¹ Lo i miniwen temi amami icnayemi banteno newarafi, Jisasi mini Lo waci awakurokon temi maya maya wani temi. ² Manac inanim masicden Ofa sipac kepanteno, macnem mini Ofa Sini baruc uwande yeni Jisasi Sini baruci yoman nan dantemi. ³ Mini Ofa i yeni Sini mare Jisasim paci danteno. ⁴ Kaowa sipisipi nare iyewac mana Sini yomanan danteminin temi. ⁵ Mini nuram Jisasi mana makakac kumene, beni micnin temi Ofa iyen tiyeno afo micni mukaci mana nurami Tisa tisimemi iyewakac mandac ono. ⁶ Ena indintapac yemi masicden Ofa ikakac yeni mini inde akac Ofa Sini baruc yomanan darani mini bani timoneko. ⁷ Teni yewekeci macnin teko, onako aci yereci masicden wayani Gotinic Bukukimi tikenim waya yuci masicdemi ampamemi. ⁸ Beni yewekem mana yac baci temi Ofa waino ikeyaci marec teni indekuna Ofawac marec yeko. ⁹ Yewekem mini acnayem paci macnin temi, onakon temi make mana maka anom mandaic memi iyewac Jisasi enayac yinaninkimi iyewakaci anana ukano. ¹⁰ Mini indin Gotinic ayintac mana ampamintemi Jisasi beni Kekac yasaci pukonine benic naren akantinken kumemoni. ¹¹ Mini i iyena andanda ukami wemi ikeunamakaci mini waraci indeko, newarafi, iyena ayac murukemi temi. ¹² Afo Jisasi aci pucemi yewekem make inarum paci undemi make Gotin ayam bempapaci bemi temi. ¹³ Yewekemi benic siakaci kumantemi beni namukouc yonemi beni iyen arami yimemi. ¹⁴ Mana Ofa fonana yewekem yofa emi masicden iniya waintauci Gotin beyakaci ukac dukami ben ofoni. ¹⁵ Holi wainta aci micnin tiremi temi ikeunamac kani namba wani nurami temi aci ikemi ayac murukamino. ¹⁶ Mana wen temi kontaraka make ikeunamaci Abra ami maren yenin nani teko iyenon Gotin tem tentic Lo yem yirapin kewa dafiseko. ¹⁷ Teni iyewa kukami yeweke yenyic Sini baruc indenteko aci make makaci kakipanteko. ¹⁸ Make ena iniya waintauc yic barukaci kakika pano temi make Jisasinic narefoni make iye yenyic Sini yomanan dantemi. ¹⁹ Micni mukemifo tifac tiwaunano iyewac pekec anon indiric oko Holi makusac namac Koriva Silva beninkaci urinonami. ²⁰ Aci yewekem Jisasi kum pukonin nurami Dawarare yo dakakemi make firic mukanami. ²¹ Newarafi, ikeunamac make iyena Het Pristimi kukeko make Goti amankaci dafi sinteno. ²² Micni mukemifo ikeunamac awokuc tindu nama yenane make manan dekemi awokufi musin kantemino, Jisasi ben ofenke tirukami. ²³ Ikeunamac ben awayayac indenami mini nenecne usinkan tenafi mini bani Gotin temi tenaci tiwakurono, Goti beni Promisic menim mini wayani Goti tirukami ampamiric mana mintemi. ²⁴ Ikeunamac makaci beci mini indiric ekone ukukeka bekaci onako awokuc baruka uwareyaune. ²⁵ Iyewakac ikeunamac manakim bam baruc ecano, micni mukami ena iniya waintauc eyom baruc iyewac uwarako Jisasin tirukami. ²⁶ Ikeunamac puka wayay indirec onakeci, mini Sini i uwarecu. Micni mukami make Sini ic Ofa i iyem banteno. ²⁷ Mini senisic eke, iyena kukakani Gotinic kukakan nurami bantemi ikeunama kaci antic manawac kako, micni mukemifo Siniuc iyewac uwarako. ²⁸ Iyen iniya waintac Mosesic Lo iye awakurin tefono minwe Goti Kontraka Mosesin kaci demino mini wac dafiseko newarafi, Gotin tirukami. ²⁹ Nec iyena Koc indin tefono mini wami temi Goti benic Lo waci awakurokon temi micnewane Holi Spiritin awacbac mintemi. ³⁰ Mini wayani ikeunamac peni indi kecumpe make iyewakac yiram marako, yewekem waintam mini antekeno. ³¹ Mini iyena andanda bemi Gotin ayampimi pekekeni mare yeno mini Goti amonemi beni yomanan dantemi. ³² Yewekem payac indeno macne iyen iniya wainta e Lo awakurin tefe eni awokuc baric mukan nonami Gotin temi. ³³ Eni afotakukami masicden iniya waintauc yukankaci banami macne e manda uwarewe mini iniya wainta emi manan afotaci danteno. ³⁴ Ike mini iniya wainta yukam mukeke ikeyanana Jisasi ikenyic Sini yomanan danowan tami baric baric mana mukenim wainta. ³⁵ Micni mukemifo iyewakaci ena Bilivic ono miniwe enic Bilivi kipaci memino. ³⁶ Ikeunamaci make Jisasi taremi beni Promisic murukemi Gotiwac indin kami ikeunamac Gotinic ayin awakuronane awokufic min temi. ³⁷ Aci acdekakukami iyenon ben akaci ta ankan temi ikeunama kaci dafikac tano. ³⁸ Antekeyon iniya wainta Bilivic manavac oko, micni mukemifo iyewac pekako. ³⁹ Micni mukemifo ikeunamac pekeyom baruc mareyeyom iyewac mini kim anon indiric ono eni erar indin takac ukukano.