¹ Jisasi baigam bayafonic yemi yiyimemi. Beni sem, "Mana bainta waini anayoc yogemi, mini anayoka kukuc ankamam yeuguremi, waini agam dasanananim masi i ufemi, mac uwandemi yunakac dafisinanim bainta ankemi, mini anayo mandegem baintauc yiyankim demi miniga dafisegovani. Minuremi beni yereremi iyac avafac bemi. ² Waini afugami, beni yogam bainta sasakarami wainiga dafitam bainta vampa oreya mana'ac waini agam kidegic mini waini anayo kinke. ³ Afo bemi fakareni, arureni sasakami iye mararani bemi. ⁴ Yevegemi yevampa ena yogam bainta sasakami bemi, orani arurec anom afadeni ayorino mu'ageno. ⁵ Beni yevegem enava i sasagami bemi. miyiva bine,bemi aruman fugeno.Yeni amuno mini asapa minuc yigeno, mana'ac yireni mana'ac yirumam fugeno. ⁶ Beni mana yogam baintavac fani bami sasakantemi, ayikara enin inta. Beni mana ugam bagenim inta yevampa sasakemi.Beni sem, 'Yeni sentikac avaya inditeno.' ⁷ " Afo wainiga dafiseyouni yeyirani seni, Mayac beyafoni andadauc maratemifo. Marayara, bemi arumam fudeyara i, beninda aneneuc yugonama sinda inanifo.' ⁸ Yeni bem fakareni, aruman fudeni, waini anayokinke bemi mandam aneno. ⁹ Minukami, nec waini anayo afoc uwafatenafic? Beni yeremi wainika dafiteyouc yiruman fudemi, mini waini anayoc mandem enouni yimitemi. ¹⁰ Yigeni mana afan yoc iyec yandekac? Mana baya mani sigem, Mac uwareyoni oni manda mugeno sireya yomanda fasac deyone, mini eran onino mac arasac ankeyomi . ¹¹ Mana i Iyeno vampatec, minugami yigen sogaka i ayogugu ugemi." ¹² Mini anaimi Jiuc yic dafisiruc baya uwareno Jisasim fakarani ,nevarafic yeni indeno mini baigam baya yenani sirukami. Afo yeni bantanasi yigani fedeni ben yere e'ecni beno. ¹³ Yeni indim baintau bac Heroti akukinge yiyikarani beno, Jisasim mana'ac bayafoge makac sirani. ¹⁴ Yini yereni, yeni mani sirec sameno, "Tisa'o, mayauni indicke yamupec eni fugasanom banami, nevarafic eni mayan agam iye feganamic. Eni fugac Koti avaya yiyimanami. Mini amanafic sisam takisi aminteyafo o iyefic?" ¹⁵ Jisasi yeyic manda indim indiremi yemi mani sirem yiyimemi," Fayac semi magasega? Mana moni mareraga onano." ¹⁶ Yeni manac jisasi vampa mare yeno. Jisasi yemi inda'eno, "Iyen orac magac benafic?" Yeni seni, sisan indaic." ¹⁷ Jisasi semi, "Sisa inda vanac Sisa ameno,afo Kotin inda vanac Kotim ameno." ¹⁸ Indim baintauc i yere inda eno, iye sena fugeyou kinke iye ugukateyafo, sevampa yego. Yeni bemi inda eni, seni, ¹⁹ "Tisa'o, Mosasi mana afani agademi mayauc simidukami, 'Bainta afac ava fuic'nam becyana ic yere akatemi, afo yeni anuc iye mageno, mini baintac ben afac ava anac madena i, anuc magac, bec yafac avan indac.' ²⁰ Seveni'ac untava bakinken; yen yivac anasi mandemi aninta iye magarani fugemi. ²¹ Mini anaimpate ogam inim mandemi am iye magarani beyandobac fugemi. Benava kanda yinaim patena oganimem. ²² Seveni ac untavac mini ininka am iye makeno. Inaimi mini inindabac