¹ Yeni Jerusalemi yereni, yeni Betfege bac Beteni adeka i yereno Olivesi anuga, Jisaisi beyic yogam baintauc kanda yiyikaremi, ² yekanda mani sirem yiyimemi, ena avafac bam magufa bogo. Yiyekanda mini magusim umpe'kei onanagomi mayavac iye kumandugam donkim damurugam bantemi. Utudega marec sevampa yego. ³ Enova inda'ena sena, 'Na i rarac mineka sigec?' yigeni maniva segoc, 'Iyenoc yoganidukago siregac agaka urega marec magac yego."' ⁴ Yeni oreni oneno donki onaga mapa damurukam, yeni utufamic. ⁵ Mana-a baintauc migac ugukaka'geyouni yemi inda enoc, "Yigeni nai'rara mini donkim utufega?" ⁶ Mini kanda yemi yiyimeno Jisasi yem yiyimim bayac, afo baintauc yemi e'ani marec beno." ⁷ Yekanda mini donki avige Jisasi vampa marerami, unambado donki agoyumpa uvidami, Jisasi mini naroc kumandem bemi. ⁸ Amuna bantanasi yeyic ayogu unam bado asac uwi senoc, afo maya'ac yac ayaman akefareni asac uwiseno. ⁹ Ananta boyabac ben anaimpa yeuni badeni seni, "Kotim amoyuac kago! Koti ayogugu u'ankatemi mana bainta Iyenon avikim. ¹⁰ Koti ayoguku uakatemi, yugonama sifoc Davitini Kindomi yinaninka! Kotin avikac yani ogo!" ¹¹ Jisasi Jerusalemi yeremi mam makim umpe emi maside anene onam yeugemi. Ac kupegevami beyi tolfiac yogam baintauc namai Beteni beno. ¹² Ena nurami, Betanic yererec bami, bemi aran fugemi. ¹³ Nekagec onemi fikic yani amuna anac dukami, beni oren onarani, agam intatenafic, beni mini fikic yac adeka yeremi onami agami iye intagemi anac mana bagemi, bec agam irevam yamuga bagena. ¹⁴ Jisasi mini yac'yani semi, " "Mayavac en agami ena yabac iye nateno," Beni yogam baintauc indeno. ¹⁵ Yeni Jerusalemi yereni, Jisasi mam makim upe'emi andadauc meyani eya ayac eyouc yic'gondani mapac kumeno. moniga kodeya yimam sagogubac i baigemi, nunuc meyani eya kumandeyomyoc baikemi. ¹⁶ Beni yemi agoni uyigemi mana anene mam makim meyani akeyom marec mapa iye gumogovani sem. ¹⁷ Beni yemi yiyimidemi sem, "Iye agadukaga, 'Seti mac i maside yerec yogam mugam mac'ino'? Afo yigeni mande i umom baintauyic ayofeyom macgi mami no." ¹⁸ Manka dafitam dafisiruc nama lo indim baintauc jisasi sim baya indireni, yeni ayugani afakeno ben aruman fukirani. Yeni ben agani fegeno, nevarafic bantanasi yindui reno bec yiyimim bayay foni. ¹⁹ Ayigaki imi anom magu yerereni beno. ²⁰ Banuranka yeni beni oneno mini fikic yac anuc kinke ayam kakam. ²¹ Pita omare indire semi, "Tisa'o, onano! Fikic yac'yac bago siakanavec ayami gakemi." ²² Jisasi yemi yiyimemi, Kotikim billipi ogo. ²³ Fuga seni yigemi yiyimego, iyefic mana anuvara sena, ugukeva karusa eva yena nokim gumono', afo mini baintava kantan indim iye dukene,beya bilipi ene nefic beya sirac'nanine apamiri mana intemi, mini Koti ayinic uwarantemic. ²⁴ Minuga i seni yigemi yiyimego: Maside anene ogam mukintikeva inda'evec, bilipi emic, eni marac nonami, Afo eninda mintemi. ²⁵ Eya ukukageva ogam mugevateve, mayavac manda ada uwaraka'rukana beni manda andavac ugi anka, Minuranami Enafo inarumpa bayic eni manda anda ugic akantemi." ^{26 27} Yeni ovege Jerusalemi yeno.Jisasi mam makim urevami, mam makac dafitam dafisiru bac, lo indim baintauc nama dafisiruc bec vampa yereni. ²⁸ Bemi inda eno, "Iyec mini eran amidukaya i miniuc uwarevac?" ²⁹ Jisasi yemi yiyimemi,"Seni mana inda'ini yigemi inda ontego. Sem sisimiga afo seni yigemi yiyimeno, iye mini eran simiga seni mana andadauc uwarekafuc. ³⁰ Joniva nom mayic kenim, mini inarumpatefi banta kinke yinafic? Sem sisimego. ³¹ Yeyirani bayayuc seni mani senoc,"Yugonamaga sec, 'Inarum patevec senanec, beni mani sitem, 'Nagac igai benkim iye indekac?' ³² Afo yugonama sekac, 'Bantauc kinkevec,' Yeni bantauc yigani fegeno, Maside bantanasi indi egeni Joni beni Profetino sinteno. ³³ Yeni Jisasini indaini yevege sameni seni, "Mayauni iye indige yamupe." Afo Jisasi yemi yevegem yiyimemi, Seyan dobac iye yiyimentego, Iyeni erantaka mana andadauc uwarekafuc."