¹ Beni mifac yereremi beyi magusim yimi. Beni yogam baintauc bemi avagureno. ² Sabati yimi, beni yiyimevami mam makim. Amuno ben avaya indeuyec yindui reno. Yeni seni, "Igenifate mini bayani marene?" Mini indini iye amene?" Igeni ugam yokarac ben ayakige marenafic?" ³ Manai mac uwarevam baintafic, Meri agac Jemsi, Joses, Judas, simonim yifac yiva i? Ben ayomagu yugonama iye beyafo?" Jisasi arac i manda u'akeno. ⁴ Afo Jisasi yemi yiyimemi,"Profeti maside magusim avi i dugemi, afo beyi magusimac beni mana agukim bac beya makim bac, avic dugemi." ⁵ Beni anom yogani iye maratemi, mana mana yic baintauka ayam dem yeyic yic gaki ayikantemi. ⁶ Beni anon andu i remi benkim iye bilipi am.Afo beni magusimpa nomi Koti avaya yiyimevami. ⁷ Afo Jisasi tolfiac beni yogam baintauc yararemi kantari uremi yiyigemi, beni eran yimidemi yiyikemi bega manda spiritiuc yomandam fasadago, ⁸ Yemi yiyimemi mana anene iyevaga mare bogo, binona yadiva fakano- bretivac, unambac iyevaka maragi, monibac iyevaga badoc. ⁹ Su manavac yikantim inagofoc kantan unambado iyevaga ogo. ¹⁰ Beni yemi yiyimemi, "Yigeya makina ofegege, migim bega miginke yec ade bogo. makim fac bega miginge bogo. ¹¹ Mana maguya yigem iye yivikeyafo, yigen yivaya iye indige, yikantigena fompom dundun yaregai bogo, yeni inditeno yeya uwara andaka umani marateno." ¹² Yeni benic bantanasi yiyimeno yindum begakovani. ¹³ Yeni amuna manda spiritiuc mandam fasac devano, yeni amuna yic bantanasi basavem acyikareni yemi yisofayikeno. ¹⁴ King Heroti minivam indiremi, Jisasi avic, iyena ugan imi. Mana'a bantanasi seni, "Joni nom manyi keniyic fukan kicge ukugakemi, minugami mini eraruc dukemi mini yogam beni maremi." ¹⁵ Maya'ac seni,"Beni Ilasaino."Maya'auc yaba i seni, "Beni profetino, Feya bageyom profetiuc mono." ¹⁶ Heroti mini indiremi semi, "feni seni Jonim amenic akefe umpe, afo yevegena ukugena." ¹⁷ Heroti bantauc yiyikarani Jonim o fagareni dumeno, Herodiasi nani (beyafac anac Filipic),nevarafi Heroti bemi madugemi. ¹⁸ Joni Herotimi samemi, agoni ugayami eyafac anac maranami." ¹⁹ Herodiasi Joni nam anom aramkami, Jonim aruman fugira indemifo, beni amagaki iye emi, ²⁰ Heroti Joninani fegemi; Heroti indigakemi joni ayogu atekam bainta Koti ogakac bacmi, Heroti benka ayogugu uremi dafisevam. Bec sim baya indiremi amuna indiri emi arac umani maremi. ²¹ Mana nurami Herotim magayom nuram yimi anon yunami yukaremi beni kavmanikim yogeyom baintaubac yiruim baintauyic dafisiruc Galilic dafisiruc yarani yevami. ²² Herodiasin aramum yeremi yen oyokac agomakemi, beya agomakane Herotivac beni dafisiruc anon yiyi karamemi. King nano mini agitami samemsamemi, sec vampa inda ono nevarac emi ayenafic, seni emi amite'uc." ²³ Beni mini aginka samemi, "Nenevarac emi ayenafic inda inaga ameno, seya dafitana kingdomi abana dainde i ameteuc." ²⁴ Beni oremi beyanom samemi,"Seni nevara inda ono?" Benano semi, "Nom mayic kenim Jonim anon nanare." ²⁵ Mini akinta agaga ugami bec vamba oremi beni inda emi, semi,"Mage ugam Joni anom yasac uwantam yokim devac simenoc." ²⁶ King nec anon agun anene maremi, bayani bani siman uyadukemi mini agintava inda enim, nevarafic ayorim maranani nani beyic anom dafisiruc yogakac. ²⁷ King mano beyic aruim baintuc yiyikaremi