¹ Banurapai, manka dafitauyic dafisiru bac anari ukauyabac lo indim baintauc maside kansolo yec uyu'eni. Jisasim nam poge damureni avige Pailetim maro ameno. ² Paileti Jisasim inda emi, "Eni jiuc'yi Kinna beva?" Jisasi ben avaya yevegem samemi sem, " Eni mini sanano." ³ Manka dafitauyic dafisiruc amuna anene bemi amofin eno. ⁴ Paileti yevegemi bemi inda emi, "Ena inda'om iye siteva? Onano nadec anene emi amofin eyafoc?" ⁵ Jisasi mana bayavac yevegem Pailetim iye samami, Paileti amuna indiri memi. ⁶ Maside orandeka i mana iyena mam fakam yamu yerami, Paileti mana bainta dumugeni ec ami yevampa bemi, dumugam baintavac inda,om. ⁷ Barabasi nec seyom bainta dumugagemi, mana'ac baintauc kamanikim aruim kugareya mana'ac baintauc yirumam fugouc yaba i dumugakeno. ⁸ Bantanasi Paileti vampa yereni bemi inda eno, feyac beya agenim anda uwaranovani. ⁹ Paileti yem yiyimemi sem, "Yikeni Jiuyic King ugidanam yigevampa binovara indega?" ¹⁰ Beni indemi nevarafic umani amami manka dafitauyic dafisiruc Jisasim mandege ben ayakim deno. ¹¹ Afo manka dafitauyic dafisiruc batanasi yirac ugukayi karani badureni seni, Jisasi Barabasini magu marananifo, Barabasim ugidam bino, ¹² Paileti yemi enayabac inda'emi sem, " Nec seni Jiucyi King uwarakano?" ¹³ Yeni yevege badeno, "Kecka yasa aruman iyego!" ¹⁴ Paileti yemi yiyimemi, "Nec manda anda beni uwarenafi?" Yeni yevegeni iyenaga badureni seni, "Kecka yasa aruman iyego." ¹⁵ Paileti yen yirac ayogugu uyinkarani, Barabasim utudami yec vampa bem. Afo Jisasin arureni mandekeni yen yiyangim deno, keka yasac iyegovani. ¹⁶ Aruim baintauc jisasim avige koc magusimi ureno, ( dafisiruc anom magusim ), masiden aruim baintauc yaraman deno. ¹⁷ Yeni koran nani Jisasinka deni, avi yararenim nani mande baideni Jisasin anokim deno. ¹⁸ Yeni minu akareni bemi sameni seni, "Ayogu nurane, Jiucyi Kingne!" ¹⁹ Yeni mana yadi mandeni anokim areni ontim agano kuti'akeno. Yeni Jisasim arafim yigonoyan duc'akeni, ben anon avic amirani. ²⁰ Yeni mini andauc minu akareni, koran unam bado yomandam fasac deni, beni unam bodo uan'kareni, yeni avige mampa kumeno aruman keka yasac iyirani. ²¹ Mana bainta, Simoni Sairin nicge, yeremi mini magusim urirani (beni Alekenda vac Rufusinuc yifo bemi), yeni bemi avageno keka yan maranovani. ²² Yiruim baintauc Jisasim avige kolgotake seyom magufa ureno ( ena avic banta ayampauc bam magusim"). ²³ Yeni marasim wainigim baideni nano sire amemi beni iye nem. ²⁴ Yeni ben arureni kekayasac ireni, beni unam bado dainde mandeni kaunata iyaran neno, iyefic ayogu iyara innani beni unam bado mandemi daindeni mana mana yiruim baintauc marateno. ²⁵ Banuram ac urevami yeni arureni keka yasac iyeno. ²⁶ Faran arasa i mana afani akadeni ben anom bananinka deno,manic sirec agareno "Jiucyic Kingne" ²⁷ Benama i katan umom bainta kandavac i yirureni keka yasac iyeno, mana bainta ayan ugampa iyeni ena bainta ayan opa iyeno. ²⁹ Iyeyafo ben yesakare boyaba i anaim baya siankeno, yinon anureni seni,"Aha! Eni mam mac ugadaremi kanta manava nuram yevege uwaratego senami, ³⁰ eyan ofa'eva keka yasake gumono!" ³¹ Manka dafitauyic dafisiru bac lo indim baintauc yeyandoba i manda siankeni, seni, "Enoni beni yofa emifo, beyani amaka iye ofa intemi. ³² Ec'anam Iyeno Israiliyic kingmage keka yasage gumi, yugonama onareyara i bilipi ono." Yeya arureya keka yasac iyeyou yabac i manda siankeno. ³³ Nam beloka i, ayufum mana maga yec dadem, bemi ayinkaki em, ³⁴ Ayinkaki imi Jisasi eraruremi badurem sem, " Eloi, Eloi, lama sabatani?" Mini baya mani sigem, " Senti Koti'o, senti Koti'o, nevarac semi yere e'eva?" ³⁵ Maya'ac mini adeka ukukakake youni mini baya indire seni,"Indego, beni Elaijami aremi sic." ³⁶ Maya iyayem oremi yudevam waini nom matresi arasac demi, mana yadiga uguremi Jisasim mare aminan nanovani. Mini bainta semi,marayam becyam onana Elaija kundena keka yasake avimam magapac dac." ³⁷ Jisasi erarurem bademi migac yomarem fugemi. ³⁸ Unam bado mam makim damurukakeyom yanke abanac dakakam magakim kumem. ³⁹ Aruim baintayic dafisim adeka ukukakemi Jisasim onami mini asac fukimi, beni sem, " Fuka ugane mana bainta Kotin aga ic." ⁴⁰ Anasiu ba i nenka ukukakeni oneno. Yenkige Maria Makdala magusinge vac, Maria ( Jemsivac Josepi nuc yino) Salomevac. ⁴¹ Jisasi Galili banikac ben avagureya ofa ageyouno. Amuna ininanu bac i benamac Jerusalemi avakure urouc yaba i. ⁴² Ayinka yimi, nevarafi andadauc anufam nuram yevami, saganam Sabati nuram yinanimi, ⁴³ Josepi Arimatage migac yeremi. Beni kansoli kinke bemi, beni bantanasi yoganka ayogu avic dukayic bemi, beni Kotini Kindomi yinam onarani dafisevami. Josepi Paileti benigim oremi Jisasin oc vani inda emi. ⁴⁴ Paileti amuna indirimemi Jisasi fugami; beni yiruim baintayic dafisim araremi inda emi, Jisasi agac fugenafic iyefic. ⁴⁵ Yiruim baintayic dafisim Paileti samim indiremi, beni Jisasi oc mandem Josepim amemi. ⁴⁶ Josepi iya amac efam unam bado ayac uremi. Beni keka yasake madam magapa demi, mini unam bado foke i ukuremi masikim maroremi, oc akeyare uwandukam masikim. Afo Josepi oc avekamam uyagemi mini masikac. ⁴⁷ Maria, Makdalini magusapate vac Maria Josepi anoc Jisasim masi'am masi i oneno.