¹ Puka puka, tire teni emi tameko, iye eni sipisipi ci onakim iyewa urewa, kuku dakade urintewa, mini wainta eni kuku karewa umorana waintan wanamino. ² Iye eni onafate urintewa, eni sipisipi-ic dafisin wainta wanonamino. ³ Kuku onaka dafitenin wainta, onandi ankanteno sipisipi wen ayindire, yewekem weyi sipisipi uci awitaci araremi awikem wintemi. ⁴ Weni umadem sipisipi yiwike maroremi, weni anantapaci winani, sipispi uci wemi awakure winteno, wen awayani indinkeni. ⁵ Yeni iyewaci payam wainta uci yiwakuriteno yeni payam wainta winanipa maro eciranteno, mini iyen yen yiwayani indikeni. ⁶ Jisasi amam wayani micnin tiremi tiyimini, yeni iyewaci indeno, nec miniukimi tiyimikenafi. ⁷ Jisasi micnintiremi yewekemi tiyimemi, puka puka ukami tirec tiyimeko, teni sipisipi ic onan weko. ⁸ Iye weni tem manan anayempadem we anantapa wintenafi,mini weni umoremi, maku ukare wamwainta wemi. Micnimuka mi sipisipi iyewaci wen ayindirem awakurintemi. ⁹ Teni onan weko. Iye eni tenki urintewa tasasini maranonano. Emi awikem maro awokuc yunankimi danteno. ¹⁰ Umo wainta yenine, paya yenaino. Yeren sipisipi umorem, yirumam pukem anan kayirani yemino. Afo teni yekunawe,wanana wam yaumi yimenteko. ¹¹ Teni awoku dafisin wainta weko. Awoku dafisin wainta weyandun namaci manan sipisipi uci yimintemi. ¹² Ayataci yokenin yokan wainta, mi puka dafisin wainta wa wenaino, weni iyen sipisipi dukemi pani onewami afasan iyan yeremi sipisipi uc yiwacdani iyayewami yiruren nantemi. ¹³ Yeren ukide iyaninteno yeni payam yokan wainta uci weni, iyen sipisipi ukac dafisinteno. ¹⁴ Teni awoku dafisin wainta weci, teni yemi yonan kanani yeni temi tonankeno. ¹⁵ Teni tentifomi indinkanami, tentifo temi indinkemino, micni mukaci ten tinduni sipisipi ukimi dukanamino. ¹⁶ Ena sipisipi uc namaci dukanamifo yeni mini kukusina weuyafo, oman yiwikec mareranani, mana kukusin yeraimi, mana dafisin waintan dafisintemi. ¹⁷ Micni mukami tentifon tenani ayikemi. Ten taumi danami kudaci yewekec mare umpe. ¹⁸ Iyewaci eno tenkinke yemaranteno, tenafoni teyani danami kumeno.teni erani duke danami kudaici yeke mare umpe. Teni mini yimam wayani tentifon kinkena mareko. ¹⁹ Mini wayasimi daimini ampameno, juda iniya wainta ukine. ²⁰ Amucna iniya waintan teni macninteyo, wananomi wenkimi wami yewem mini wayayu temisifo, newarac yewekac wen awayayindecweka? ²¹ Manacenin iniya waintan teni, mana wananomi wanta kimi wenin wayaya tenasino. Amankakaci wananomi okam potikenim wainta okam mac ankante? ²² Jerusalemi ci mantewayon omaci yeronini yewekeni koctimi amenoyo. Iyorewanin nurami Jisasin ma makimi, Solomonin amac onakaci nomoni. ²³ Juda iniya waintan wemi yeukueni yeweke ²⁴ indaeni macninteyo. Nacde yaka mayauni pakare amuna indintimec wewa? Eni Jisasi wefono, make antekukande tisimeno. ²⁵ Jisasi yewekem tiyimemi manintemi, teni emi tameko, enanduni iyewaci Koctinkimi mukukeno. Ne yokarac tentifon awictimi uwarekafu, mini yewekem temakani ²⁶ Pani eni ananace wami iyewaci eyandun tenkac munkurukanami, mini eni tentic sipisipi wa wananaio. ²⁷ Tentic sipisipi tentic tayindintemi, teni wemi indikanami weni temi tiwakurintemi. ²⁸ Teni wanana wan yaumi yimiranini yeni iyewaci pukinteno, enowac iyewaci ten tiyampinkena yemanden mandac inteno. ²⁹ Tentifon yemi manan temi timirukami, weni umacden yeyanken weni iyenoukami wemi, iyewaci enowac tentifon ayampinkena mandem mandai intenone. ³⁰ Tenamac tentifo namaci mayam weko. ³¹ Judac iniya waintauci onacwami mandeni ariraneno. ³² Jisasin yewekem manintiren tiyememi, teni amucna awokuc yokaruci tentifonkinkena yocyikeko. Neware tirekac onacwam tirira eka? ³³ Juda waintauci yeweke macninteno, eni awoku yokan tafara onacwam arirarekaune, eni Koctini maku mararananaci mini anda wani emi onacwam arirareko. Eni payam wainta wemi enafoni manan eyani Koctini anano. ³⁴ Jisasi yewekem macnintirem tiyimeno, Lo kimi inkepaka tenaci eni Kocti wanamino tirukaya? ³⁵ We iken yarem Koctine tinaci akac iyenara puka Koctine tinteka (Wayani iyawac manan ukaranteno). ³⁶ Ikeni tekone, iyenaci wenafoi manan danaci mana makakac kumenafi, ikeni Koctini maku mararani amino, teni teko iyeci Koctin Aka wena? ³⁷ Te iyewac tentifonic yokan mararawe, iyewaka eyandun tenka munkono. ³⁸ Afo tena mini uwarana Pa iken yindun tenka iye munkurukeke, yoka I marekunakim iken yindun munkurewac onare indeno, tentifon tenkimi waci teni tentifon kimi weko. ³⁹ Yeweke wen indairanomi weni yen yiyampinke yere ukicdem wemino. ⁴⁰ Weni yereremi Jordanic makufaci Johni nomanyinkanipaci undemi mifaci umwami. ⁴¹ Amucna iniya waintan wempaci yereni wenani macninteno. Johni mana andanda wac iyen uwaremifo Johni mini wainta wani tenimi pukaic mana meno. ⁴² Amucna iniya waintan minikimi yindun munkure indenone.