¹ Kantam nuram anaimpa Kotic Israiliuc e'acya ayoguka bakeyom yamu bac breti yisivac iyevac bam nakeyom yamu yevami. Mam makac dafiteyom dafisiru bac lo indim baintauc ayuc afakareya Jisasim fakareya arumam fukirani. ² Yeni seni, "Omac yamu iyeva i fakate yamu, Bantanasiva onareya yiseya yiruim kukarana'yonani." ³ Jisasi Betani magusim Saimoni amakim bagemi namona dukagenim baintac, beni sagoka kuman devami, mana inini bevampa yemi, mana ayogu osac uwantam botoligim ayogu unda evam basafem maren yemi, anom monika bam basafem. Mini botoli duwaremi Jisasi anoka a'ackemi. ⁴ Mana auc mini onareni yiran anene marakeno. Yec'yirani baya undeni mani seno, "Fayac mana basafem aman gaki enfic? ⁵ Mana basafem (Tri andret kinakac) meyani ureya, moni mandena andadauc iye dukauc yimekami." Afo yeni mini inini aseno. ⁶ Afo Jisasi semi, "Yigeni bemi e'acrago. Fayac bemi uman amega? Beni ayogu anda semi uwan sicgemifo. ⁷ Yigeni andada iye dukau nama i bamic, yigena ne nenec vara yiyecvana inteke yigeni amaka i ayogugu uyin kanagomi, afo seni yigenama iye banteuc. ⁸ Anasiva mini andada uwarara indenine, a'ic uwaremi, basafena sem atikenine mini anufasinkemi fugam masikim bonovani. ⁹ Fuga sirec seni yigem yiyimego, igeni avafagafic mam baya yiyimege, mana magakac, mana iniya uwarane yiyiminteno, yeni benam omare inditeno." ¹⁰ Tolfia yogam baintauc bakinge, Judas Iskarioti, mam makac dafitam dafisiruc bampa bemi, Jisasim fakarena yen yiyankim darani. ¹¹ Mam maka dafitam dafisiruc mini indireni, yeni yimoyureni seni mayauni emi moni amente yaro sireni sameno. Afo Judasi ayu'ic afakemi Jisasim fakamam yen yiyankim darani. ¹² Breti yisivac iyevam nam nuram yimi, yeni sipsipi arureni yukare neni mini nuram inditeno Kotiva Irailiuc e'acya ayoguka bakeyom. Beni yogam bintauc mani sireni bemi sameno, "Ikeni avafaka mayauc maro anufaraya i, eni agoke ugam yunam nateva?" ¹³ Benic yogam bainta kanda yiyikaremi yiyimemi, " Iyena magusim orega, mana bainta iyena kurakim nom yamandaremi yevana i onanagomi .Bena avagurogo. ¹⁴ Beya ofekananim makina yige kanda avagure umpe ega mac afom mani sirec sasamego, Tisa semi, " Igemic senti rumuc benafic, senti yogam baintau bac seyando bac yunam nekai omarec indeno Kotiva Israiliuc e'aya ayoguka bageyom?" ¹⁵ Beni yigemi yoc yivikantemi iyena ayogu rumuc yanafa bam. Mini rumuva mayauc anufasikago." ¹⁶ Afo mini yogam bainta kanda yereni anom magusim beno. Yeni oreni oneno maside anene beya sim bani, afo yekanda yunam nanayom anufeno. ¹⁷ Ayigaki imi, Jisasi beyic tolfi'ac yogam baintauc nama i yemi. ¹⁸ Yeni sagoka gumanteni yunam nami, Jisasi semi, "Fuga seni yigemi yiyimego, mayavac senama yunam nevayi semi mandam namugo yiyankimi dantem." ¹⁹ Yeni anon yigu anene mareno, maya maya bemi inda'eno, Eni senarara seva sireni bemi inda'eno?" ²⁰ Jisasi yeyic indairu yiyimidemi yemi yiyimemi, yigekinke tolfi'ac bankike, mayac breti mandemi senamac kurakim demi. ²¹ Fuga Bataga i fugintemi, Kotini afan yokim benani agatemi. Mini bainta sikuno siangeko Banta