¹ Jisasi bac indikanini Farasiu teni, Joni maci yesakarem disiapolou yokam raremi, nom manyikem memi. ² (Weni iye nom manyinkemonifo, weni disaipolou nom manyinkenoyo). ³ Yudia ecemi, weni Galeli yewekem wem. ⁴ Weni onem amankac Samaria biriukem moni. ⁵ Weni yerere Samaria taunic wem, avicdem Sika, kipa maka acnaka Jecopi wen acka Josepim amonimi. ⁶ Jecopi nim masi udanika, wayankokaci Jisasi kanku naonimi yec kumandem. ⁷ Samaria inin nom uyiran yenimi, Jisasi tamem temi, "nom untimic nano." ⁸ Weni disaipolo naruc marakowani taunifa tiyinkaninic packe oyokaci. ⁹ Samaria inin wem tamem temi, "Inkeni ure teni Samaria banac, eni Ju wec tec nom uyame?" Ju namac, Samaria namac manakim iyen wenono. ¹⁰ Jisasi indiremi anasi tameni, "Ena make Koctini awarin onackake inam wena temi, non timinac nac, makema bempac inda ukake inami weni iyenkipan nomi amiti." ¹¹ Anasi yewaekem tamem temi, "Inke enic kura wenac, masi nomi duruntikeno. Inke iyaka wan nomi dukewa? ¹² Amanka eni iyen mayau tifo Jekopi yeankaka nonamino, weni mayauni mana masic nom timirem, wenacu nem, wen akafanda nem, weni burumakau neno?" ¹³ Jisasi anasi tamem temi, "Iyen iniyawainta mana nom namandanami yewekemi ayemana wantem, ¹⁴ Iyen iniyawainta mana noma amenuna, iyewaci yewaekem mac ayintem. Mini noma amenunac, anduntimi kumemana weni nomi emi yec apandemi iyakaci wanonami." ¹⁵ Anasi yewaekem temi, afo mini nom timi nananac iye tiyinaka oweke yemac iye non uyono." ¹⁶ Jisasi wem tamemi, "Eyawafu omac tamirewa owabeke yeno." ¹⁷ Anasi wem tamem temi, "Teni wantauc iye dukeko," Jisasi yewaekem tamem temi, "Pukatec eni sec iye wanta dukewa, ¹⁸ Eni puka tewa, makewe aseona waintaci enawafu wac wenac, eni mana yacman wainta dukanami." ¹⁹ Anasi wem tamem temi, "Emi onana Profeti wanami. ²⁰ Mayau tifounacmi mana anunampaci man tenoc, aka eni temi Jerusalemici anasiwante man titenyo." ²¹ Jisasi wem tamem temi, "Anasi , eyandu tempade inde, kukakani yembem iyen ikenama Tifo mana anunampa kafi, Jerusalemi kafi man tinteyo. ²² Eni man teona iye onakanami. Mayauni onanke man tecu, Ju kimi tasasim wemi. ²³ Micni mukami, kukakan yebem, puka iniyawainta pukakim man tinayomi, ekemunama Tifo spiriti kinama, puka kinamaci man tinteno. ²⁴ Kocti Spiriti wemi, anasiwanta wenkim man tinayouni spiriti kinama, puka kinamaci man tinteno." ²⁵ Anasi wem tamemi temi, indikeko Mesaya yeweno, (ben awici Kraisin wenowe) wenana yemi, umacden anecne manar apotac dantemino. ²⁶ Jisasi anasi tamemi tami, aci mini teni weci emi tameko. ²⁷ Mini yafomi disaiporouc oweke yeno. Yeni yerereni anon indiric eni teni, newaraci anasi namac asem wenefit. Yeni teni, nec marem wenamac wenafi, newaraci wenamac asem wenafu? ²⁸ Anasi beyi non kura ecemi taunifa maro anasiwanta tiyimem, ²⁹ "Yerec mana wainta onako, tena ekunauci manar afota deno. Amanaka Jisasi wanteno?" ³⁰ Umade taunic yerereni wempa yeno. ³¹ Kapakaci wakeni disaipolou wem awankeni, "Tisa, mande nac." ³² weni yem tiyimem temi, tena yunan duke nekuna ikeni iye indikami." ³³ Disaipolou weyarani teni, "Iyewaci mayawac yunam mare amemi nemi, pukafi?" ³⁴ Jisasi yem tiyimem temi, "Tenti yunami, ten tisinke ninic ayin manac amanice weni yokanama. ³⁵ Iyewa tewa, eriyewam ikona wami, koyin yinteno? Emi tameko, okam macman anayofa ona, nan koyini afukakeno! ³⁶ Yunan koyeni, weni ayaci maranamimi, iyakac war aunkimi ackami yuekem dantem. Nawarafi, yokeniwa, koyeniwa manakimi yeraeni anon yimon ninteno. ³⁷ Mini wayasim, 'maya yokam maya koyem,' mini pukabem. ³⁸ Iye yokeonakim okoyono wani emi tankecu. Enuni yodankimi pani yeyi yokantimi owanonami. ³⁹ Amuna Samaria we avaya indireni wenkim yidun ameyo, "Anasimi wenama aseni wayani pukaic mukemonini." ⁴⁰ Samaria nama wano wani seyomi, kan nurami yenama bami. ⁴¹ Amuno wec awayan indire ukore wenkim yindun denoyo. ⁴² Anasi tamem temi, "en awayan yac indire ukore kaumpo, tenafuyuci yere indire ucnami, puka mana makaci tasasim wainta wemi." ⁴³ Kan nuran anaimpac, weni yererem Galeli wem. ⁴⁴ Jisasi benafun temi, Profeti iye weyi makusim iyena wic dukemi. ⁴⁵ Galeli yeronini wemi yimukemake ureni Galeli iniyawainta awikenoyo. Yeni weni awoku yokaruci Jerusalemi omakim onimi onareni yimoyem. ⁴⁶ Nom manam waini onim makufac Kana ke Galeli awafaci owaekem yeronimi mana ami dafisim wainta akaci Kapenaumi awiri memibam. ⁴⁷ Weni Jisasi indenimi Judia kem Galeli yenimi, weni orem Jisasi tamemi wen acka kuman ofacino wani, pukiranewami. ⁴⁸ Jisasi wen tamemi, "Pani tenkim andur iye mukinonami andanda ampandana mana andum tenkim munkinonami." ⁴⁹ Ami dafisim wainta wem tamem temi, "Kunde ona, acitentika pukiran newako." ⁵⁰ Jisasi wem tamem temi, "Aci ena acka ukukeno." Mini wainta Jisasi awayan indiremi, yerere wem. ⁵¹ Kume wanimi, weni yikam wainta ankapa onare tamem temi, en ackaci aciukukeno. ⁵² Weni indaem, nec yamuka mini inta ukukena. "Nurami wayankon acwana yafomi ukukem." ⁵³ Wenafo indemi Jisasi ukukano wayan tenika ukamoni, "Aci encaka ukukem." Wen ankum umade wemi yindum amenoyo. ⁵⁴ Kantar anene Jisasi uwaremi, wena Judiake Galeli wonim.