¹ Mini waya anayempaci, Jesu weyi yokan intauc namac Kironi awafac beno,mikimi anayo waninkimi wenoyo. ² Judasi we,bem pakayimi nani bemoni, beni mini anayo onankemoni,Jesu masiden nuram yokan intauc namac mikimi mana wemoni. ³ Afo Judasi ,Parasiuc yokam waintau namac,Iyena waintauc namac sodia waintauc yiwikem wemi ari andandawa, onunamaci wenoyo. ⁴ Afo Jesu,wemimini andanda uwarana nimi, weni indinkemoni. Yenyanakaci oremi yemi yinda emi. Iyenara afakeka fono ? ⁵ Yeni teni, Nasareti Jesunare," Beni tiyimemi ,"manami teni weko. Judasi, bem pakayiminani, sodiauc namaci ukukakemi. ⁶ Afowe yewekem tiyimemi,mana teni weko, "tini yeni yinayempaten makakac yande weno. ⁷ Yewekem enayawaci yindaemi,Ikeni Iyenara afakeka fono tini.? Nasareti Jesunaren teno." ⁹ Saimon Pita Jesun awakurem, ena yokan intauc eyoni memi. Afo Aiprisi mini yokan inta onankami. Jesun awakurem komakim uremi. ¹⁶ Akac Pita onarasac ukuukukakac.ena yokam wainta maro onakac dafitan inini tamiremi, Pitan awikem naumpa uremi. ¹⁰ Afo Saimon Pita, musuka dukakemi, acnuremi ai prisinic yokam wainta ayam kukampatena akami akecyemi. Mini wainta awici, Marakusin wemi. ¹¹ Jesu Pitan tamemi, yeweke mini musuka wen anamuntin dano. Manai tentifo timenim kapikinkena non iye nano warac indefono? ¹² Afo mini dafisira, iyenonuc namac Jiuc Yesun pakareni nan dumueke deno. ¹³ Yeni awike Ananasi wapac weno, Kayapasin anda mini orandekim iyeno ukanim wemoni. ¹⁴ Kayapasi indin yimemi temi, mana wainta wac masicden iniya waintauc kakac pukino. ¹⁵ Saimon Pita Jesun awakurem, ena yokan intauc eyoni memi. Afo Aiprisi mini yokan inta onankami. Jesun awakurem komakim uremi. ¹⁶ Akac Pita onarasac ukuukukakac.ena yokam wainta maro onakac dafitan inini tamiremi, Pitan awikem naumpa uremi. ¹⁷ Afo mini ini Pitan onarem emi, eni mana waintaci yokam waintan wanamino? "timi teyaune. ¹⁸ Afo mini dafisin namac,yeyic yokan waintauc, iyorewani mapac ikasande weni kokomarewano. Pita yenamac mikim wemi ikakanem wami. ¹⁹ Aiprisi, Jesuni yokan intauc namac wetiyimewanim wayayani indaemoni. ²⁰ Jesu tamemi, temi mana maka arani kakipakenipaci maro Jisasi temi Koctinic makuni mana makakaci weninuc wac arunden acyunkaci wemino. Mana anon anecne masicde uyinda wenimi, masicde wac Koctinic makusim wako.i murec tiyimeko. teni masiden nuram Sinakoki mam makim Jiu yewarundoci tiyimeko, manawac iyen ayofeko. ²¹ Newaretirec temi indaewa? Mana iniya waintaukac yindaure indeno. nec teni tekafu, yonano anasi wanta teni tekunawe indinkeyo. ²² Jesu mini tewami, mana dafisini, Jesun araremi weni temi ai prisin indairac tamewa? Jesu wen tamemi, afo te umac tanami ²³ umackakaci amankafic ono. Akac te pukatanawe, newarec tirec temi tirewa? ²⁴ Afo Ananasi tankami Kayapasi wapaci uremi, karafusic inowani. ²⁵ Pita ikakac ukukakem ika kanewami, anasi wanta macninteno, eni wenic yokan waintan wanami? Weni umac temi iyewake teyaune. ²⁶ Akami akecyenin wen afac awa Pitan onaremi temi, eyac mini wainta namac anayokim wanac onekafu? ²⁷ Pita umac tewami, akakaukamemi kokora wacdemi. ²⁸ Afo mikacken yeni Jesun awike Kaiyapasi wapac iyena mackin ureno. Wanurankimi wanini yeni mini makin iyewaci urenoyo. Wake yeni Pasowa yunakim iyewac okumandinayonano. ²⁹ Pailati mapac kundemi temi, ne andakac urakac mana wainta awikec yeka? ³⁰ Yeni macnin tire teno, mana wainta manda uwarewanake, iyen awikec en ayampim danteko. ³¹ Pailati macnin tiren tiyimemi, mifac ike awicdekac ikeyic indintac daimoko, Jiuc macnin tire tameno, mayausic andai iyen wanta aruman pukonteko. ³² Macnin tire teno, Jesu weni inken pukirikac intenafi, weni indinkami mini mare pukaic memi. ³³ Pailati yewekem mini makim undemi, Jesun araeken demi temi, Jiucyic kinac wewa? ³⁴ Jesu indaemi, enafuyac tewa, enoc tamiyac tenan tewa. ³⁵ Pailati temi, mana teni Ju wa wekaune? Enic anasi wanta namac enic iyena waintauci emi timeno. Nec uwarante? ³⁶ Tentic kindomi makuni, mana makakaka wenaino. Afo tentic kindomi maku makakac wanami, afo tentic yokan waintauc Jiuc namac yiruici teni Jiuc yiyampimi iyen danteko. Micnimukaci tentic kindomi mana makakac iyen weno. ³⁷ Pailatin temi eni kinac wewa? Mini andawani teni makeyo. Mini andawani temi mana makakac kumeko. Micnimukaci teni mare puka akami ireko. Iyen iniya waintac pukakim wante, tentiwayayac indeno. ³⁸ Pailatin temi, nec puka wenafi? Micnin tiremi weni yeweken mapac kundemi, Jiuc tiyimemi teni mana wainta kinke iyen mana umandac afakeko. ³⁹ Micnimukemifo teni mana wainta ukicdananac mini Pasowa yunankim kumino. Afo teni Jiucyic kin ukicdananac kuminowarakac indeka? ⁴⁰ Anasi wanta wakunteni mini wainta warakune, Barawasinare, weni umo wainta wemoni.