agac'ka mandan namugo yiyan kim dananim! Mini ayogugu mintemino, benano bemi iyec magenai. ²² Yeni yunam nami, Jisasi breti mandemi susu siremi kidiremi. Yemi yimidemi sem, "Manac marago. Mana sen so'ifo." ²³ Beni kapi mandemi susu siremi yemi yimemi, yeni mandeni neno. ²⁴ Jisasi yemi yiyimemi, mana senti nare'ic, mana oyan ani uwi'seuc, nareva bayec nuna amunouc yani bayeteuc. ²⁵ Fuga seni yigemi yiyimego, seni yevege iye nanteuc mana waini agam, inaimi mini nuram yinai seni nanteuc Kotini oyam Magusim." ²⁶ Yeni mana ic dareni, yeni Olivesi anufa ureno. ²⁷ Jisasi yemi yiyimemi, yige maside yami dinagomi, Kotini afam yogimi agantemi, Seni sipsipika dafitam bainta aruranami beni sipsipiuc i iyaninteno.' ²⁸ Seya fukanuna kinkeva ukugege, Senare Galili ovateuc." ²⁹ Pita benani semi, "Maside fedenic iyanintefoc, seni iyeva i." ³⁰ Jisasi bemi samemi, Fuga seni emi samego, mageve_fugavec, mage ayufune_ kantaya kokori iye badurukana semi umec dasikano nami, kanta manavaki uremi semi iyec onarugeko sinonami." ³¹ Pita erar uremi semi, " Seyac enamac fugoctege, Seni emi umac iye si'ackateuc." Beni yogam baintauc mana ugam bayani uwareno. ³² Jisasivac beyic yogam baintauc nama i mana magufa i beno, Ketsamanige seyompa, Jisasi beyic yogam baintauc yiyimemi, "magac kumantaga seni sogam mugono." ³³ Beni pita, Jemsi Joniuc yivic mandaremi yenama bemi, beni agun anene maremi anon indiri emi umani maremi, ³⁴ Jisasi yemi yiyimemi,seni sirac umani mareva i adeka i fugotego. Magac bega dafisego." ³⁵ Satoka iyaka kana oremi, Jisasi magaga yandem kundemi ogam mugemi semi, amagki ugana inteve e'anam mana uman yakaga ino. ³⁶ Beni sem, "Aba' Sentifoc, eni amaka i maside anene uwaranonami. Mana kapi sekinke mandam fasac dano. Senti siyini iyevaga avagurono, eyic ayira avagurono." ³⁷ Beni ovegem yeremi yonani yeni yondukami, afo beni Pitam samem, " saimoni'o, fayac ondugeva? Amagakac mana yabac dafisinteva? ³⁸ Dafite yogam mugega, yigeni umantim iye ofegaki. Ayo Inta ayec bami, oc eran iye dugemi." ³⁹ Beni yevegem oremi ogam mukem,beni ogam, ogami mukemi. ⁴⁰ Jisasi ovegem yeremi, beni yonami yondugami, nevarafi yen yogam umarugam dami. Yeni iye indikageno ne bayaya bemi samiteyafo. ⁴¹ Kanta manava yamugi uremi yevampa yeremi yiyimemi, " Fayac yonduge bega yaum marega? Acge! Mini yamu i yeremi. Onagoc! Bantaga i aviman manda anda uwareyom yiyankimi denoc. ⁴² Ugukago; Marayam bono. Onagoc, Mayac sem fakamam namugouc yiyankim dananiyic adekai yereno." ⁴³ Fac Jisasi asevami, Judasi,tolfia yogam bantauc kinke beni yeremi, amunouc soparo bac yadiuc faka mandareni benamac yenoc, manka dafitam dafisibac, lo indim baintau bac,anari ugeyom dafisiru bac i yeno, ⁴⁴ Maya Jisasim avimam namugouc yiyan kim danani semi, seya amonanuna baintava fakarega ayogugu urega avige bogo." ⁴⁵ Judasi yeremi, agaka ugami Jisasi adeka yeremi sem, "Tisa'o semi," bemi amonem. ⁴⁶ Jisasin naroc yiyan deni bemi fakeno. ⁴⁷ Maya migac ugukaka geni beyic soparoc mademi mam maka dafitam dafisiric yogam bainta agam