¹ Pailetin tentini Jisasimi awikem maroreni yami arenoyone. ² Soldia uci amuc wankam po uwantan ataci uwandeni, maro Jisasin acnon kaci koran dawarare namaci uankenoyone. ³ yeni we wapaci yereni micninteyo,mini juda iniya wainta ucyi iyeno wenon tireni arenoyone. ⁴ Pailatin yererem mapaci kundemi yewekem macnintirem tiyimeno, onako weni mana uman dacwac iyen dukaci teni wemi manan mapaci deko. ⁵ Afo Jisasi yereremi mapac kumemi, amuc wankan atac namac koran dawarare namac pa anonkac ukami. yewekem pailatin macninteno, onako manami waintawe. ⁶ Ma mackim dafiteyon iyeno uc namac yeyic yokan wainta uc namaci Jisasimi onare wacirureni teni, arure iyeno, arure iyeno! teyomi pailatin temi, ye awikec marorekaci ike aroko, te onanami mana andawac iyen dukeno. ⁷ Juda iniya wainta uci teni macninteno, mayauni Lo ducikanami, weni temi Koctin akaci wekon tenin anda wani pukiric manan mintemino. ⁸ Pailati mini wayayindirene, weni anon pekarikukam memi. ⁹ Pailatin yewekem iyena wainta uc yimakin undemi Jisasin kac idaemi temi, eni nafatec yewefono? tentimi. Afo Jiasin iyewaci mana wayayacwac tameno. ¹⁰ Afo Pailatin temi, nakace iyewac tisimefono? eni temi indikewa, teni utuc ankan eranamac arumar iyinayon eranamaci dukeko. ¹¹ Jisasin tamemi, endacwac iyewaci mana eran dacwac dukanano yankena erani endacwac dukanamino. Iye temi pakaekenaci enayampin denafi, mini wainta ic numowe, iyena ukami, enic numo kipaci weno. ¹² Mini wayani tirami indiremi, Pailati ukicdan wino wani temifo. Akac Judac iniya uci wacdureni teni, ukicdan winawe, eni Sisan akandawa wanonanaino. Iyec weni iyenon weko tintenafi, mini Sisanani iyeno wa wenainon tintemino. ¹³ Afo Pailati mini waya tin indemi, Jisasin yo awikem marokun mapac demi yewekem wenic sia kaci unkumandemi. Hiwuru wayasapaten teni Gawata, wen teno. ¹⁴ Pasowa kukakan yeronini tesac enoyo, ayinkafic ewanini. Pailati yewekem Juda iniya wainta uci tiyimemi temi, onako,mini ikenyic iyenowe! ¹⁵ Yeni wacdureni teni, arono, arono, arumar iyeno! Pailatin yenani temi, te ikenyic iyenon arumar iyeno warateka? Afo ma mackinkena prisin temi, mayauni iyenom mac iyen dukeko Sisa manan weno. ¹⁶ Micnuremi Pailatin Jisasin manan yimini arumar iyirani awike weno. ¹⁷ Afo yeni Jisasin awicmareni mapaci weno, wenafon kac dami weyic kekayac manaremi, mana makufac wanta yicnom wam makusapake tapaci weno. Mini makuni Hiwuru wayasapaten teni Golgota wen teno. ¹⁸ Minikaci maron jisasin arumar iyenone, kantan wainta kanda namac, maya ayan kukampake, maya ayan opake ureni, Jisasimi acwanakimi arumar kekac yasa iyenone. ¹⁹ Pailatin mana wayani tandemi maron kekac yasaci demi. Micnintemi, NASARETIC JISASIMI JUDA UCYI IYENOM WENO. ²⁰ Amucna Juda iniya wainta uci mini waya yandare oneno, Jisasimi arumar iyeyomi anon tauni akofaci. Mini wayani tarenimi Hiwuru waya sapate namac, Latini waya sapate namac, Kriki waya sapate namaci taremi. ²¹ Juda ucyi