¹ Lotu ekon tifa tonami, ikeni i9narupa tena arani duikemi, ikeni Jisasin nara indekon temi, beni yokam waintau bemi yinonic ukemi, benka mana era indini dei beyani potire tamen tecu. ² Beni puka ukami Goti awayani awakuremi, iye make bemi makin umakanafi, yewekem manaci ukaci Gotin amaci Mosesin ben awayani pukam bemi awakure wami. ³ Iyeno Jisasimi Mosesi mai aruremi iyena bikukami dukemi, newarafi iyen waintauc mini uwaran tefe, iyena wikukami mana kimi dukano nami. ⁴ Umanden maci waintauci uwareno, umaden uwarenimi andandacui Goti beyam bemi. ⁵ Mosesi puka ukami Gotin amakimi bayani awakuremi, yeweken icnayen kena andandau wakani temi. ⁶ Jisasin puka ukami beyani awakuremi yewen iyena intan Goti amankimi antemi. Ike unamaci amami benamaic bantecu, ne andandac pakarukan tekafu timoye kaci anteno. ⁷ Micni mana tikami Holi Spiriti macni tirukami, make yeweke ike ten tofen indekone. ⁸ Ikeni iye wakaci iken yirac nama eraroki, peyukami" Ikenyic buwu nam bayon kaci anon amama makaruci andanda ucba iyewac bampai wanin ukemoni. ⁹ Mini nurami iken namac bayokaic bayani sakin enoyo, akac yeni amamakaruc timenimi 40 orande anduntimi tentic yokan dabaci onenoyo. ¹⁰ Mini mukai mini iniya waintauci tiran yimeci manintecu yen yirapimn nen temi, ten tanac kaci nempa kumami beno, iyewai temi indikeno ani uwi yinkaru kanami. ¹¹ Mini mukai tirami kaci mana wayani promisim uyinkecu. Yeni iyeukami tenimac makusimi maron yikan teno. ¹² Tifa tiwanam, ikeni awokufika urekai dafiseko iken yibanake, bake ikeunama kim maya en arac iye antekan era indinde Goti oyen amewano, Goti dukeni aune. ¹³ Umaden nuranai ikeya eraroki, yeni manin teno, makewe mini mukami mayaken yicbana, tentirac eranukemi sini umati ankemi. ¹⁴ Ike unama akandauc beci ike unamati era indini erara ure pakani, mini mukani yokam kukan demi maram bemi maro arasapaci demi. ¹⁵ Mini bayani bemi, make yewem ike ben awaya indeke, iyewakai iken yira mana eraroki, mini mukami iken yikacu nami uwarayomi micni mukemi. ¹⁶ Iye Gotin awayani indikefe? Gotin awayani indeyon iniya waintauc manawa bayonam Mosisi Isipike yiwikem maren mapac demoni. ¹⁷ Iyeci Gotin awaya indei sakin intefe 40 orandeka? Yeni Gotinic anasi wantauc beni yeni sini enoyo, yeni pumoyomi yen yumi andadawa iyewa bam makufai yen yun irara emoni. ¹⁸ Beni mana promisin demi iye yaum mareyom makusac bantemi, ye mini iniya waintauc iyeyauci ben awayani iyewac indeyafo. ¹⁹ Ike unamac mana indire mecu iyewaci yaumi mareyom makusimi urintefo newarafi, yeni iyewaci era indin deno mini makusimi.