¹ Mana wainta Lasarusic wanimi, wemi awini yepakemoni,okaw wenana Betanici Matana Meric untananu yima makusapaci wemoni. ² Meri wenana Jisasin akantim amunku ewanim marasim nomponi aror ankaremi, wec anonc ayofoni nonoc ankeni ini ayofim wainta Lasarusi wanimi , wemi awini yepakemoni. ³ Ye untananuni Jisasi waninpaci oraeni teni, Jisasi, indeno, en ayenin waintami awini ye pakakami wemino. ⁴ Mini waya Jisasi inderemi yewaekemi tiyimemi temi puka awira ye pakenainowe. Kocti wey awic minikin afotafic ewanam, minifo Kocti wen Akakic yokandacwac ye marem afotafic inowanino. ⁵ Lasarusima, Mata untananuyani, Jisasimi ayemoni. ⁶ Lasarusimi awiric meno teyon indemi, ye waekem kanuranicmuren okam makusim wemoni. ⁷ Mini anaempaic weyi disapolo ukan temi,''Mareyic Judia yewaeke wono temoni.'' ⁸ Disaipolocu yewaeke tameni teni,''Tisa en oncawan arirani tayac eni yewaeke Juda wiran tanamino. ⁹ " Jisasi temi, iye waka tweri aua mana kukakanta wenafi? Mayama kukakantama wewanani, iye ofac dupandintemi newarafi, mana makaci kackani yocakanami onantem. ¹⁰ Afo, wena ayufum wemi, ofaci dupanditemi, newarafi, kakani wenin iye wemi. ¹¹ "We mini wayayu tiremi, mini wayacyu anacempaci yemi tiyimen temi," ikeunamcma tikanda Lasarusi oniwakeno, tena wonucna, oncwakananic kinckena omac aorontemcumpe. ¹² Disaipolocu, wem tameni teni, "Jasasi, wena ondukakenani ukucikantino." ¹³ Jisasi weyic pukirani temoni, yeni omare indeni teni, pawareyoc yum bararani tino tire indeno. ¹⁴ Afotaci Jisasi tiyimemi temi, "Lasarusi pucikemino." ¹⁵ Teni timoneko, ikenaron tireci minika iye wacumpe, newarafi, minuranakaci te maranuna yokantim yindun munkoko wanumpe. Afo wen dukekopa marenkei wo.'' ¹⁶ Tomasi awici Didaimasic wemoni, wenana akonuyan temi mareyic oreakac mifa Jisasinama manapa pukono." ¹⁷ Jisasi yeraen onanimi Lasarusi fo nurami wamasikimi marora yomi wakemoni. ¹⁸ Jerusalemi acnakaci, Betanici wemoni. Titoka nenkackeke wemoni. ¹⁹ Matanuc, Meri kanda wayopaci amucna Juc yenoyo, yen yiyofim waintawani indewayoni yeraeni yenkanda namaci wenoyo. ²⁰ Jisasi yenon teyomi indemi Mata wen ankapac awikarani wemi, afo Meri pani naumpaci wemoni. ²¹ Mata temi, Jisasi, "ena manakac wakenimi Lasarusi iyem pukintino. ²² Teni make indinckeko, newarac Koctimpac indaintefono, weni amiric manan intemino. ²³ " Jisasi wen tamemi temi, "en ayofimwainta ukuci kanteno." ²⁴ Mata temi, "Pukantanamino," mana maka arasac yamuci ukukantemino. ²⁵ "Jisasi yewaekem tamemi, teni ukukani weci aun iyakac wani weko, iye tenkim anduni munkintefe, micne puckewac pani ayumi wanonami." ²⁶ Iyec paweci tenkim andum munkefe, eni iyem pukinonami, eni mana waya sakac anduni dec wefono?" ²⁷ Weni temi, "Eyo, enani Kraisi inon tirec indecumpe, mana makakac kumonon wemi, Kocti Akaci wanamino." ²⁸ We mini waya tiremi, Merin awicman demi temi, "Tisa aci yewemi emi areno." ²⁹ Mini waya indemi, akaken ukukemi, we wanipaci wemi. ³⁰ Jisasi makusapac iye yewemi pani Mata namaci wemoni. ³¹ Wenamac yewayon Juci wec acdemi mapac wonini onare omare indeni teni, wen ayofim wainta pucini deyo