¹ Goti wenanan het pristi ukadayawe, weni indin kemi minukeyon wainta uci deno wenic yokam mareya ansi waintacu yofa okoware, wenic yokam mare yeyic numouc ec akoware. ² Weni pani dada kakemi miyi unamaci yokan teno, yeni indidac wac iyen dukani yemi yema newarac umac tiyin keyafo, wena uni iye erani dukemi. ³ Mini anda wani, weyic ofa wakaci uwande naci anasi wanta yic numo wakai daon yinkenai yeweken weyan dakai daoyino. ⁴ Wanta wac hetpristi ene, mini weni iyena wici dukanteno iye waci enowac mini yokani weyic ayintac marantemi. Iyewake, Goti weni yareno mini yokam marako ware, peni Goti Aronimi aremi. ⁵ Jisasi waci mini meno. Weni iyem beyani manna yani eno het pristi irare, iyewake, wantau ukukeni mini yokani mareno. Wemi mac nintire tameno, eni tenti kakukami wanano. Makei teni enafo ukami beko. ⁶ Ena awafa wake, weni mac nintemi, eni waric waric mana mukana kono, Melchzedek wani micni mina komi. ⁷ Jisasi mana makaka kakena inta ukene, wen afom paten eran okami munkemi waci ruremi wen afom paci ific demi. ⁸ Puka waita akake, anon anawisici mremi, mini awoku tiyimiric kukameno awaku reyon wani weni anon umani marano nao. ⁹ MIni micnu ekemi danimi ampa memi umade bemi awakureno, naba wane wainta moemi awakure umanden iniya wainta mi wemi awakureyo, weni yewekemi umandemi yiwikateno. ¹⁰ Micni mukami Gotin mi wemi ukademi wokpristi yokani ameno, Melkisede kimi enic meno. ¹¹ Amuna wanani Jisasin kimi paweno, mini mukaci mayauni ano ati kumami mini way anda yoyic kantemi, newarafi ikeyic indini akakukami keno iyewaci ikeyic indini aman dakeno. ¹² Ikeni iyaka kukami kristeni ukake kono, amanka kukami ena waci mini wayani tamin teno, micni mukaci iyewake, ikeni indirani afakani yeweke ena wainta uci tiyi minteyo, mini namba wani wayani Gotin awani benine, ikeni iyewaci ikeni peyukami eran yunan nantine . Iyewake ikeni pani nami nano. ¹³ Ike unamaci yemi indin keko miyi uni yeni pani namineyo, yeni kipac intakafuci weyo. Yeni iyemana andandawe awoku wenimi indikiyo. ¹⁴ micni mukami, erarukami yunami wenine, erarukam iniya waintau yinweno mini yunami weno. Minukeyom wainta uke, mini waitau yemi amuna yaci amam makeyon newaraci awoku wanana ini aka newarukaci manda wam wenafi, aci makewe yenyic indini indikaran nemi, makei aci amani reno.