inarumpate kumweni, Miyi Wanta Akaci wemi." ¹⁴ "Mosesi acmac makafac mamani yanic onini ena Wanta Akac wakaci yanici." ¹⁵ "Wenkim yinkum munkinayouni iyakacwan yaum dukanteno. " ¹⁶ "Kocti mana makawac ayikara yewanimi weni mana Intaukami danimi mana makakac kundainana, iye wekim indin dantenafi, iye pukenaci ecen iyakac war aum marantemi. ¹⁷ "Mana makakac weyon iniya wainta yirinowara, Kocti wey akaci denaino, mana makakac weyon iniya wainta mana nanayinta danowani wen Akac demoni." ¹⁸ "Iyec wekim anduni iye munkintenafi, aci wani aukimi wonami, newarafi, Kocti Akac mana Intakimi anduni eni danami. ¹⁹ Umac anda wantemi, mana makakaci kakani yiya wanta kakani ecemi ayufunkani pakem. Newarafi, yenyic manaf yokantani." ²⁰ "Numoc eyouni kakani yifokeni, iye kakata yinteno, yenyi numo afotakic iye ino wano." ²¹ "Puka awakureyouni kakantaci yinteno, afotaci yeni yokaruci Koctinkin ampamintemi." ²² Judiaci, Jisasi wen awakurewayou namac weno, minifaci mana nuram maremi nomaremoni. ²³ "Amucna nomi Aenonici Salimic maku anakaci wanimi Joni non manyinkemi. Amucna iniya waintauc yeraoyomi nom manyinkemoni." ²⁴ "Mini yamuci Jonin iye pakaman dumurukayono." ²⁵ Yiyan nonokar anda wani, Ju mandafisiruc namac Jonin ukorewayou namaci umaric menoyo. ²⁶ Joni waninpaci oreni teno, "Iyeno o, Jodanic nonpaci mana wainta eni yocyikeona wainta weni nomi manyinkani wemana ukoreno." ²⁷ Joni temi, "Mana andandawac wanta iye marantem inarumpate amikananimi amankac wantemo. ²⁸ Nectekafu enafoni onakanami.Teni Jisasi wa wekauno, wen ontapaci temi tisinkaeke denoyo. ²⁹ Wayi ir inini, wem wayic inani waintaindan wemi, wayic inanin waintawac akanda amoyemi ukukakemi wayic inanin wainta awayay indemi. Manafoni tentic timoyini maro amankaficemi. ³⁰ We yemarem yan urinakac, te yemarec makakac kumo. ³¹ Iyec yanke kumenafi, umacden andanda acnonkaci dafictemi, mana makainda weni, mana makakakena warananan temi, inarumpaten kumeni, weni umacden andandakac dafictemi. ³² Nec weni indiken onakenafi, mini weni tiyimemi. We tenin wayani mayawac iyen pakeno. ³³ Wen awaya pakeyouni teni, Koctin puka weminon tire indeno." ³⁴ Koctin wen awaya tekowan tiyinkeniuni, iyen weni Acyun Aumi daindem yimemi. ³⁵ Wen afo, wen akac ayampimi umacden andandauc dukami. ³⁶ Iyec Anintakin undun munkintenafi, iyakac war aumi dukanonami, Aninta awaya iye indei, iyen iyakac war aumi dukanonami, Koctin arami wen namaci wantemi.