¹ Mi-acnantapac i yeni kontrakave Lo-ic bani veno lotu tinonano. Lotu mac kac i banakac i bako. ² Mana Lotu mac manan ukukeyo. Acnantapac i banim rumukimi damu ic yaki wac, tebori wac, akac Iyenonic breti wase wan awafakani avic deni seni Akec ukam makuyen teno. ³ Akac namba tu davarave acnayempac i ena rumum c ibani mini rumu avic deni ''akekukan ukan rumuven teno. '' ⁴ Korikac ban altam bani paurami yunkarami benic ikuni benimi awoku amunkuc i yadukeno, mini rumi kimi beno, mini namac kontraka bokuse kori fo yakokam mi beno. Akac mini bokuse anduntimi yeni korikac kurami manavam na mac akac Aroninic yaki namac i, peyukami mini andandai bani sefo akac tufara onanbam kac i yeni kontraka uwacrenoyo. ⁵ Bokuse okam pac i kar ensoro kandayic picsam bem mi akac bokuse okankac i uyakano.Kar ensoro kandam mini mackusa bano. Pukave micnimuka i sefo make teni mini umaden andandau kani iyen tenteko. ⁶ Mini anayempa ye mini andandau tesac urani afo umaden nurami pristiu i yeni namba wani romukimi urewanoni, seri mac kine yeyic yokaruc mararare. ⁷ Akac hetpristi beyaokac i namba tu rumukimi manayac manan urevano umacden orandekine. Akac beni iyewac i payaba urevano. Beni nare namac i manaremi minikim umpekevano, maron ofa uvandanana beni sini nama akac anasi-wanta yeni iye awokuc indiri eni uvareyom siniuc yomanan danovare. ⁸ Holi Spiriti macnimurem ikeunama yotikem, mini nampawani lotu mac pavane, ikeunamatic ani ake ukam mac kimi umbano, beni iye wac i mare afotaki bac ukano. ⁹ Mini i macni mukenove, macken manayamukac ampam minanim benic amami yotickakeno ikeunamake. Presenti wa ofawa semi yeni Gotimi uwarankeyone, iye wac mana dotu teyom waintauc yirac maden anteyin kantem, yeni omareni indinteyo yeni manda meyonare. Iyevakeve. ¹⁰ Mini lo-uc i tikenimi umaden andandau i yunami neyona akca nomi neyona akac umaden ena-ena awuawakui uwareyomi micnurani anasi-wanta manam yeyani antekeyone .Yeni ukakena andandau kananan teveyo. Beni yemi mini lo-uc i yimeno ye anasi-wanta awakurovevana i amanka be umade andandauc antedana ninka oraokovare. ¹¹ Kraisti ac i yeremi hetpristi ic muemi awoku andandauc i ac i ampameno. Beni peni wanim seri mac bac arurem awokufikukam ukan seri mac kimi umpekeno. Wantac wac mini mac mande yiyam poya uwanduka naino, nevarafino, mini mana makakakena andanda vaino. ¹² Memena brumakau ouyic nare fonana wainove, ben nafo beni narefoyabac i umpekeno mana yac manave. Akac beni minuremi ikeunamai yewekem ayac eno iyaka baribaric mana ukare. ¹³ Akac anasi-wanta Gotin okanka mandaoyoni, afo pristiuc i meme na brumakao ucyic nare wac akac yampara brumakao ucyic yuruc namac i mandeni yempai arore wano. Yeni mini mineyomi yeyani manan anteke wano. ¹⁴ Micni mukami kraisti nic nare i mini wac i arukeno. Beni iye wac i umandac bac dukemi akac Holi Spiriti i eran tac i beni beyic laifi Gotimi ofaken ameno. Benic nare i iye wac i minurai ikeunama tu i kirinic eno. Iyewake. Beni umaden manda ikeunama tindan yomanan dac i make ikeunamac Gotin okanka i kirinic mukeko. ¹⁵ Mini anda foni kraisti i abanac wainta mukenove mini oyan kontraka kine . Benic pukin toni, beni anasi-wanta namba wani kontraka arafimi veyouc yic sini yomanan yinkaremi beni anasi-wantan yareno mini yaumi iyaka i benimi yimirani sirukenim marako ware. ¹⁶ Kontraka i manimukeno, mana wainta beyi ayin pepaka dem yoyickem, macnem mac bepukinami ben akai benic andandauc umadem mi maranteno. Aninta andandauc maran nanimi anantapac i ,wantauc i anuwa pare indikakove macnimuke mino ben afom pukemi yere umac den andandau i ben aka ayam pimi deno. ¹⁷ Nevarafino, wanta ic ayini kontraka wac i manam pukaika ino macnem ma bepukinane. Amaka wanta ma minurana mini kontraka pac ayum bene afo mini kontraka i iyewac i beni eran dabac banteno. ¹⁸ Pukave nampa wani kontraka erani dukeno manena abusi ic narefo ye ofac uwarane. ¹⁹ Mosesi umaden wayani lo kimi benimi yimeno anasi-wantave, beni yampara burumakao i nare mandemi akac memenuc nama, non nama, koram nan-namac akac amunku evan yanamake. Beni kipac ira nareuc i buku naropa namac anasi-wanta fac namac i aneno. ²⁰ Akac beni semi, '' Minim benimi kontraka i nare beno Gotin minurai ikeni awakurano. ²¹ Minukan awuc -awanamac i beni kapac ira nare seri mac naropac i aneno akac umaden disiva andandauc i Dotu makindam benim pake. ²² Mini barucke, narefona-nami mandemi umaden anenei antekanteno. Akac mane ofa uwaranayonkac abusi ic nare bacyine, amanka Goti i iyewai yenyic sini i dawoyin teno. ²³ Mini seri makinkena aneneuke mini inarumpac i benim anene ucyic amami beno . Akac yeni abusi ucyic naren madeni minurami mini aneneuc i Gotin okanka antekeno.Afo umaden andandauc i Inarum pac i benim manam kirinic inovarinteve, barai-bano awoku ofavac i ino peyam ofan abusiuka i uwarakeyom maka i arukano. ²⁴ Karisti i iyewai umpekemino rumukine akekukam kimi wanta yiyam poni uwandukeyone. Minim benimi puka dotu mac i benimi Inarumpac ibenim amam-mi bemino.Iyevaino, kraisti i Inarumpac i udemi Gotin okankac i un ukukeno ikeunamac tic abana wainta meno. ²⁵ Umacden oandekac i hetpristiuc i mini nare mandeni ofa uwandami akec-kukan ukan rumukimi urewami. Akac mini narem marenimi benin dawaino. Akac Jisasi micniwa enaino. Beni inarumpac i undemi maron beyani ofa-ken Gotimi ameno. Amuc nayaka micnenaino. ²⁶ Mac-nema be amucnnayac micnene, amankac beni amuc-nayakac i anavisic maranove, kukanden Goti mana maka uwaranin kinke yem manaka yewenin kakewe. Akac make i mana makan arayic iran nevami Krasti i manayac manan yinteno, beyar Gotin ofa ke aminana mandauc dao-yinoware. ²⁷ Umacde wac i manayac kac i puc-eyac i akac icnayemi koc-kinac i ukukakive. ²⁸ Micni mukami akac Kraisti i beyani yewekemi Gotimi ameno ofaic muremi ameno, anasi wantayic mandawa daoyino warewe. Micni mukami akac icnayemi kanda-yakic muremi kumin tenove, endesic manda dawoyirara kumin tena inove. Iyewake. Weni kumi nanimi anasi wantan tesac mureni benkac i antikeni beyo-usomi oweken yinteno.