¹ Mage yiunama iye eran indin dukena yibimam ernou eran iye dukeyou anantapa dukeya eran iye eya,yikeunama senana osake simoni iyen onteyamupe afo anenema iye uwareyane. ² Mare yiyana maya maya yikeunama simoyeyanaci ben adebeyocu ayokuki uyikano, afo bemi eram mandena ukukano. ³ Kraisi beyi anon abikani iyen indemi, Nevara,mana bayani bani santakemi,Iyeuya manda baya seyafo yeni mana mini manda bayau enani sireni senaropa mandan deno. ⁴ Mana neanene uka bani yeraceya akareya mini agarenoni mayausi inditai, simam antedeba eyara danam kuminava afo antekan indin amideba mana mini mam baya yigeunama indekuna amamino. ⁵ Mage Kocti bemi ayogu indiri uremi mana arakademi emi amidemi afo mana ukam indin daba enouyaba indireya kukandeya abakuroko Jisas Kraisine. ⁶ Mage beni mana mini uwandemi mandan antedemi mana indita deba eni mage sususire mana avatikebaci seba Kocti mayau sifo iyeno Jisas Kraisi. ⁷ Minukemifo mana a uyabaka yibikano, Kraisima ema abikenini ure, Koctimi iyena abi ameno. ⁸ Seni macni sego, Kraisi Jusi yuc fayam yogam baintac u-emi yofa urem yocyivigemi Koctin avaya fugan sigemi. Micnurem masicdem baya ma Kocti yen yinac-u unayimic dukageninkac i ampamemi. ⁹ Afo eno-uyacbac benic agun anecne one ben avic mare yanic ogovam. Koctin avaya ma sigankac, "Micnugac i ena ininacbasi kim en avic mandan yanic ec i ic darec bac i en avic mandan yanic ontec." ¹⁰ Yebaekem semi, ''Amoyono, eye Jentaliuke, beyi anasi bantanamake.'' ¹¹ Afo enabake, Kocti abi yaniono, ena masideuna beonouke Jenyaliu; eanaya masiden inim baitau ben abi yanioko.'' ¹² Yemana baekemi Aisaya semi, ''Mana mini Jessi anukukamino,afo mana benana ukukaekemi masideuka yinoni uemi dafisitemino Jentaliuka.Afo Jentalicui ayogu indim mandeni benani inditenoni.'' ¹³ Mage Kocti ayogu indin emi amidemi indiru uwikacakaremi amoyebaci ayogu aranama bebaci abakurono bani, afo Ayoitai erantaci bano bani. ¹⁴ Seni senana osake emi sameko, sentifa tibacuko. Seni sameko mana eni enanaosake ayoguku utikarukacnano, masde indiru uwikakemino. Seni emi sameko enouyabaka siyimeno. ¹⁵ Afo Seni mana afani sandei anon indiri eci emi mana a aneneu mandan antedei emi yebaekei indini amenteko,nevarai mana erani Kocti sememino. ¹⁶ Mana erani mage Sena amaka beni yogambaitai okami Jisas Kraisi siakami Jentaili.mana yokani prisiu ayoku bayani Koctipa denoni. Seni amaka mana mini uwandaunani afo ayoku ofaimi jentailiu marenoni, mandan afota demino ayoita. ¹⁷ Afo seni anon simoni Jisas Kraisi nani ecupe afo Kocticni yokarukare. ¹⁸ Afo seni make iyebaci bayani senteko mana a aneneukara eyosirena neanenebara kraisi mage amoyurena mini nurami seni indeko Jentaili ukare. Mana mini aneneu uwantenimi bani bayasirami uwandukami. ¹⁹ Afo mana erana farenin unamake, afo mana mini ayoitai eranama. mana mini Jerusalemi keino,afo meya enafate yemi Illyricumi yeraemci, seni amakai masidem bayau maro yiyimenteko Kraisi abayaye. ²⁰ Mana mini asapate senti indini ukukarai mam baya siyimeko, mana iyebai kraisi abi iye indikauni yiyimeko,mana mini indunai seni amaka iye mai uwarateko ena baitaua makakuma dafedanatokake. ²¹ Mini sireni mini sire sandukami; ''Yena iyeuya iye indinteyafo benani mage bemi onateno,afo yena iyefi magema iye indeni mage inditeno.'' ²² Minukaci sefo seni mage amuna yokani mareci emi yemam iye oneumpe. ²³ Afo mageve, Seni iyen iyaka bei mana makusim yofaeko, afo seni mage beci amuna orande mandeci emi onarandeci indeko. ²⁴ Afo ikeni avafa Sena beke Spani, Sena indekunai emi yemam onarei inaemi bonteko,mage yekumandue enama bakei bonteko, inaemi Seni yikenama bei kipa nurami manakini ukeyami simoyonteyano. ²⁵ Afo mage Seni beko Jerusalemi Koctima abakurau maro yofairare. ²⁶ Mage ayoku indiri uremi mesidonia namaka Achaia nama ayoku indim mandeni manakim deni anene iyerukena Koctima mam siakena abakureyouni yimenoni Jerusalemi. ²⁷ Eyo, yeni ayoku indiri eno,afo, fukaukane, yeni yeyi inditai moni yimenoni. Minu remi Jentiliu mage yofaureni yeni Ayo inta kinkemi ofaim maremi, yenke yofaim manukemi afo yebaekemi yemi yofairani mini aneneuke. ²⁸ Minukemifo, Nandefi Sena macke mana yokana afo makema mandanama indekuna ecke yena macke indeye mini antekatemino, munkin Sena mage Spaini bei emi yera onarei bonteupe asapai. ²⁹ Seni indeupe nandefi sena ebanafa yekunave seni mage Kraisi senkim bai simoyeko beni yokarare. ³⁰ Mage Seni sameko emi, sifatibao, mayausi iyenobe jisas kraisi, afo Ayoitaci ababanama, minuremi makatanda mandan manakin demi semi okam muku sikaremi semi koctipa mandan danami. ³¹ Okam mukusikaranaci seni mage ana iye indeyom makusike ve Judia, afo semi yokam simidemi Jerusalemi mage ayoku yokari urena Koctima abakure younama. ³² Okam mukusikek banakai Seni mage ebanafa yeraekai Koctini amoyini mandan fabari, minu ranaci seni mage manakini ureci enamaci sandake banteko. ³³ Avacbac Kocti yikenamaci bantemi. Fugave.