Jonim anon moro akefareya mareyegovani. Kinka dafisevam bainta oremi Jonim anom agefemi dumeyom magim bankac. ²⁸ Beni Joni anom yocgim demi mini aginta mare amimi, mini aginta beyanom mare amemi, ²⁹ Jonini yogam baintauc mini indireni, yereni Joni oc yemandeni avige maro masikim masi eno. ³⁰ Jisasini yokam baintauc Jisasi vampa yereni bemi sameno yeya uwaram yokara yiyimem bayayuc. ³¹ Afo beni yemi yiyimemi, "Marayara bantavac iyevam magufa moro saudano."Amuno yereni benofoc, yeya yunam nanayom yamu bac iye dukageno. ³² Afo yeni kenugim adu'eni banta iyevam magufac beno yeya'om. ³³ Bantanasi yemi yonani beno, amuno yemi yoneno, maside magusige magakac iyayec beno Jisasi bevampac, bantanasi yecnare ovami Jisasiuni inaimi oreno. ³⁴ Yeni non avafac yereni, Jisasi anon bantanasi yonaremi agun anenec manyic kemi, nevarafic yeni sipisipi kana yenka dafisenim banta iye ban kanac. Afo beni gugandemi amuna andada yiyimem. ³⁵ Ac kupegevami, benic yogam baintauc bec banka yereni sameno, "Manac baintauc iye bam magusa'i bami ac'i kupekemifo. ³⁶ Yiyikanaya adeka bam magusimpa beya yunam ayac ureya nago." ³⁷ Jisasi yemi yiyimemi, "Yige yunam yem yimiya nacgo. "Yeni bemi sameno, Amana mayouc beyara karr andret kinagac bananim breti ayac urec yimiya nanteyafoc?" ³⁸ Jisasi yemi inda'em,"Nadec breti yeni dugeka? Begac onago."Yeni oreni afakareni seni, mana yamam bretivac kanta kauya dukeyoc." ³⁹ Beni maside bantanasi yiyimemi dain'dec atasac gumando bogoc siremi semi. ⁴⁰ Yeni daindeni anret fiftia bagusimi guman deno. ⁴¹ Beni manac yac'mam breti vac katam noyac mandemi, inarumpac kakac emi susu siremi mini breti kidiremi benic yogam baintauc yimini mandeni bantanasi yimeno. Beni katam noyabac i yenamac daimemi. ⁴² Yeni maside nec venic amakaki meno. ⁴³ Yimudani breti araya bac noya bac tolfiac unami utikeno. ⁴⁴ Mana yaman tauseni bantanasi yeni breti neno. ⁴⁵ Jisasi beyi yogam baintauc akaga yiyikani kenugim adu'eni yenare beno ena avafac Betsaida, Beni bantanasi yiyikara bami. ⁴⁶ Bantanasi yererec bami, beni anufa i uremi ogam mugirani. ⁴⁷ Ayinkaki evami, kenu anon nom abanapac bami, afo beyac non avafac bakemi. ⁴⁸ Jisasi yemi yonami anom fegarimeno kenu baikari imi, sisovani eran yiri memi yevampa. Banuram dakagara evami Jisasi yevampa yemi, non naroc yemi, beni yem yesakarem birani. ⁴⁹ Afo yeni ben onami non naro yeni, yeni indi'egeni bac'mi yemino sireni baireno, ⁵⁰ nevarafic ben onareni anom fekarimeno. Akaga ugami beni ac yindemi, beni yemi yiyimeni, erar ugako! mini senumpoc! Iye fekago!" ⁵¹ Jisasi yenamac kenugim adem undami, sisovac migai maro kagi'emi. Yeni anom yinduireno. ⁵² Yeni onde indi iye meno nevarac bretivam sikenafic. Yen yinduni eran ukagemi. ⁵³ /v 53 Yeni nom kadeni ena avafac beno, afo yeni Kenesareti yereni kenu miga deno. ⁵⁴ Kenuc kinge ade mapa kumomi, agaka ukami bantanasi yemi yoneno, ⁵⁵ Yeni maside avafac iyaye oreni bantanasi yiyimeni, yic baintauc yeyic gugutakim yivige yeno, Jisasi beno sempa. ⁵⁶ Igeni sato magusina beni benafic oc iyena magusinafic,oc kantrikin nafic, yeni yic baintauc yivige yunam meyani eyom magusina yeyafoc. Yeni Jisasi inda eni seni, e'ac'nayara eni unambado arac ayoga ogo, masidevac bena ayoka'ouyec yeyic yic i kagi evami.