iyena prisi wainta uci pailatin nani teni, iyewac Juda ucyi iyeno weno teno. Weni temi teni Juda ucyi iyenom wecumpen temino. ²² Pailatin yewekem tiyimemi temi, nec teni tarekafu, aci mini afareko. ²³ Soldia uci Jisasin aruman kekac yasac ireni, weni korosin mandeni eriyewankimi daindeni minikaci iyaranenoyo. Mini korosi ena arayacwac iyen ocwikami mana ukami antekemoni. ²⁴ Yeyirani micninteyo, yeranac iyewac dakakano, pacmamandec karucdec onano iyec mini pakantenafi. Micnura yomponi maro wayani tikenimi amankafic emi pukaci memi, afo yeni wenic korosi mandeni acnureni pakenoyo. Soldia uci micnenoyo. ²⁵ Jisasini kekac yayarafimi wen anonamac, wen anon onanan namac, Maria Klopasin anac namac Magdalac kena Maria namaci ukukakano. ²⁶ Jisasin yewekem wenanon onanimi wen ayikanin disaiporo ucnamaci ukukakanimi, weni yewekem macnin tirem wen anon nantemi, "Anasio onano, en akake." ²⁷ Yewekem weni disaiporo mi tamemi, onano enanowe, disaiporo mini kaken yo awikem weyamapaci wemoni. ²⁸ mini acnaempac onayomi umacden andada kakipa onimi koctin awaya manan amankafic emi, Jisasi macnintemoni,nonani tiyewako. ²⁹ Non anakimi eran nomi anon yucpewanimi wacdo arasaci deni maron ofemi wacyirayomi nemoni. ³⁰ Afo Jisasi mini eran non namandemi, aci kipenon tiremi, wen akac ukarem kumonimi pukemi, wen amami inarumpa uremi. ³¹ Tesacin nurami, teni iyewaci kekac yasa pa wanteno, aci sabati kukakani yereno (mini kukakare, mini iyena kukakaru kami weno), Pailatin kac indaureka yikaruc ukararec manan dako. ³² Afo soldia uc yereni acnantapatena wainta akan naren ukarare manande, akac ena wainta akaruc ukareno. ³³ Jisasi waninkac ore onayomi, weni wayukami pukanini wemi iyewaci akaruc ukareno. ³⁴ Micnonimi mana soldia Jisasin akayankimi pakoyami ankac danimi nare namac non namaci kumemoni. ³⁵ Mana waintan mikinken onaremi anon indiric uremi temi, weni tenimi pukaic meno. ³⁶ Afo mini andanda uc ampamenine, bukukin tikan wayani manan pukaic iranino, iyen wemi mana ayampa wac ukaranteno. ³⁷ Akac ena wayani bukukin temi, iyeuyacwemi areyafo yeni wemi one wanteyo ³⁸ Mini acnaempa ci Arimatac kena Josepi weni Jisasinic disaiporon (Juda ucyi kani peken emami) Pailatin kaci indaemi, amankakaci Jisasin awikec wonunon tentimi Pailatin eyon tirami, Josepi mi Jisasin on yomarem wemoni. ³⁹ Nikodimasi waci Jisasi wanipac ayufumi yemoni, awokuc amukuc ewanin pauran namaci manaren yemoni. Mini pauran onayomi wenic umani andareti kaci umwami. ⁴⁰ Afo yeni Jisasin awike maroreni awokuc dawarare kac deni awokuc amukuc ewanin pauran acankareni , mini dawarare yere yako ankenoyo. Juda ucyi awuc awaci pukananin wainta micni mureni masiceno. ⁴¹ Wemi maro arureni kekac yasac iyeyonkaci anayom wami, mini anayokimi oyan wamasici wami, wanta wac iye masifarukan wamasici wami. ⁴² Juda iniya wainta ucyi tesacin nurami wami akac wamasic wac adekaci wani, yeni awikeni wam masikimi maro masifeno.