¹ Jisasi mini magu yere e'emi Judia magu avafa i bemi Jodani nom ovenimpa , bantanasi ovegeni bevampa yenoc. Beni yevegem Koti avaya yiyimemi, fec beni yiyimevaga i bami beni minemi. ² Indim baintauc bec vampa yereni, ben makac sirani bemi inda'enoc, "Yugonamasi lo eyotigenafic banta beyanac sasakananim?" ³ Jisasi yiyimem, "Mosesi nevec sirena yigemi yiyimenafic?" ⁴ Yeni seni, "Mosesi eyo semi mini banta afan yoc uwandemi mini inim amidem sasakanami bintemi." ⁵ "Yigeni baya aram bantanasi bami Mosesi mana lo agademi yimemi," Jisasi mani sirem yemi yiyimem. ⁶ "Kugarantapac Koti masiden anene mana magaka uwademi, 'Koti bantavac anasivac i uwaremi,' ⁷ Mini andaka i banta beyanom bac beyafom yere ec'emi beyanac nama managim bantemi, ⁸ mini kanda mana buc mineno, Yekanda mana mana iye benoc yekanda mana buc mugeno. ⁹ Minukami Kotivac kantam mandem manakini urukana, e'acnam banta iye dackaga." ¹⁰ Yeni naukim bami, beni yogam baintauc i yevegeni bemi minivam inda enoc. ¹¹ Jisasi yemi yiyimemi,"Iyefic beyanac sasakarena ena iniya marene manda anda mini inicka uwarantemi. ¹² Afo mini iniya beyavafum sasakarena ena baintava marene, mini inic'ni manda anda uwarantemi." ¹³ Minugami yeni sato intakaguc yivige bevampa marerana beni yemi yiyoka inovanic, Jisasini yogam baintauc yemi yisenoc. ¹⁴ Afo Jiasasi mini indiremi, bemi arankami yemi yiyimemi,"E'acya sato intakakuc sevampa yegoc, yigeni yemi iye dadago,Kotini kindomi minukau yindava i bemino. ¹⁵ Seni fugac sirec i yigemi yiyimego, iyefic sato intakana Kotini kindomi iye marene, inarum magusim iyec uritemi." ¹⁶ Minuremi anagaguc ben ayakim yiviman demi ayogu baya yimemi ben ayam yen yinokac demi. ¹⁷ Beni kugandem bevami, mana baintac iyayem bevampa yeremi ben akatim agonoyam duremi inda'emi,"Ayoguke tisa'o, ikeniga urec iye kipam saum marano?" ¹⁸ Jisasi semi, Nevarac semi sividec ayoguke seva? Mayavac ayogu iye bemi Koti bey'omi ayogu bemi. ¹⁹ Koti avayauc yikeni indikami: 'Ena iyevaka arumam fugoc,ena bainta anac iyevaga manda anda uwaranka, iyevaka umorogoc, ena umac siankarec beninda anene iyevaga marac, eyafom bac eyanonuc yivayava indec." ²⁰ Mana bainta semi, Tisa'o, mini bayayuc anintakage avagure yeva'uc." ²¹ Jisasi ben onaremi bemi avabac memi. Jisasi mani sirem samemi, "Eni mana anenekimi afakanami. Maside anene eya dukanave meyani urevac mandeva andada iye dukauc yimec, minurevac inarumpa andadauc duka.Afo yenoc, sem sivagurono." ²² Mini baya sirami manda indin mandemi agun anene mademi beni yereremi bemi, nevarafic beni amuna adadauc i dukemi. ²³ Jisasi yonamam maroremi benic yogam baintauc yiyimemi, "Amuna andadauc dukanayom baintauc Kotini kindomigim iye uritenoc!" ²⁴ Jisasini yogam baintauc mini bayaka anon indiri meno. Afo Jisasi yevegemi yemi yiyimemi."Anugoc, Kotini Kindomigim uriteve anuc yodec urinonami! ²⁵ Amaka i kemoric andada adukeyom ubac andutim uritemifo, anon andadauc dukauni Kotini Kindomi iye uritenoc." ²⁶ Yeni anon indiri ureni yeyirani senoc, "Iyec iyekipam aum maratenafic?" ²⁷ Jisasi yem yonemi yiyimemi, "Bantaukac amakak iyeic, afo Kotika iyec.Masiden anenec Kotinka amakaki mugemi." ²⁸ Pita gugandemi Jisasimi samemi, "Onanoc, mayauni masiden anene yerere yami emi avagureyamu." ²⁹ Jisasi sem,"Fugac seni yigemi yiyimegoc, bantauga yeyimakafic, yeyifac yiva