¹ Siksi nuram Pasowa inayomi pawami, Jesu Betani yemi. Lasarusi pukanim wainta ukukani wanipaci. ² Mata mikim yunam yiminami, Lasarusi Jesu namaci teworikaci kumantami. ³ Meri awoku amunku ewam marasin nomi mareremi, Jesun akantimi wayiremi, weyanomponi daoyankemoni. Mini makine awokuc amunku unda yere untikemino. ⁴ Judasi wenic disaporo wemonifo, wem pakayimi nanim wemi temi. ⁵ Newaretirenac mini marasin nomi tri andareti monikac sarinu rena mandem, andandawac iyendukeyo iniya wainta yimirickane? ⁶ Weni micnin tenine, mandac ukeyouyara indenaino newarafi, Weni umo wainta wemi, monic unam dukemi mikim mandekem darani. ⁷ Jesun temi, ecanam mifadukano tem masianayom nurankenan dukemifo. ⁸ Eni masiden nuram manda mana dukanonamifo, temi iyen dukanona mino. ⁹ Amuna Jiu iniya wainta, Jesunan indireni mifac mana Weni, Jesunkonara weyau, Lasarusim pukanin ukukarukani wemac onarani wewano. ¹⁰ Yicnom waintauc yewarundeni, Lasarusin aruman pukirani teten. ¹¹ Newarafi wenkake amucna Jiu iniya waintauc, Jesun kaci yindun munkeno. ¹² Ena nurami anon iniya wainta anon omakim Jerusaremi yeno. ¹³ Anasi wanta yayanauc ukaramanareni wen awikarani yewe, wacdure teni, Hosana, Hosana. Nanayim wainta iyena awitimi Isiraili Kimi yeno. ¹⁴ Jesu iyewac kumantam dokimi yemandem kumandem yemi. mini wayani wani tantami. ¹⁵ Iyewa pekano, Sainyoni akinta onano enic Kimi donkin awanaroc kumanten yeno. ¹⁶ Wenic yokan intauc acnantapa iyen mini wani indikano. Afo Jesu iyenawic marani, mikaci omare indireni teni mana andanda ampamin teno tiremi tanteno. Yeni wemi mini uwarankeno. ¹⁷ Anasi wantawe yikandantimi wenamac wano. Lasarusimi masikinke araremi ukukankanim wani. ¹⁸ Mini andawani, Anasi wanta owaruyeno. Newarafi weni mini andanda uwarani onayonani. ¹⁹ Parasiuc eyiran teni,yonako nec uwaranteka, anasi wanta wemana awakure weyo. ²⁰ Kamore Kirikiwaci yeyike weno. maro mantirani mini omakine. ²¹ Mana Piripi weni Betsaida wainta wem Kariri wanini wenkaci indaeni teni, "Jesun onarare." ²² Piripi maro Andurum tamiremi, yekanda maro Jesun tameno. ²³ Jesu yewekem macnin tiremi tiyimemi, "Aci mini nurami yeno. Yam wainta akac anomwic marananine. ²⁴ Puka Puka tiyimeko, witi akam pafayem makakac marokum ayankemi mana ukami wantemi, Afo mini akam pukemi amuna akami irantemi. ²⁵ Iye eyaunan ayikarac ukantefe, iyen aum maranona minor.Akac iyec eni mana makakakena ayani afokewantenafi, eni vokuc aum maranonam minor. ²⁶ Iye tenan indikantefe, ec anamtiwakurino, nafakac teni wekafu mikimi tenti yokam waintawa wantemino, Tenanac indikanono Tentifowaci emi anomwici amintemi. ²⁷ Afo make tentimami umantimi waci newectenuno? 'Tentifo make tasaseno,' mini komi teni kum weko. ²⁸ Tentifo enanac anom wic Marano," Inarumpate arani yemi temi, Teni anoniurec anomwickukami ameko. ²⁹ Anasi wanta mikac ukukakeni teni, inarumi kuruyemisi teni, akac enuni teni, Ensoro wenamaci asemisi. ³⁰ Jesu tiyimemi temi, "Mana wayani tenkona kumenasi, ikenkomi kumemisi. ³¹ Make mana makac daimini, mana makac awikem wenimi karuci ranteko. ³² Tena make makake ukuke ureci, masidemi yiwic ekec tempaci danteko. ³³ Mini tenimi inkem pukikac intenati, mini yoyikemisi . ³⁴ Yeni macnin teno, mayauni lo wayasinkena indeko Jesu, iyaka wananam wanteno. Inkenikac tekac wanta akac yan urinteno teka?" ³⁵ Jesun tiyime, kakani panikipa yamu wanteno, eni kakantina wawan. ayufum empac yere dawacinino. Ayufunkim weni, inkepakac wenafi weni iyen onakeno. ³⁶ Afo kakandukan tewe, mikakac andunmunkono. Micnewe, eni kakan wanta akac wanonami."Jesu micnin tiremi yererem wemoni. ³⁷ Amucno teni, Jesu yen yukankac amucna andanda uwarewani. Iyen yeni wekim yindun munkeno. ³⁸ Afo mini wayani yenimi, Porofet Aisayan taremi mare pukac emi. "Iyec ikeunamac tirana wayasim andun munkenafi, akac. Iyenkinac Koctin ayam afotafic intenafi?" ³⁹ Mini andana wani yeni, Aisayan tenim wayasac iyen yindun munkeno. ⁴⁰ Weni yen yukam dadayinkaremi, yindundaci oyic muyinkemi. Newarafi yeyukampoyaac onare yinduntinke indire, yowec ika yen tasasenunaware. ⁴¹ Aisayan,miniucitemi temi,Newarafi Jesuni erani onaremi wenan temi. ⁴² Amucna dafisiruc yikani pekeni yumacnise wano. Newarafi yonareya yem mamakinke tiyinkanayo nakani. ⁴³ Anasi wanta kinkec anomwic marano. Koctinkinke iye anomwic mararare. ⁴⁴ Jesu tiyimemi, temi "Iye tenkim andun munkinte fono, temi tisinkac kumekuna wenkacwakac yindun munkoko. ⁴⁵ Akac iye temi tonantefono, temi tisinkac kumekuna wemakac onakano. ⁴⁶ Temi kakani mare mana makaka kumeko, micni mukaci iye tenkim yinte, eni ayufunkim iyem wanonano. ⁴⁷ Iyen iniya wainta tentiwaya indec, iye awakurefe, endaimirara yeweka, mana makaka mande daimiraraune. yen manan asacdarani kumeko. ⁴⁸ Iyec ten afokarec tentiwaya iye marantefe, miyi emi arasac nuram teni tekuna wayani emi daimintemi. ⁴⁹ Teya mana waya tekaku, tentifon awayani teko. weni tisinkac kumwami, weni temi miniwac tiyimenosimi tiyimeko. ⁵⁰ Teni indinke,mana wayani yaum maran wayaniwac nec teni tekafu tentifo tisimimi tiyimeko."