¹ Sandec wanurampaci pa munkukanimi Mackdalac kena Maria wam masicpac oren onanimi, masickac uyackanin onacwami iyewaci wemoni. ² Weni iyayemi Saimon Pitan namac Jisasi ayikarac ewanin disaiporo kanda wayonkaci oremi tiyimemoni, "Iyenomi aci masicpinkena aci awikeni wenono. Wemi deyopaci mayauni iyewaci indikecumpe." ³ Pita namac ena disaiporo kanda wam masicpac orenoyo. ⁴ Yekanda manakac iyaye wayomi, ena disaiporo Pitan yeankemi wenaremi wam masickac oremoni. ⁵ Mackamemi masicpin onanimi Jisasinkac yako ankayom wacdoyuc manam wemonifo, weni mikimi iyewaci umpekemoni. ⁶ Saimon Pita icnaimi oremi, yankakemi masicpin umpecemi onanimi wacdoyuc manam wemoni. ⁷ Wen acnonkac yako ankayom wacdoni, iyewaci ena wacdoyuc namac wemoni, wenafoni dacdaemi acyunkaci wemoni. ⁸ Icnaimi ena disaiporo wenaremi wam masicpac oremi, weyandowaci masicpin umpecemi onacdemi pukawen temoni. ⁹ Puceci ukuckantekon tikenim wayani, mini nurami ampamini akakae iyewaci indenoyo. ¹⁰ Micnureni mini disaiporouc yewekeni yen yimapaci wenoyo. ¹¹ Maria wam masickac wemi ificdemi mini masicpin onemoni. ¹² Yonanini kantan ensoro kanda Jisasin dayonkaci maya acnonkac kumandenimi eno akantapaci kumantemoni. ¹³ Yekanda tameno, "anasio eni newaraci ificdefono?" Weni yenkanda tiyimemi, "Tentic Iyenomi awikeni owaci iyen indikeci miniwani ificdecumpe. ¹⁴ Micni tiremi yowecemi onanimi, Jisasi mikaci ukukakemoni. Weni Jisasim wemino indiric iyen emoni. ¹⁵ Jisasi tamemi, "Iyenarac afakarec ificefono?" Weni mikinkena yokam waintam weminon tiren indiremi tamemi, "Awike maro dukantewe, deonafac tisiminakaci awikec wono." ¹⁶ Jisasi wenan temi, "Mariaon," tirami hibru wayasapaten temi, "Rabonion," tiren aremoni. (Mini wayay andai Tisao tikemi.) ¹⁷ Jisasi tamemi, "Ten Tifo wenipaci iyewaci umecumpo iyewakaci tiyokacono. Ten tifaconam weyopac orewa tiyimeno, ten Tifo namac iken Yifo namac tentic Kocti namac ikenyic Kocti wenipaci urontecumpe. ¹⁸ Maria oremi disaiporouc tiyimemi, "Teni Iyenomi onecumpe," tiremi Jisasi teninuc tamemi. ¹⁹ Mini Sandec ayinkac manami disaiporouc yikani pecdeni ona munkureni ona munkureni wayomi Jisasi yen yicwanaci ye ukuckemi tiyimemi, "Nanayini iken namackaci wano." ²⁰ Micni tiremi wen ayan namac akayan namac yocyikemi. Disaiporouc Iyenomi onareni yimoneno. ²² Jisasi yewekemi tiyimemi, "Ten Tifon temi tisinkaci make ikemi tiyinkecumpo nanayin namakaci wako. ²¹ Mini tiyimiremi, wen aumi yempac puctiremi tiyimemi, "Acyun Aunaci marako. Ikeni iyeuyic manda utucyinkatekafono, yenyic manda daoyintemino. ²³ Iyeuyic manda packa yinkantekafono, yenyic manda pani packakantemino." ²⁵ 12 disaiporouc kinke Tomasi, ena awici Didimusine tewayo weni mana disaiporo wemi yenamac iye waninkaci Jisasi yemoni. ²⁴ Jisasin onayon disaiporouci Tomasimi tameno, "Mayauni Iyenomi onecumpen," tirayomi weni tiyimemi, "Ayankin namac akayankin namaci areyonkin tiyan dec onareci tinduni munkontecumpe." ²⁶ Afac kandac manawac nuran yankacomi disaiporouc naumpac wayomi, Tomasi waci yen namac wemoni. Ona munkureni naumpac wayomi Jisasi yen yicanac yeremi temi, "Nanayini iken namac wano." ²⁷ Afo Jisasi Tomasinani temi, "Eni anduni iyem munkonamifo, en ayan tikayankin deci anduni munkono." ²⁸ Tomasi temi, "Tentic Iyeno namac tentic Iyeno namaci wanamino." ²⁹ Jisasi tamemi, "Eni temi tonaremi anduni munkanaminfo, iyeci temi iyewac tonacdenaci anduni munkenafi, weni amoyac ino. ³⁰ Jisasi wenic disiporouc yukankaci mirakoliuwaci uwandani iyewaci kamore yokimi tarenoyo. ³¹ Manauci tantenimi onarewaci Jisasi Koctin Akaci wemino wen awictin andum munkure ayum pawam wam maranonami.