¹ Jisasi mam makinge yererem bevami, mayac beni yogam bainta bemi samemi, "Tisa'o, Onano ayogu oyabac ayogu mac beninec!" ² Jisasi bemi samemi, "Eni mana iyena mac onano? Mana oni agona osac iye mugukantemi, masidemi ugadarami magaka fafasintemi." ³ Jisasi Olivesi anugakai kumantami, mam mac bam avafac, Pita, Jemsi, Joni, Endru anami bemi inda eno beyac'om banka, ⁴ "Mayau sisimeno, nande mini aneneuc apamin'tenafic? Nec anene afotaki inana i mini andadauc apamin'tenafic?" ⁵ Jisasi gukademi yemi yiyimemi, Yigeya yakara ogo,yigem makac sifoc. ⁶ Amuno sen sivikim yereni mani sinteno, seni Jisasi bec'umpe sireni yigem makasinteno. ⁷ Yigeni yiru eyom bayauc bac yiru eyom sisova bayayuc i indinagomi, iyevaga fegago; mini andadauc apamitemi, afo arasa yamuc iye yevemi . ⁸ Mana'ac magusikena baintauc yec ugukegeni ena avafatena magusikena nama i aruc intemi, mana magusikena King nano yec ugukakemi ena magusikena King nama i aruc itemi. Magun intemi mana'ac magusimpa, andacro minteno. Mana kukarani, anasiva am magarara ac navisi maranic minteno. ⁹ Yigeya dafisego. Yigemi yiviman kansolo yiyakim deni, yigemi mam makim yan yiriteno. Yigeni gavanau bac kinuc yogaka i ugukayic kanteno, sen sivikim, yigeni Kotic avaya yiyiminagomi. ¹⁰ Ananta mam baya nare maside magusimpa yiyimidam mintemi. ¹¹ Yeyayigena fakareya koppa yivige marorac, yigeni iyevaga fegaki ne bayaya yigeya sinagom. Mini yamu ic, yigeya sinagom baya yimintemi; yigeya sinagonaic, Ayo Inta sintemi. ¹² Afac ava mandekem beyafac avam yiyankim danani yirumam fukiteno, yeyi foc unami yeyika fandauc yirumam fukiteno. Anitauc mano yeyinoc yifoc unam yimini, bantauc yemi yirumam fukiteno. ¹³ Amuno sen sivikim yigemi uman yiminteno . Afo iyefic arasa yamu erarure ugukene, Mini bainta Koti ofac itemi. ¹⁴ "Yigeni onanagomi manda anene ugu'kakatemi, agoni ugenim magusampa," (mana afan yova yandanono ondeva indio) "Judia banono anukimpaka iyaye uroc, ¹⁵ bantava mac naroc banani beni magapa kundem makim upe'em beyic andadauc iyevaga marac, ¹⁶ iyefi anayofac banani'yic yevegem orem beyic unam badoc iyevaga marac. ¹⁷ Siguno yimuc bakic ukeyon ininanu bac aninta akagu nam yimeyon ininanu, mini yamuc yinaniga! ¹⁸ Yugana mukevanai,mini andadauc sisova inanika iye apami. ¹⁹ Mini nurami anon umarukami apamintemi, Kotiva gukandem mana magava uvareni yamuge yem mage yevenim, iyeino, minugam umani feni iyeva i apamemi. ²⁰ Afo Iyenova mini nuram akeyamam bakaki iye ene, masiden oyo'kanteno. Kotivac banta nasiva beya ugadugenim yenaro siremi, mini nuram akeyamam bagaki mintemi. ²¹ Mayava enam senac, Onano!, manamini Iyeno beno sina!'o 'Onano, meyami beno sina!' iyevaga indeno. ²² Umac krasivac umac profetiuc yereni enac ugam andadauc i uwadeni Kotini bantanasi yivikanteno. ²³ Yigeya dafisego! Bani seni yigemi yiyimidu kanami. ²⁴ Mini iyena umaruc kaki'anami, aci ayufum nanami kantemi, igona beyic omi iye kantem, ²⁵ bayoc inarumpate fafasem kumintemi, erarugam andadauc inarukimpa beninu kasanintemi! ²⁶ Yeni Banta'kac onevami gonakim yintemi, beyic eran namac iyena onamac. ²⁷ Afo beni beyic enselouc yiyikanani beni bantanasi yivikanteno, eriyevam avafate mana magava inarum bac ukakapante. ²⁸ Fiki yasaga indim marago. Ayamakina nom banane oyan ana apamintemi, yigeya indinagomi ac i kantemi. ²⁹ Minugami, yigeya mini andadauc onevana fabaninage, yigeya indego beni yirec adekaki beno, ona adeka i bemi. ³⁰ Fuga seni yigemi yiyimego, mage begom bantanasi iye fukami mini andadauc apamintemi. ³¹ Inarum bac mana magavac oyokantemi, afo sen sivaya iyeva i oyokatemi. ³² Mayavac iye indikeno beya yinanim nuram, enseliuc inarumpa beyou bac benagabac iye indikeno, yugonama sifo beya indigemi beya yinanim yamuc. ³³ "Yigeni yakarega! Dafisego, nevarafi yigeni iye indigami nec yamuga mini andadauc faban intenafi. ³⁴ Beni mana bainta kanaki mukami, beya mac beyic yogam baintagac dafisinovam dafic ackaremi yereremi iya avafa bemi, mana mana bintauc i yogam yimemi, onaga dafisinanim bainta sasamemi ondeva dafiseno. ³⁵ Minugemifo ayogugu uregac dafisego, yigeni iye indikamifoc nec yamuka mac afoc ovegem naumpa yintenafic; ayin kaga yintenafic,ayufun abanampaka yintenafic,kokori badi nanikaka yintenafic, o banurana yintenafic. ³⁶ Beni andudinam yerena yonanaka yondugafo. ³⁷ Nevac seyac yigenam sevana, seni masideuc yani sego: Dafisego!"