masipac orem maro ificdarani wemino tireni awakureni weno. ³² Meri, Jisasi wanim makusac yeraemi, Jisasi onaremi wen akantimi akondonaduemi tem, "Jisasi, ena makac wa keninami mayau tiyofim wainta iyem pukintino." ³³ Jisasi, Merin onanimi ificdewanimi, akac wenawakure yeyon Juc waci ificidenoyo, Jisasi ano akunaremi ano indiricmemi. ³⁴ Weni temi, "Nafakac wemi dekafono?" Yeni teni, "Iyeno o, yeranakaci yocakano. ³⁵ Jisasic ificidemi. ³⁶ Juc mini onareni teni, "Akac onekafono, Lasarusimi anon ayirikukamemino!" ³⁷ Mayacoyouni yeyamoci teni, " Okam puntinkanim waintan yewaekem okam macankaninic urena Lasarusimac awintinke tasasirana iye pukenai?" ³⁸ Jisasi anon akunar indinamaci wam masipaci wemi, o masici wanimi masikac oni uyakemoni. ³⁹ Jisasi temi, "o yomanam pasac dac." Mata pukonin Lasarusin ayofi temi, "Iyeno o, aci maken eriyewan nurami masikim mandami aci we o ampiminaken mino." ⁴⁰ Jisasi temi, "Iyec emi tamekafu, ena tenkin andun munkewe, Koctinic erani afotafic inan onanonami?" ⁴¹ Oni yo awekamam pasaci dayomi, Jisasi yan okamacdemi temi, "Tentifo, tentauma indinonawani anon tusuwen teko. ⁴² Indinkeko, umacden yamuci ten taumi indanamino, ma temi ye ukukeyon iniya waintaukaron tireci mana teko, mana onareyaci eni tisinkanaci kumecumpe tercya tenki yindun dako." ⁴³ Micnitiremi wacduren temi, "Lasarusio, acde mapac yeno!" ⁴⁴ Pukanim wainta mapaci acdem yemi; wen akar ayana, orucnamac ucmayoyon andandauc namaci mapac acdem yemi. Jisasi yenan temi, "Miniuc yo utuc ankarec ecam wino." ⁴⁵ Amucna Juc Merin wanipac yeyouni Jisasi micnurani onareni yindun wenkim munkenoyo. ⁴⁶ Manac oyon Juc yewaeke oraeni, nec Jisasi enafi, mini maro Parasiuci tiyimenoyo. ⁴⁷ Pristiuyic Anon Waintauc namac Parasiuc namac manakin yeraeni wayani uyeni teni, "Mana waintan nakac ikeunamac ontekafu? Weni amucna andandaci memi. ⁴⁸ Wem manaic wac iye onani, amucnouni wemi awakurinteno; Romeni uyaci ikeunamac timac makuya, ikeunamatic makuni maranteno." ⁴⁹ Mini orandekim dafictani, Kayapasi Het Prisi temi, "Iyen ikeni mana andanda indikamino. ⁵⁰ Ike umacde omare indeko, amankakac wenafino, mana waintama ikenunamac ticnonaroc pukinakaci, ikeuncuama umade iye pukonuno" ⁵¹ Weyara mini waya tenaoni, Het prisi mini orandekim wemi, yenyic makuyani Jisasi pukiniwani mini waya temoni. ⁵² Mini maku wanana waraifo, Kocti akafanda umacdem makusapac manamana ukeyou owaekeya manakinic okowanino. ⁵³ Mini yamucken Jisasi arumam pukirani waya uyenoyo. ⁵⁴ Mini yamucken Jisasi kukandem Juc yukankaficwa iyen memoni, yemi yereyinkaremi awam makusapac ac naka wanim makufaci, Efremi we tewayom taunifaci weni disaiporo unamac owemoni. ⁵⁵ Ju uyic Pasowa omac nurami omarem adekac yewanini, amucnon mini makusinken Jerusalemic urenoyo, Pasowa omac okampa un ukukeya yeyam manar akecira noyo. ⁵⁶ Jisasinar afakeni, temporokin ukukakeni yeyamoci aseni teni, "Newec tirec indekafono? Mana Pasowakimi iye yino warac indekafono?" ⁵⁷ Het Prisiuc namac, Parasiu namaci wayani tiyimeni teni, eni iye Jisasi wenipac onakantefono, owaeke mare tiyiminayac oraeyac o pakako.