¹ Teni mini andanda wani tamego, micnimukemifo iyemana yandinonami. ² Yeni anom mamackinke acnuraya enafaci winonamino. Micni mugemifo mini yamu yinane umaden arirani tenone,weni indem Kotini yokani maecumpe temino. ³ Weni tentifonama ten nama iyen indikeni mini andanda minenone. ⁴ Teni mini andanda tamego, mini yamu yinawe, teni tame kunawani indinonano. Teni enamaci weci, kukarantapate iyewaci mini andanda wani tamecumpe. ⁵ Mage iyec tisinkenafi, wewapaci wego, ekeni tenani nafaka wefonon tireci indaem wamino. ⁶ minic mukemifo teni mini andanda yani tameko teni mini andanda wani tamekunawe en anduntinke waci akunaruankano. ⁷ pukan tenitameko, eni ayukukani teni wonawe, micni mukaci te iye wonane, iyen en enofa inani iyen yintemino, mini mukaci teweci tankanami weni empaci yintemino. ⁸ We yinani yamuke, yofacinanin weni mana magagakenuni numo anda eyoni yocyikantemino, ayoku yamunamac koticn yamunama. ⁹ Iyen yenyi numonamaci tenka yindun munkin tenone. ¹⁰ Iyakaga teni tenti ayokukan tentifo wapa wonaka iye tonanakonaino. ¹¹ Afo kotin nanine, mana magagaci antenin wanta weni kokimi dacdenone. ¹² Teni amuna andandan duke tamenteumpo iyen umademi ayokuficure indinonami. ¹³ Afo pukantenin amami yeremi iyen ani tintemifo weni pukagaci dafi ankan temino. Necnene indenafi weni tintemino, afo necnene icnacemi yintenafi, weni tamintemino. ¹⁴ Weni eran timiremi newarafi, weni ne tentinda mandenafi,weni tiyimemino. ¹⁵ Umaden anene tentifo dukeni tentindam wemino. Micni mukaci maninteko, neci tentinda wenafi , timami mandemi weni mini wani tamintemino. ¹⁶ Kipa nurami iyewa tonanonamino, afo ena kipa nurami tonanonamino. ¹⁷ Manaci ocyon yokam wantauci yen yirani teno, ne waya yaci weni ikenama tiyime nafino, kipa nurami iyewa tona nonamino, afo ecna kipa nurami tona nonamino, afo micni mukaci ten tifo wapaci wego. ¹⁸ Micni mukani teno newaraci weni minic wani kipa nurane tenafino? newara weni tenafi iyen indego. ¹⁹ Jisasin andaciranami yonademi weni manintemi, ikeni miniwarakaci ikeyani inda ekafono, newara indire tegafu, kipa nuranama iyewa tonanonano, afo ecna kipa nurami tona nonami. ²⁰ Pukaugami tiyimego igeni ifideci yigunkan ifici danagomino micni mukami magaga kenuni yimonin teno. Eni umantin nugami winonami, mini mukemifo enicakun anene yowecekemi amoyini maranonami. ²¹ Anasin amakan nurami yewami umarukami maremi, micnim murami weni amacdemi iyen ancawisikani indemino. Wanta macna magaga ampameninani weni amoye mino. ²² Eni make umani dukanai yeweke onanami anduni ayokufi intemi. Iyec mana wanta minic amoyini marem wintemi. ²³ Minic nurami iyen tenkaci mana andanda wani indacinonamino. Pugaukami tiyimeko ten tiwikim tentifonka andandawan indacinami weni amintemino. ²⁴ Mage gake ten tiwickim iyewa andanda indacewe, eni amoyin ampamino wani, acnda urewaci marano. ²⁵ Teni minic anecneci amam wayayimure tamego, micni mukemifo minic yamuci aci yemino, minic wani tentifomi tamentego. ²⁶ Minic nurami tentiwikimi indacinonamino, afo teni iye micni tiretentego, teni tentifo wapaci inanteko. ²⁷ Tentifo weni emi ayemino,newarafi, Temi ayiremi andun munkuremi tenani wen afon paten yeminon tanamino. ²⁸ Teni tentifonkinke yereci tenamac makakaci wecumpe. Yewekec teni mana makakaci yerereci Tentifo wapaci yewekec wontecu. ²⁹ Weni yokam wantauc teno onano eni mage pugan tanano afo igeni iyen amam wayayicure tano. ³⁰ Mage mayuni indego umaden andandan indiganano, afo iyen eno emi andacinowani indanamino. Newarafi mayauni tindun munkureci koctinpaten yanamino tecumpe. ³¹ Jisasi yewegen tiyimemi make igeni yindun munkeka? ³² Onako, aci mini yamuci yemino, eyo afo peganowan yamuci yeremino umaden yen yimakim wayan ecni temi yere tinkanonamino. teni iyen teyakaci wecumpe, tentifo tenawaci wemino. ³³ Teni waya tamenawe ecni tenkinkena nanayini dukanonamino. Mana magagaci umani dukanamino eraracugano teni mana magagakena erani oyacego.