¹ Iyeuyafi Koctin ugoringkim ma erar iye ugauye, yivicmam yacnagac degac i erar uyingkagi. Iye onac dukanagon andandau gani yenamac eran baya iyevac segi. ² Iyefi erar ugoriric evayi, umacdem yunami nantem, afo iyefi benic ugorinna erar iye ugayi i saguc yunam mana nantem. ³ Afo iyefi masiden yunam ma nevayi i, saguc yunam mana nevayi nani iyevac manda indirec uwangkac. Afo saguc yunam mana nevayi, umacdem yunam ma nevayi nani iye antekam avucavac i uwaremino micni iyevac si. Kocti benbac i ugacdem avigemi. ⁴ Eni iyec be enonic yogam banta mandan antegefono? Bena beyic yogam mandan erar enafi mandan fafasenafi, mini umani benic Iyenonic umanana bantem. Afo erar uremi ukukantemino, nevaraino, Iyeno mana mandan erar uangkarem mandan ukuka angkantem. ⁵ Mana bainta mana nuran nani ena nuranuc bac i arugemino indiric intemi. Afo ena bainta masicdem nuran nani manaic ugemino indiric intem. Micnugami, masicde maya maya mano omare agankare yac i indigarac ogi ne indirac dukeyafo. ⁶ Banta mana nuram ugacdem Yananom indave sirem mini nuram ugac damandem, afo iyefi masicdem yunam ma nevayi i, miyi i Yan Anom nani omare indemi nemi, nevaraino, Kocti nan susu siremi mandem nem. Afo iyefi masicden yunama iye nevayive, Yan Anon nam omaren indemi manac a yunanuc agoremi. Beyacbac i Koctim pac sususem. ⁷ Mayau sicbanapake manac bayi iyevac mana beyic barani benida mana ino sintem. Afo manabayi beyic fugirani sentic uman nana ino iyen sintem. ⁸ Fana saum marec bege, mini i Yan Anon inda mana ino, afo fugec yare, minivac i Yan Anon inda mana ino. Micnugami fugec yarafu, fa becyarafu, Yan Anon inda mana becyamumpe. ⁹ Afo Kraisi bac i fucem yevegem fugintinke ukukemino,micnuem beni fukauyic Iyeno bac fa bauyic Iyenoc iram. ¹⁰ Afo eye, neverac i eyafac avanic avucavac dainde mandac siangkeve? Nevarac i eyafac avam simam mandaic uangkeve? Umacde mano indinkamino, Yeunamac umacdem mano Koctinic kokac ukukantec yamumpe. ¹¹ Koctinic yo gima agantangkac i sigemino, "seni Iyeno macnin sego, masidem mana magagac kena inin acbasi senka mana yigonoyan mare angkantenone. Umacde mano Koctin avic mana mandan yanic intenone." ¹² Micnugac yami, umacde mana mana mano masicdem avucavac ma uwaragesuana Koctimi mini masicden avucavac sasamentec yamumpe. ¹³ Micnugemifo, ena sifactifanic avucavac daindec mandac iye siangkano. Afo micni iye ecyara macnono, enon uman iye amesua nanac i kumic anda gim iyevac ufegacno. ¹⁴ Anonac Jisasi mano sentic indin mandan dirac i, mage onagarac ecumpe, iyen mana anecne beyagic fairic ugemino. Iyefi mana anecne vana fairic ugeno sene, afo miyinic bantine mini anecne fairic ugemino. ¹⁵ Afo fairic ugam yunam ma mande nanam ma en afac ava ma mini avucavac gam umar afakanave, omarevac indeno, eni eyafac avami avacbac iyen uangkanami. Kraisinic fugin nano bemi aci ayac urukemino, yunanare sire eyafac avan arac mandan mandaic iyevac uangka. ¹⁶ Yigena mana anecne vana omarec indima avoguguc uganage, mini avucava kagac dafic man avoguguc ogo, micnagec mini avucavac iye dafisina eno-u mini vani manda anecne ve sive. ¹⁷ Koctinic bare yunam bac non naraino. Iyeino. Antegam avucavac baga nanayugem bam avucavac baga yimusin anecne maran avucavac Koctinic Ayo Inta mano ma yimevam. ¹⁸ Iyefi mini avucavac ma avakundema Kraisinic yogam ma marene, Kocti benic avucavac kani amoyintem, afo banta anasi mini avucvac onac deni emi amoyu angkantenone. ¹⁹ Micnugemifo, mana yirackac be uwaran avucavac mana avakurosua, afo masicden avucavac i Koctin ugorin avucavac eno-u madan eraru yinkan avucavac mana uwarasuwa. ²⁰ Yunanare sire Koctinic yogam mandan mandaic iyevac o. Fugave, masicden yunami naranecne mana bemi. Afo mana yunam ma nanamma mini yunam manoma enom ma mandan yanduangkene, afo eni mini manda avucavac i uwaranami. ²¹ Afo eni safurac nefo manda non nac nefo o ena avucavac gac uwarefo, mini avucavac mano ma en afacavam ma mandan yanduangkene, afo avoguguc mana intenino mini avucavac ma iye uwareve. ²² Enic ugorin nano ne indirac i mini andandauc gani mandan facbar uangkantenafi, mini i Kocti bac yigekada yic andanda mana ino.Manac bayi ma mana anecne bana avoguge sirem omaren indi nama ben arac ma mini anecne vana umaric iye ene, beni amoyintemino. ²³ Afo iyefi mini avucavac uwadukan nana kar indin dukem safura nene, umani dukemi, nevaraino, beni iyen indigemino, benic ugorini mini avucavac kac amangkagic ugenafi iyefi. Afo mana avucavac ma mayausi ugorin avucava ma amangkagic iye ugac ma uwarege, mini i kumic anda i.