fugemi. ²³ Inaim fugakeyo kinke ugukami, iye anaga beni batenafic? Seveni'ac untava mini inini mandeni yeyinagi murugageno. ²⁴ Jisasi semi, "Mana mini andava benai, yigeni anana mami, nevarafic yegeni Kotini afan yogikena bayavac beni erandabac iye indigami? ²⁵ Yeya fugeyo kinke ugukeyec, yeni bayic iye minteno, yeni enyolo kana mugateno inarumpa. ²⁶ Baintauga fuc gakinkevac ukugeyom baya, yigeni Mosesini afam yogikena iye yandega, sato ugac iga kenine, Koti Mosesim samemi semi, 'Seni Abraham, Aisak, Jekopi-ni Koti becumpe'? ²⁷ Beni fuc kauyic Kotiva benai, fac ayum beyouyic Koti bemi. Yigeni ana'nac mami." ²⁸ Lo indim bainta mayac yeremi yeya seyom baya indemi; Beni yonemi Jisasi ayogugu uremi yeyic indairuc yiyimevami. Beni Jisasimi inda emi, "Ikeni lo ic iyena ugenafic?" ²⁹ Jisasi semi, "Anari ugam loic, yege Israiliuc indeno, Koti yugonamasi Iyeno, beya Iyeno bemi. V 30 Yigeya i Iyena Kotim yindutigeva avabac ogo ,yigeyic yimamtikevac, indintinke,eni erantinkevac.' ³¹ Mini anaim patena lo i mana minic, eyam avabac ona ureva enava avaba'o.' ena lo'vac iyena iye mugemi, manac lo kanda anari ugemic." ³² Lo indim baintauc seni,"Ayoguge tisa'o! Eni fuga ugami senamic, Kotic beni maya bemi, mayabac ben anampa iye beno. ³³ Yugonama bena avaba ono ,sindun'tapateva, indin kinkebac eran fogebagac, Enoya yivaba onoc, yugonama seyam sivabac una ureyam, mini lo kandava avagureyarec, mini andai maside ofac yesagakemi." ³⁴ Jisasi onami atekam baya simi, Jisasi bemi samemi. "Eni Kotini kindomi adeka i banami." fec ireni Jisasim enayabac iye inda eno. ³⁵ Jisasi mam gugusim bemi bantanasi yiyimemi sem, "Lo indim baintauc ikenika ureya seya Iyeno Deviti aga beno seyafo ? ³⁶ Ayo inta Devitim indin amimi semi, "Iyeno senti Iyenomi mani siremi samemi," Siyan ugampa kumantanaka i enic namugouc mandan en akantim dano." ³⁷ Deviti bena usac avidemi, Iyeno'o semi,' afo ikeni urena Iyeno Devitin akac benafic?" Anon bantanasi yimosinge ben avaya indeno. ³⁸ Jisasi yiyimevapante beni mani sem, Lo indim baintauc yigara fegako, yeni iyac'ama unam bado ureni meyani eyom magusimpa niya yonareya ayogugu uyinkagovani, ³⁹ yeni ayogu kumandim yoc mam makim bac yunam yec uyi'ec neyom sagoba i dugeno ⁴⁰ Yeni kento ininanuc umac siyikareni yeyi mac umoreno, yeni iya amac yogami mugeno bantauc yonagovani. Koc yamu i mini baintauc iyena umani marateno." ⁴¹ Jisasi ofa deyom tina adeka i mam makim kumantagemi; beni bantauc yonevani moni tinakim devano. Amuna moni baintauc i anom moni i tinagim devano. ⁴² Kento inini andadava iye dukayi yeremi katam sato moni kanda demi, peni amakac. ⁴³ Jisasi beyi yogam baintauc yararemi yiyimemi, "Fuga seni yigemi yiyimego, mana inin andada iye dukayi yigem bac yesakarem anom moni i demi ofa tinagim. ⁴⁴ Yeni sato i denofoc afo mana kento inini, beya dukagenim masidem moni demi, ena monivac iye dukemi, yunam ayac urem nananim.