¹ Micnugemifo, yigeni ayác iyen sinagomino, máná magagac baintauci bamino, ena inimbaintauc koc yimegom poni yige yacbac koc kimi ukukagamino. Nevaraino, enama koc yimegouge, yige yacbaci mini avucavac uvaramino. ² Afo Kocti mini avucavc eyou koc yiminanimi yigeunamac indigecumpe, benic koc, fuga sigan kaci avackuremino. ³ Afo mana omarec indego, yige bantauge, yigena mini avuavc eyouna koc yimege yige yacbaci mini avucavac amino. Yigeni amagkagac Koctimnic koc kin yankagantegafono? ⁴ Yigeni Koctinic avoguc avucavagu gani sito anecne idirigac egafono, bena agagaurem umar iye yimema, nanayugem benine? Yigeni iyec onegafono benic avoguc avucavaci, yofainaci yindum baegago vanino? ⁵ Afo yigeni yindun fakaman erarurec iye baegamino, yigeyani umaruc baguyoc bamino umaruc ma yinanin yamuc kena, mana mini i, Koctinic antekan koc opac ma bam afotagic inanin nuram. ⁶ Ne avucavac ma uwarageyogka i Kocti mini avucvac kaci ayac ini yimimtem. ⁷ afo iyeuyafo amankac erarure, avoguc avucavac uvaram pona anon yivic marena manda avucavac kim iye bauni Kocti iye kipam yaum yimintem. ⁸ Afo iyeuyafo yeyaranana indiyouyac bac, iyeuyafo fuga sigam baya indiren iyen avakuremi, benic umandac anon aran anecne vaci yintemi. ⁹ Kocti anon umanda bac anon ac anecne yimintemi umacden inimbainta manda anecneuc uvarageyon ayac, Judauc acnaric uimi Griki minigac maranteno. ¹⁰ Afo yivic yanic emi, yonaman yanic uremi, afo nanayini ymintemi avoguc uvarayon inimbainta Judauc acnaric uimi minigac Grikiuc maranteno. ¹¹ Nevaraino Kocti umacden inimbainta mana yonaric manan emi. ¹² Umacden inimbainta lo iye vana manda anda uvarageyou yacbac oyogantenone, afo umacden inimbainta manda anda lo yevana uvarageyuoni yemi lo foni koc yimintemi. ¹³ Afo lo baya indauya Koctin ogankac antekeya one, afo lo avakurauni antekantenone. ¹⁴ Nevaraino mapac inimbainta lo iye dukeyouni, yeni yeyic indintac lo sigan avakure none. Yenkim lo iye baya vaci, yeni yenafoni lo ici ugenone. ¹⁵ Minic avuavac guc foni yeni yoyivic manic andadac uvaranac yomi magec marara nonec lo uginec. Minic uponic yen yindun tai agam temino yen yiyigarac inanomi agam magemi enoukim siyimemino yekine, yenyic umac indin nano yemi madani ¹⁶ Kotin oganga i uyac yinkemino. Mini nuram yinami Kotic opac ma bananim andadauc kac bac i banta anasi koc yimintemino, Krais Jisasin gine sesivayafoye ¹⁷ Afo eyaranac sema seni jus ukami bego sirema lo kimmac banteva Kotin avic bakai yanic ono, ¹⁸ Afo ben avuavaguc ona karac ekai benic avogugu karac omare indegai madekai avogu uganikac oko nevaraino avagurono vanic lo kimi demino, ¹⁹ Afo eni omare indeno okama dusin demma yeavimana danave eanana i omano vai ayufukimi sakano, iye unac manda andac uvarena anteyin kauye sitoc intaukem benic yoyiviken none, ²⁰ eni mini i lo kimi dukemic indika naminoc fukasikane, ikenurena enic bantim umani amenafi. ²¹ Enac enoc una umorana siyimanove, eni eyan dobagani iyec sefono enic umoric auyannac sevateve, eni umorefono? ²² Eni siyimema semac mayac bayivac monkoc andavac iye bakac uvarako, eni monkoc andac uvare fono? enac umac Koctic nanac afo kevanteve, eni mam makim efono? ²³ Yikeni yanic ugam egai yimoyoko lo kine, eni Koctim avoguc onaric eyic emi lo ugadanac mino? ²⁴ afo ''Koctim avikimi avoguc onarici mapac enim bantac enone nevaraino enanino,'' minic sigami agantemino. ²⁵ Afo enac afe anda akec yantim ugama bateve enic lo, avagura namino, minu ganamac ena lo, ukadeve enic afe anda akec yanayomi onamanic fayaric mintenone. ²⁶ Afo, minuc kanama, afe anda iye akec yaru kananim bantamac lo kimac simana erarintene, benic fukava afe anda akeyenaino afe anda akeyako vani simani erare mino? ²⁷ Afo iyefi mayac bayi afe anda iye akec yarukema simana erarene benic lo kimic bemino? nevaraino enic duka namino lo akantane yife anda akec yare, minuc kayami enic lo ukac danamino. ²⁸ Afo beni jus iyem bemi mapac uganac benaino; minukami afe akec yan onamani fayarec urami akeyemino. ²⁹ Afo beni jus bema fuka ukamac benec, afe anda anduntinke ukami akeyan temino beyic Ayo inta kimba, afan yokinaino. anom avimac yanic amam banta uke bantanasi kinkeva yenac inoc Koctin kinke ino.