akeyemi. ⁴⁸ Jisasi yemi yiyimemi, " Yigeni umoreyom bainta fakarara yega, soparo bac yadiuc mandarec sem fakarara yega? ⁴⁹ Seni yigenamac masiden yamu mam makim bec yiyimevanai, yigeni semi iye fakami. Manava uwarane, Kotini afan yogim agatam afotaki inovani uwarami." ⁵⁰ Masideva Jisasin nama bageyouc ben yere e'eni iyaneno. ⁵¹ Mana fumara iya amac efan unambado bec yokac yakoremi Jisasim avakurem bemi. Bantauc bem fakarami, ⁵² mini unam bado miniga ayuman demi yereremi baya'oc iyayemi. ⁵³ Yeni manka dafitam dafisiruc bampa i Jisasim avige beno. Manka dafite youyic yinom dafisiru bac ,anari ugeyouya bac, lo indim baintau bac i Jisasi nama manakim beno. ⁵⁴ Pita necka kana bemi Jisasim avakurem, manka dafitam dafisin amac gukusimi beni ovagemi. Polisiuc nama i igakac kumantem iga ganevami. ⁵⁵ Manka dafiteyom dafisiru bac masiden Jiuc kansolo bayayuc afakareya Jisasim amofin ureya aruman fukirani. Afo yeni mana bayava iye afakeno. ⁵⁶ Amuno umac bayayuc mare yeno ben amofin irani, afo yen yivaya manai iyemem. ⁵⁷ Mana'ac ukugeni umac baya ben amofin ureni, yeni mani seno, ⁵⁸ "Mayauc indunami beni sem, 'Seni manac mam mac ugadanteuc yiyan poge uwandukam, afo kanta manava nurami ena mam mac uwarateuc, siyam fogeka uwaratekauc." ⁵⁹ Mini bayaya yeya sem manai iye ugagemi. ⁶⁰ Manka dafitam dafisiruc bantauc kinke ukukemi Jisasim inda'eno, "Yeyic indairuc iye yiyi minteva? Ikeniga ukayac mana baintauc emi amofin eyafo?" ⁶¹ Jisasi sadagemi bagemi, yeya inda'om baya yegem iye yiyimem. Yevegeni manka dafitam dafisini bemi inda'emi sem, "Eni iyeno bevac, Eni inarumpa bam Kotin akaka beva?" ⁶² Jisasi semi, "Senupe; yigeni onanagomi banta agac Kotin ayan ugampa gumandinanic, inarukimpa gonakim anon eran nama yevana." ⁶³ Manka dafitauyic dafisin beyic unam bado dakademi sem, "Ena baintauc iyevaga beyafo beya uwaram sego? ⁶⁴ Yigeni indemino, beya Kotim siman manda u'ackam. Yigeni nec bemi uwarakantega? Maside seni, beni auc murugemi, beni fukiri mana mintemi. ⁶⁵ Maya,ac agano kuti ankareni onta uyadeni yiyan poge areni benam seni, "bayayuc sagona seno!"Polisinuc bem aviman deni areno. ⁶⁶ Pita koc magusim yinampa bami, manka dafitan dafisiruyic yogam akinta bec'vanka yeremi. ⁶⁷ Pitam Onami igac kanevami, mini akinta Pitan adeka oremi onaremi semi, "Eyandoba i Jisasi Nazareti kena bainta nama bagona. ⁶⁸ Afo Pita ume daremi,semi, "Seni bemi iye onakanavani sanami." Afo beni mac onaka orami. Kokori bademi. ⁶⁹ Mini yogam akinta Pitam yevegem onaremi, adekac ugukakageyom baintauc yiyimemi , "Mana bainta yenamac bageniyic!" ⁷⁰ Beni yevegem umeremi. Satoka kana bageni migac ugukaka geyouni Pita nani seni, Fuga ugam eyandobac mope, eyacba i Galili bainta banami." ⁷¹ Afo Pita eran uremi mani semi,inarukimpaka urino, " Seni manac bainta iyeva'ic onagego yigeya benam sane." ⁷² Kokori agaka ugami kantayaki urem bademi. Pita omaren indemi Jisasi bem sasamim baya: " Kantayaki urem kokori iye badurukana, kanta manvaki urec eni semi umerasi kanonami," Pita magakim agonoyam dem kundemi ifidem.