unanafic, yiyofific, yino yifo unanafic, anakagukafic, magafic, sen sivikim bac mam bayagakafic iyevac yerere veyec. ³⁰ Yeni 100 vac yesakakam ayac iye maratenoc, yeya mana yamuga beyokac: mackafic, afa avafic, en ayofific, enano unanafic, anakagu bac magavanda bac,yirumam fugeyec, inaim yinanim yamuc, iye kimpam yaumi maranagomi. ³¹ Afo amunova anari inayouyec yeni inaini minteno,iyefic inaini inani beni anaric mintemi." ³² Yeni asac yereni Jerusalemi uramic, Jisasi anaric mugemi bemi. Jisasini yogam baintauc yindu i renoc, ben anaina avagure bouyec yeni fegenoc. Jisasi beyic tolfiac yogam baintauc yiviman avafa demi yevegem yiyimemi nec'nene adeka benka apamintenafic. ³³ "Onago,yugonamac Jerusalemi i ureyamu, bantaga i aviman mam makac dafitam dafisiruc bac lo indim baintauc yiyakim danagomi. Yeni umac sireni amofic ureni aruman fudeni afo mapac beyon bantanasi yimiteno. ³⁴ Yeni manda baya sakateno, yiganoc kuti acgeni,yan arureni, afo arumam fugitenoc. Kanta manavac nuram anaimpai yevegem ugukatemi." ³⁵ Jemsiva Joninuc, Yebedi agakanda, Jisasi vampa yereni bemi samenoc,"Tisa'o, mayauya nec'nenevara ena inda onuna eyac uwarano."( ³⁶ Jisasi yekanda yiyimemi,"Nec seni yigekanda uwanyikano'varaka ³⁷ Yeganda seni, bende karavam eyo siranaka i enamac eni magusim kumandonoc, mayac ayan ukampa kuman dinanai enoc ayan opa kumandi." ³⁸ Jisasi yevegemi yemi yiyimemi, "Yigekanda iye indikano, nevarac yikekandavac inda'ane. Yigekanda amagakac seya nanuna kapi kingena nom natekac o seya nom maranuna nom marategac?" ³⁹ Yeni Jisasim samenoc, "Bendeka amaka'ino," Jisasi yemi yiyimemi, Kapi kinkeva seya nanunavec, yigeni amaka i nanagomi, afo nona seya maranuna amaka yigeni nom maranagomic. ⁴⁰ Afo iyefic sen siyan agumpakafic siyam opa kuman dinanive, sentindava baga yimentekauc, mini iyeuya antekanyou yinda anufagemi." ⁴¹ Ena teni'ac Jisasini yogam baintauc mini indireni, yeni yiran anene manyigeno Jemsivac Joninuc. ⁴² Jisasi beyac uemi yararemi yiyimemi, yigeni indikamino, bantauc i dafisim baintauc kana ureni enafatena bainta iniya dafisenoc,yeni eran ugameno enouc dafisirani. ⁴³ Afo mini anda yigim iye bemi. Iyefic yigec kinke iyeno irara indevayive beya i yogam baintaka i, ⁴⁴ iyefic yigec kinke anari irara indevayive beya i yogam baintauyic yogam baintava bac. ⁴⁵ Banta'gac mana magakac yine bantauc ben ofac ogovara yena'i, yen yiyayirani yemi, ben aum yimidena amuna bantanasic yiyac yirani yemi." ⁴⁶ Yeni Jeriko yereni. Jisasi beyic yogam baintauc bac amuna bantanasi nama Jeriko yerec yinkaremi, Temeusin agac, Batimeusi, andadauc inatevam bainta ogan afagam ac yavafa i kumatemi. ⁴⁷ Beni indemi Jisasi Nasaretikec, beni gukandemi bademi semi, "Jisasi'o, Devitic agagec, agun anene mantikanoc!" ⁴⁸ Amunoc aseno ogan afagam bainta, bemi sameno sadake banovani, iyenaga i baduremi sem, Deviti agagoc, agun anene mantikanoc!". ⁴⁹ Jisasi o'ugukemi, bena samina yinoc semi. Yeni ogam afakam bainta ararene sameno, "Erar ugeva ugukanoc! Beni emi arenoc!" ⁵⁰ Beyi iyac amac umam bado fasac anuremi, ugukem Jisasi vampa yemi. ⁵¹ Jisasi bemi mani siremi inda'em,"Nec seni emi uwaraka'novara indevec?" Ogam afagam banta semi, "Tisa'o onarare." ⁵² Afo Jisasi bemi samem, "Bono. Eni bilipi emi ofa emi." Ese ic beni yevegem onemi, afo beni asa i Jisasim avagurem bemi.