¹ Jisasi waya tiremi mini anayempa wen okami inarumpaden temi Tentifo, aci mini yamuci yeno enaka anomcwi amina I enakawa anomcwi emac amic. ² Wemic amecona nampac anasi wantawaci yeankakemi mini wanana wani wemi amenami. ³ Mini wanana wani mana wemi,yeni enindireni mini kocti puka jisasi dan kumemi. ⁴ Teni anom wi amec makaka eni marano wani time ona yokani. ⁵ Make tentifo anom wi time, mini wi nama enama dukako mana macka iye wakenim. ⁶ Teni enawi tiyimeko wantau mana mackaka timecona. yeni eninda wacya timenami ayoku awackurieno. ⁷ Make yeni indikeno aneneuc time ona empate yemi. ⁸ Newarafi yeni teni eni time nami yemi yimunani manareni puka indeni emi yerereni maninteno,eni tisinkanaci yeko. ⁹ Yemi inantiyinke, iye mana makaka weyon inantiyinke temi time onau mana inante, newarafi eyindau weno . ¹⁰ Umadec iyecuya tentinda wenafi enindaweno yenkake anomcwi mareko. ¹¹ Makewa iye mana makaka wanteko miyuni pani makakaci waci enkomi yente,Tentifo encawitake dafiyinka temi timecona waintau mana ukako. ¹² Mana makaka yenama wakekuna encawitimic dukako. Enic timecona iniyac waintauc dafiyinkananic iyen dompireno mini intaka umadem mandac inani weni dompireno weni amankafi inteno kotinic ayoku. ¹³ Teni make eni weconafa yeko teni tiyime anasi wantau mana makaka yimosim teni uwikayinkante yenyinduntim. ¹⁴ Enawayani aci yimeko anasi wanta iyen yiyeno yene, newarafi mana maka indawa weya teyawa iye mana maka indacwe. ¹⁵ Teni inantekuna yen iye tiyinka mana makaka teni inante eyaci dafiyinkanaci iyewakaci mandacoko mandacandakim. ¹⁶ Yeni mana maka indacwa weya teyawa iye mana maka indacwe . ¹⁷ Enic puka wayasa yenda enawayani pukacweno . ¹⁸ Mana makaka eni tisinkanaci yekuna mini amankaci yemac tiyinkananic yeyawaic weno anasi wantauc mana makaka weyo. ¹⁹ Teni ukakeko tenau yen yofairare yeyewa antekako puka wayasac. ²⁰ Teni yenanawara inanteka teni inantekuna wanta waya indirenaci yeyawac yindum tenkin dako. ²¹ Umade manaci ukako tentifoke,tenkim wanam tec enkim wanam yeyawaci ikeunama mana ukante,Anasi wanta mana makaka yeyacwa puka oko eni tisinkana yeko. ²² Mini anomcwi temi timecona yemi yimeko yeyawa manacukako ikeunama wekuna. ²³ Tec enkim wana ec tenkim wanam yeyawaci puka mana wanteno anasi wanta indinteno eni tisinkanaci yeko yemi yiyikara onano temi tiyeconacure. ²⁴ Tentifo temi tiyeno umadem wainta enic temic timecona yeyawa teni wekuna makusa weyaci onako mini erar temi timecona, newarafi eni temi tiyikarayanano, onic mana makaka iye ampamoniya. ²⁵ Tentifo antekanano anasi wanta mana makaka iyen emic indikaya teni emic indikako mini iniyac waintauc emi indikaya temi tisinkanano. ²⁶ Enawic yenkimi deko minuranani enayir anda temi tiyecona mini yenkim wantemino.