¹ Afo, minic waya yanda wenimi Ike -unamac i mineko,mani mukeno, Ike-unamac tiawoku etpristiwe weni wempapai kumandeno ena-ukam kimi Inarumpac i weninic kim Siakake. ² Weni wokpristi yokani ena-ukam makimi marewano, puka mac i beno wanta wac uwacreyaune.Iyewake.Iyeno wenac-uni uwandukano. ³ umaden pristiuke ikemi yokani yimikeno ikeyic ayakuc i marom ofah mareyinakono. Mini i awokukukami beno ofah deyone. ⁴ Akac manaic inanm kraisti mana makaka benasi , iyevamana beni pristi wanteno ,nevarafi, pristi i bani beno iyec i weyic ayac i maren yenafi Lo tinkeno. ⁵ Yeni mini wokpristi uc i mana makaka i weni mini lotu mackimi pakeyo, benic picsavac amana se beno pukapuka Lotumac i Inarumpac i beno.Micnimukami Goti mi Mosisimi tameno,eni mini mac u-waranteve. Goti i macninteno, '' umaden andanda mini mackakena u-waranteve, eni awokufikac i urewac i mi-teni maro anukac i yoakakuna picsavac i yoyikano.'' ⁶ Makeve krasti i ac i weni wokpristi i mareno ena wokpristiuc bac i daindeno, nevarafi, beni abanac waintai memi, mini oyam kontrakam manan eranurami mini i awoku wayani bano. ⁷ Acnan tapac i yeni mini kontrakai manam awokukukami wano, iyewai ena oyam kontraka wac banteno. ⁸ Micnimukami, Gotive beni anasi wantayic anda afakaremi macninteno, '' Iyenon teno, ' Indenno, ac-i minikukakani yeno teni enamac i oyam kontrakam uwaranteko ike Israeli uc namac ka Juda-uc namac i uwaranteko. ⁹ Mini kontraka i iyewac i manaic ukeno,miniteni iken yinafu yikaka uni Isipic i bayoc i mikin kenami kun yikei uremokumpe. Miyi-uni iyewac i mini kontrakakin kena waya-uc i indeyo,minimukac i teni Iyenon beko, teni ikemi make i toyemi yimenteko. ¹⁰ Micni mukai mini oyam kontraka i Israeli iniya wainta namac i micnonteko.Iyenon macninteno, teni umaden Lo-mi yenyic indintim dec i , akac yenyindun timac i uwanan danteko.Teni yenyic Goti banani akac yeni tentic anasi wantan banteno. ¹¹ Afo anasi wantave iyewakac i eyankuna enafac-awanani miniseno, '' Ikeni Iyenon narac i indi-kako, umade wac i temi indikako, micne payam waintai bantefe iyena vic-mandukanono bantefe. ¹² Nevarafi, teni nanayin yimirec i yenyic manda-uc i daonyin kanteko. Iyewac i yeveke indenteko. ¹³ Mini wayaye, oyam kontrakam beno, '' acnani yenyic kontraka i ac i maro peyanic meno.Mini andandauc i ac i maro peyanic memi adekac i kipanteno, adekac kukami kipanteno.