¹ Ike unamaka dafiseni, baken Goti temi bayani akaure taun iyen maratecu. ² Yenama inde awoku bayani, manai mukemi peyukami indeyo ininya waitauc namaci, yewekem iyewai mini awoku bayani yemi tasasin temi, iye ukai mini eran bayani iyewa awoku indiric ekafe iyewai bayani indami. ³ Ike unamac anasi wanta iyeukami era indini deka, amami yaum mareyom makuni marantecu, minic mukam beni temi, ten tirami yoyikan tecu, puka bayani mani mukemi, teni yemi iye ukami minii makusimi uritemi. Mana makakai tenti yokani mare arayi mekuna. ⁴ Mana wayani tiyimemi enafabaci seveni nurane, Goti aumi bemi 7 nurami yokaru maran yenin nani. ⁵ Beni macni tiremi temi, yeni iyewai mini makusimi urin teno yaumi yimirani tiru kekuna makusumi. ⁶ Mini mukami, mana iniya wainta beni yaumi yimemi makusimi urintemi, Israel iniya wainta yeni awoku bayani indeno iyewai mini makuni yaum mareyom makuni mareno newarafi, yeni ben awayani iyeukami indeno. ⁷ Mana nurami Goti makin uranai mini makusimi undei taumi maran tecu, mini nuram beni makewe, inayem amauna kukakan yan kakanami, yewekem Kin Deviti mi tamenim bayani bani bemi, "Maken iken yirani mana eraru kanana hoko. ⁸ Yewekem Josua mi yaum marako makuni yimemi yewekem Goti iyewaci ena nuram mac asintemi. ⁹ Micni mukami mana nurami Sabati kukakani bani baya aum dano wani temi yekem Gotini anasi wantauc yinda i. ¹⁰ Iyen iniya wainta Goti yaumi yimen ninka yeraintena, beya baci aumi dantemi temi umaruc maran yinanim, besa i Goti bani uwan dukemi. ¹¹ Micni mukemi mifo erarurekaci yaum mare yom makusim urono, iyewci maya wac baya aranami iye indin nonami yeni, yeni yewke uware youni eno. ¹² Gotin awayani laifim bemi iyena erani bemi, iyena musuka makan tandafai aric mukenim mai runkemi, beni acbanaka kukami ankaremi indin tonama Holi Spiriti namai mayu tiyam pakemi yemi, mini bayani mani mukemi yasin anasi wanta yic indin daime nini mukemi. ¹³ Iyewai mana andandawac ayowafa kemi ben okankai, uma afota mana bemi nec ikeunama uware kafu ben okankai afota mana bemi. Ike unami Gotin okankai ukukan tecu ne andanda ukaci uware kafu umademi tami temi. ¹⁴ Ike unamai iyena yinom waintauc kami dukanami inarumpai umbemi, beni Goti akai Jisasi bemi. ¹⁵ Mini mukemifo eraru rekai mini era indin takai pakani, ike unamac tinonic ukenim wainta nanayini timiremi sore musikemi, newarafi ike unamac erani iyewai dukeu sinic umanana dukan tecu, umaden amam makani ike unamakimi yemi. Mini umademi benkimi ampamemi, bema amam makarani beni iyewai sini emoni. ¹⁶ Yinac awabac nama erarure sia arafim bono, mini mukemifo awaba nama nanayin afakan nuran tasase.