¹ Yeni anon nom bam ena avafa i yereno, Gerasenesi magusim. ² Jisasi kenukinge adem mapa kumevami, mana bainta manda spiriti dukayi bec vampa yemi,baintauc fuom masi eyom masi kinke. ³ Banta fuom masi'am masikim bam baintai. Mayac bemi iye uyaganonami, nam fogevac iye daminonami. ⁴ Amuna yac i damurami nan dakagemi. Mana bainta erani iye dukanami, bem fagatim. ⁵ Masiden ayufum bac bayamkom bac banta masi eyom masi kingevac anufatevac, beni bademi avayenim oc fokei ben ouc akefemi. ⁶ Nempate Jisasin onaremi, bevampa iyayem yeremi ben arafim agon noyamdemi. ⁷ Beni iyenaga baduremi semi,"Nec seni emi uwaragano, Jisasi'o,yanafa ugam bam Kotin agage? Seni Koti avikimi emi inda ego, manda iyevaga usikano." ⁸ Beni benani semi, Mini bainta kinge mapa kumono,manda spiriti o." ⁹ Beni bemi indac emi, "En avic iyefic?" Beni sem, sen sivic i ami vec, mayauni amuno beyamu." ¹⁰ Beni bemi inda uremi enayabac i inda emi, yevege ena yabac iye'vaga yemi yiyikano, mini magusim. ¹¹ Amuna foruc sato anukimpa dafisami, ¹² yeni bemi inda'eni, seni, "mayau sisikamam fokim dano. ¹³ "Minugami beni yiyikani beno; mini manda spiritiuc mapa ade kundeni fokim ofegeno, mini foruc anu kimpa iyayem kumemi nokimi kucpegeno ,amagac tu tauseni foru i nom namandeni fugeno. ¹⁴ Fonka dafisam baintauc iyayec beni yiyimeno,nenec apamenafic anom magusim bac mana'ac maguyu beyom kimpa bac, minugami bantanasi benoc mini onarani. ¹⁵ Yeni Jisasi vampa yereni oneno manda spiriti dukam bainta, mini manda spiriti dukakenim bainta, miga i kumantagemi, beni ayogu indim mademi unam bado urem miniga kumantani; yeni fegeno. ¹⁶ Banta nasiva onauyec mini andadava apamim, manda spiriti dukam baintagim, ate'ideni yemi yiyimeno,yeni forugani yemi yiyimeno. ¹⁷ Yeni, bemi sameno mayausi magac yerereva e'e'bono. ¹⁸ Beni kenugim aden udami, manda spiriti dugakenim bainta semi, enamac birare. ¹⁹ Afo Jisasi eyo iye semi, afo benani semi, "eyamapa vac eyi bantagim oreva eni yiyimeno Jisasi ecna ofa eninam, beya emi ickeni urena avabac yoc avigenafic". ²⁰ Afo beni yererem bemi gugandem Dekapolisi beyouni yiyimemi Jisasi ben ofain narec, maside baintanasi indire yindui reno. ²¹ Jisasi yevegemi genukim adu emi ena avafac bemi, amuna bantanasi yereni bemi yeugeno, non avafac banga i. ²² Mana bainta manka dafitayic ben avic Jairusi, beni yeremi Jisasim onaremi, ben akantim agon noyamdem kundemi. ( ²³ Beni Jisasim inda urugemi yevege inda emi, semi, "Senti ramumi adekai fugiran evago, Seni emi inda ego, yerevac en ayam benka danana yevegem asofa ena fac ayum bano." ²⁴ Afo Jisasi benamai bemi ,amuna bantnasi bemi avagureni, ben adeka beni bemi avegeno. ²⁵ Mana inini migimi bagemi,tolfiac oradegai beni igona onam yevami. ²⁶ Beni amuna doktau i yonemifo ofaini iye maremi, beyic andadauc yenkai masiden ugami gaki emi, ofaim marasifoc beni ac anene iyena ugamem. ²⁷ Jisasin avaya indiremi, mini inini Jisasi anaimpa yeremi bantanasi utigaga kinke Jisasini unam bado arac ni ayoga emi. ²⁸ Mini inini semi," Seya beni unam bado ayoka ege, Seni sisofate'uc." ²⁹ Mini sirem ayoga ine, migai igona onagenim gaki'emi, mini inim ben oc bo'urem onami beni ac gaki emi. . ³⁰ Jisasi agaga ugami indemi ben okinge beni eran iyayim. Bantanasi kinge bai emi semi, "Iye senti unambado ayoga ene?" ³¹ Beni yogam baintauc bemi sameni, "Eni onano amuna bantanasi enka agac keno, eni semi, 'Iye siyoga eno sanami?" ³² Afo Jisasi bai'emi yonam bemi iyec mini uwarenafi. ³³ Mini inic'ni, indemi ne i benka abamenafi, beni fegemi dudumemi. Beni yeremi jisasi banka agon noyan duremi masidem fuga baya sasamemi. ³⁴ Jisasi mini inim samemi, Senti ramuno, eni bilipi emi ofa'emi. Bono arac sadagem ban namac,en ac i gaki emifoc." ³⁵ Jisasi fac ac sevami, mana'ac baintauc mam manga dafitauni yereni seni, "Ena ramumi fuc i keno. Nevarac tisami uman ameva?" ³⁶ Jisasi yeya sem baya iye indemi, beni mam makim dafitam dafisini i sasamemi,"Iye fegevac bilipi ono." ³⁷ Beni mayac benamac iye yegovani semi, Pita, Jemsi, Joni Jemsi afac avac yivi mandaremi bonoc. ³⁸ Mam maga dafitam bainta amapa i yeremi beni yonami bantanasi amuna kasayevami; yeni badureni anon ific devami . ³⁹ Beni naukim umpe emi, beni yemi yiyimemi, "Nevara yigun anene marekac ifidega. anita iye fugemi fani onic dugemi." ⁴⁰ Yeni benani imi siakeno. Masidem mapa yiyikamam demi ,anita afombac anombac benamac bageyouc yivi madaremi anita benikim upe keno. ⁴¹ Beni agita ayakac fakaremi bemi samemi,"Talita, goum!" mini baya anda, Sato aginta o, Seni enani sego, ugukano . ⁴² Agaka ugami mini aginta ukukemi bec'mi (tolfia orade dukam aginta).Yeni mini onareni yeni yindui reno. ⁴³ Beni eran bayani yemi yiyimemi semi, e'acna mayavac mana iye indego.Beni yemi siyimemi yunam amina nano.