¹ Cana Galili makusimi kandac manawac nuram anayempaci, Jisasi wenano namaci wayic omakac wemoni. ² Wayic in omakai Jisasi wenic yokam waintauc namaci yayarenoyo. ³ Waini nomi kakipami Jisasin ano Jisasin tamemi, aci waini nomi kakipemino. ⁴ Newaraic teni wekunafac yefono thiremi Jisasin anasinkac indaem temi tentic kukakani iyen yeweminowe. ⁵ Wen ano weyic yokar intauci tiyimemi macnin temoni, ne wayayaci weni tiyimeitanafino, ikeni mini wayani indiric mana waci okowe. ⁶ Jiuc yen yuc nonokan yamuc yeronini mana yacman afac mana umanan kawe kurafimi 20 namac 30 namac pakaric ukam umandewam non amankaci. ⁷ Kurafim nom wacyi rana kumanan uwikanon tiremi Jisasin tiyimemoni. ⁸ Nonkac antewami tamemi kamore marewonon tiremi tankemoni. ⁹ Nonkac antemweni wainta weyac nonic aseyin amam macden onaremi wayic irani yeweni wantami aremi. ¹⁰ Mandac ukam waini nomi nenofo, wa awokuc waini mareraya neyaunen tiren tiyimemi. ¹¹ Canac makusimi Galilici Jisasi wenic yokani kukandem maranimi wenic yokam waintauci yinduni munke noyo. ¹² Jisasi namac, wenano namac, wen afac awanam namac wenic yokam waintauc namaci Capeniamic makusimi kamore nuranic mureni wenoyo. ¹³ Jiu iniya waitauc yic anom omac yeronomi Jisasi Jerusarempac oremoni. ¹⁴ Oren yonanini yeni monimakaci kaowa sipisipiwa nunuci marerukeni sarineni kumantenoyo. ¹⁵ Mac namumi undemi kunanamponi yirom wemi mini kinkaci yeyic andandauci anan kayinkemoni. ¹⁶ Tentifo amac mandekec andadauci sarin eyonic iye oko. ¹⁷ Tem mandeke enamakim tinkano tikam wayani wenic yokam wantauci omare indenoyo. ¹⁸ Ne andadac yotikan tefono, mana andada uwara nonawe tireni Jiu mackenuni indenoyo. ¹⁹ Mana mamac anan karakaci kanda mana wac nurami kumanan ukukantecumpewen tiremi Jisasi tiyimeni. ²⁰ Mana mamaci 46-orandekaci uwarenoyofo, eni kandac manawac nuran uwarararaci tetenowe? ²¹ Mini wayani wen owani waedemi tiyimemoni. ²² Jisasi tiyimenim wayani we pucena kandac manawa nuran ukuckananinanim wayani wenic yokam waintauci tiyimini yeni omare indireni mini wayani indimam eran nenoyo. ²³ Amucna iniya waintauci Jisasi anon omakac yewem uwrewaninuci onareni wenkac yindun munkenoyo. ²⁴ Jisasi yen yinduntimi onaremi yenkimi indikarac iyen memoni. ²⁵ Wantayic indintin wenimi onankemi iyewac wantawac yere tamekowani indikemoni.