¹ Enayabai beni yevegem yiyimemi anonon avafac, amuna bantanasi yereni bemi yeugukami. Beni kenugim ade urem anonokim bankai, beni minigim kumandemi. Anon bantanasi anonom avafac bami. ² Amuna baigam bayani beni yiyimemi, beni yiyic mintimi mani siremi yemi yiyimemi. ³ "Indego! Mana bainta yunam yum yogarani nayofac bemi. ⁴ Beni yogam bevami, Mana'a ayum ac avafa fafasine, nunuc yereni miniuc neno. ⁵ Mana'a ayumi osa i fafasemi, amuna macga iye banka i. Agaga ugami apamemi,macga mam-mem iye bagemi. ⁶ Acge eran kari-en undemi mini yunam yum kafugemi,nevarafic anuc mamem iye kumpami. ⁷ Mana'a ayum avi yarareni atasimi fafasem kumbam mi. Avi yararenim atani apamemi dademi, ayogu agam iye apamemi. ⁸ Mana'a ayum ayogu magakim fafasem kundem amuna yunami iyemi. Mana-a teti-a iyemi, mana a sigsti, mana'a handretic." ⁹ Beni mani semi, "iye agam dukate indeno!" ¹⁰ Jisasi beya'om bami, tolfiac yogam baintauc nama bageyom baintauc i baigam bayavani bemi inda eno. ¹¹ Beni yemi yiyimemi, "Yigemi ac i yimemi Kotini Kingdomi opac baya anda. Mapa beyounic, yeni baigam bayafate inditeno. ¹² Yeni onatenofoc, eyo onatenofo, iye onateno, yeni inditenofoc, eyo inditenofoc, yeni onde iye inditeno, Koti vampa yindum baide yeyec, Koti yeyic manda anda sese uyikantemi. ¹³ Beni mani sirem yemi yiyimemi, " yigeni mana baigam bayac onde iye indemi?" Ikenika urega yigeni indi intega maside baigam bayayuc? ¹⁴ Yogam bainta bayani yogemi. ¹⁵ Mana'a asac fafasine, bayani mareno. Yeya indeye, Bananom agagac yeremi yomandam fasac demi mini bayac yindutim yogam. ¹⁶ Mana-a ayum oc magaga yogane; lyeuyafo baya indeuye, yimonama i mareno. ¹⁷ Afo yeya anui iye dugakeyouyec, sato yamu i bageno. Mini bayaka uman yimeya manda uyikane, yeyic bilipi agaga ugami ugikeno. ¹⁸ Mana'avai avi yararenikim yogeno.Yeni baya indeuno, ¹⁹ Mana magagakena andada vara yiyikara eya,mana magakakena andadauc dugaraya indeyafo ena andadau bac yimugenafi. mini andadau i Koti avaya dademi, ondem iye iyemi. ²⁰ Yeya ayogu magakim yogauye, yeni baya indire marauni yac agami apameno, mana-a tetia apamimi, mana a sigstia vac, andreti avac yesakarem amuna yac. ²¹ Jisasi yemi yiyimemi."Eya ona mare naupa yanavec, unakina maredefe o sagoc arafina mare defe? Eni mare ondeyom yadikai danami. ²² Ayofagam anene iyevai opa bantemi, ayofaga aneneuc bena'uc afotaki iye mintemi. ²³ Iyefi agam duke indevateve, ec'anam beni indic!" ²⁴ Beni mani siremi yemi yiyimemi, "Ne bayaya indege, ondega indego, yikeya amenuna vac yesakare ena vai migadem amitemi. ²⁵ Iyefi dukayive, afo enavai migaden amitemi. Iyefi iye dukayive.ne beni dukenafi' marateno." ²⁶ Enayabac i beni semi, "Kotini kindomi mani mugemi, banta beyic yunam yumi magakim yogemi. ²⁷ Beni ayufumi barevamifo kuga imi ukugevami. afo yunam yum fotemi apamemi. beni iye onemi igenika urem apamenafi. ²⁸ Maga mano yunam yum minurami apamemi: anantai acna apamemi, inami agami apamemi,afo inaimi yunam agam feyemi anokim. ²⁹ Yunam afugami, beni yiyikarani soparo mandareni yunam maro akefareni mare yeno." ³⁰ Enayabai beni semi, "Nefokeka i Kotini kindomi manda mana'o, o ikeni baigam bayafogeka i baide yemi yiyimente yarafoc? ³¹ Sovini ayum kanaki mugemi , yeni yogeno, sato yunam yum ukami mana magagac bemi. ³² Yodami,apamem iyena emi anayokim benim yunanuba i yesakemi iyena ugamemi, iyena ayamani apamemi, inarumpa bam nunuc i yereni anam uwarateno, mini agokom." ³³ Amuna baigam bayani manugami beni yiyimemi, yeni indimam ayogugu ogovani, ³⁴ beni baigam bayafoni yemi yiyimevami. Beya bemi, beni mini baya andauc baidem beyic yogam baintauc yiyimemi. ³⁵ Mini nuram ayigaki evami, beni mani sirem yemi yiyimem, "marayarac ena avafac bono." ³⁶ Batanasi yere yinkareni, Jisasim avic madareni, feya gumandim kenugimi o'kumandeni beno. mana'a kenuva i yenama beno. ³⁷ Iyena sisovani gukaremi, nomi avandemi kenugimi umpekemi, adeka i mini kenugim nomi utigem. ³⁸ Jisasi beya omi yinaipa i dugem bagemi sagokac anon dem. Yeni bemi orureni, seni,"Tisao, Mayau yani iye indanami mayauni adekac fukote yamu?" ³⁹ Beni ugukemi sisovani asemi, afo nomi samemi, "agec! gaki ano!" afo miniga i sisovac maro gaki emi. ⁴⁰ Beni Yenani mani sem, "Nevara yigeni fegegac? Yigeni bilipi iyen dugami?" ⁴¹ Yeni onom fegari eni yeyirani mani seno, "Beni iye bana i, sisova vac nom ben avaya indeyafoc?"