¹ Micnugemifo nec avoguc abuabac gac Jusi inin acbasi dugeyafo? Ne anecne mandan facbar inteyafo yife anda ackec yagam avucavac fo? ² Anon anecne i no masicdem asapake. Acnarugame Jusi ininacbasi gaci Kocti bey avaya gac dafisegovani demi. ³ Afo nacintenafi manac a Jusi inin acbasi ma erarure Koctin kim indigaracin avucavac ma iye dukeni? Amanac yeyic baya arin avucavac mano Kocti mayau nana indigarac evam avucava yomanda fasac dantenafi? ⁴ Amagac iye vac mana ino. Ecananac Kocti mana fuga siga, Nevaraino masicdem mano umac mana sigauni benone. Bani yo kimi agantemi, "Eni eyavaya foni seni antekeumpe sinonam, afo mini avucavac gani masicde yogan kac koc amintenone." ⁵ Afo nacintenafi Koctinic antegam avucava manoma mayausic manda avucavac ma mandan facbarinam, nevec sentegafu? Amanac Koctinan macni sentegafu beyic aran anene ma myausac ma devami iyen antegemino? (Seni mana magagac kena ininacbasi ma indena seyonani sego.) ⁶ Mini avucavac iyevac mana bantemi! Ingkenuc urenac i Kocti mana magagac kena ininacbasi koc yimintenafi? ⁷ Afo senti umac baya manoma Koctinic antegam baya ma afotac dema bema anon avic amene, nevaraci semi sonamam iye antegaunoc eyafo? ⁸ Senana manac a mano ma sena, macni seno sire na sane. Maracyam manda anda uwarananac avuguc avucavac facbarino ma sane. Micni baya sauye Kocti beyic aran anecne yenkimi danten. ⁹ Afo nacugenafi? Yeunamac Jusi innin acbasi ena inin acbasi yesagkakegafu? Iyeino. Aci yeunamac Jusi vac Griki umac den nani simam mandac ecyamu. Yeunamasic kumic anda mano yeunamac umacdemi davac em. Koctinic yo kimi ba agantankac i sigemi: ¹⁰ Mana magagac manac bayi iye vac manan antegem, iyevac mana ino. ¹¹ Manac bayi avoguc indin iyevac mana dukemi. Koctinan manac bayi beyandun tinke iyen afakemino. ¹² Umac demano Koctimi gicnainic uamenone. Umacde mano manac ugenone Koctin ogankac iyen antekagenone. Manac bayi avoguc avucavac uwarevayi iyen bemi, iye ino, manac bayi iyevac mana bem. ¹³ Yimer aini matic aingken ugemi. Yen yinafin tac i umac baya mana uwikagem. Yen yivar ana i memanic uwac kem bemi. ¹⁴ Yen yivan tac i banta simam mandacim baya vac yiran anecne yimim baya mana uwekagem. ¹⁵ Yena yigan dare bompac i nare bacyem. ¹⁶ Yena nompac i andanda mandan mandac ini mini yenyic avucavac ino. ¹⁷ Yenkimi banta avacbac in avucavac iye bemi. ¹⁸ Yeni Koctin nani iyen fegenone." ¹⁹ Mage indigec yamumpe nec lo mano sigenafi, mini i lo avagurau yani sigemi. Micnugami lo mano maside uyic yivam mandan makakintem, afo masicden ininacbasi Koctin ogankac ukukeni yena uwarageyon avucavac guc Koctin sasamintenone. ²⁰ Micnugami lo avagurin avucavac po iyevac mana manacbagi seni kumic anda iye ducke Koctin ogankac anteckego iyen sinonam. Iyeino. Lo ma bami mayausic kumic anda mandan afotagic urem yotivigarani. ²¹ Afo mage lo bemifo Koctinic amtekam avucavac mano yeunamakac facbarem. Mana baya i lo kim baga Koctinic yogam bantauc yic yokim mi agantemi, ²² afo mini i Jisasin kac ma mugkena begkima indigarac auni Kocti yenani antekam ininacbasive sintem. Ena ani iyevac mana bemi. ²³ Umacde mano kumic anda uwandeni Kocti namac iye bantenone, ²⁴ afo beyic agun anecne foni Jisas Kraisin kimi mayauni avacbac usinkaremi antekam inin acbasi uge sintemino. ²⁵ Kocti Krais Jisasi fucinan benic nare mano iyefi bengkima indigarac auyic kumic anda sesec ino vani Krais Jisasin ugagemi. Kocti mayaunan antekam ininacbasive sirani mini avucavac uwadem yocyivigem, nevaraino feni Kocti beyic aran anecne banta anasi gac agagem iyan devammino. ²⁶ Afo mage mana nurum Kocti magausac beyaram mandan fabaremi mayau yotivigem beni antegarac ugem, micnugami iye uyafo Jisasin kimma yenyindun dena avakurinayo-u nani Kocti antekan ininacbasi uge sintemino. ²⁷ Micnugami iye beyavic maren urintenafi? Manac bayi micni iyevac mana intem. Ne avuguc avucavac foye? Yogam maran foye? Iye ino, afo Koctin kim indigarac-e ben ugorin avucavac fonana i. ²⁸ Nevaraino mage omareyam indentec yam Koctin ogankac ma antegasuana i bengkima omare indec yamma ugorasuana avucavac mano i. Lo avakurin avucavac mano vaino. ²⁹ Afo Kocti i Jusi ininacbasi yic Kocti manafi? Afo ena ininacbasi yic Kocti iyec benafi? Iyeino, beni ena ininacbasi yic Kocti bac i bemi. ³⁰ Micnugami, Kocti mana Kocti mana bemi, beni yo akegam baintauc bac yo iye akegam baintauc ma Koctin kim indigarac ena bem ukorin avucavac foni yenani antekam baintauc ge sintem. ³¹ Afo yeunamac Koctin kim omare indigaracin avucavac ma mandan anonic ege afo lo i onac manni sampi anecne ontecgafu? Iyeino, mini avucavac foni lo mandan erar ontecyamupe.