¹ Sabati nuram yakaimi, Maria Makdalini Magusabate vac,Maria Jemsin anovac, Salome basafem ayogu unda evam ayac ureni Jisasin oc a'ackarani yeno. ² Anam nuram, banurampa, Yeni masipa beno ac urevami. ³ Yeyirani mani sire seno, "Iyec masika uyakam ocni avekamam yugonamac sikanteyafo?" ⁴ Miga yereni yeni yogam ma'egec deno, yeni oneno oc avekamam dukam, mini ocni iyena ugami bami. ⁵ Yeni masigim umpe eni oneno mana fumara iya amac efam unam bado uremi, yiyan ugampa kumantem bani, yeni yindu i reno. ⁶ Beni yem yiyimemi, " Iyevaga yindu dogo. Yigeni Nasareti kena Jisasinara afakega, arumam keka yasac iyenec. Beni ac i ukukemi! Beni magac iye beno. Onago beya fu iyac deyonka. ⁷ Afo bega beni yogam baintau bac Pitam bac yiyimego, Benare Galili bemi. Mifa i bemi onanagono, feya beya yigena yiyimenim." ⁸ Yeni masikinke mapa kudeni iyaye beno; yen yira ukukami yen yoic dundumemi. Yeni mana bayava iye seno nevarafi yeni anon fekantimi bakeno. ⁹ Anom banurampa anam nuram, Jisasi ukukemi Maria Makdalini magusinke benka nare afotaki emi, benkike seveni ac manda spiriti yomandan fayadayic. v 10 Beni oremi ben namac bauni yiyimemi, Yeni yigu anene madeni ifidami. ¹¹ Maria yemi yiyimem, Jisasi fani ayubac i seni bemi onego, afo yeni ben avaya iye blipi eno. ¹² Mini andada animi kantano Jisasini yogam bainta kanda yeyic magufac bami, afo Jisasi ena bainta ayu emi mini kanda banka yemi. ¹³ Yeni yevege oreni mana ac yogam baintauc yiyimeno, afo yen yivaya iye bilipi eno. ¹⁴ Inaimi Jisasini ileveni'ac yogam baintauc banka beni mare afotaki emi sagoka kumante yuna nami, beni yemi yisemi bilipi iye eya, yen yeyirac erarugam,nevarafic yeni iye bilipi eno indeno yeya Jisasim onana yevegem ukukam, fukintige. ¹⁵ Jisasi yemi yiyimemi, "Maside magafac bega, maside baintanasi Koti avaya yiyimego. ¹⁶ Iyefi indirena bilipi urena nom marene, beni iye oyokantemi, iyevafi bilipi iye ene Kotini kokimi oyokatemi. ¹⁷ Iyefi bilipi inanive benkimi yiyayinanim erani bintemi: Sen sivikimi manda spiritiuc yomandam fasac danteno. Yeni oyam bayayu i sinteno. ¹⁸ Yeni yiyan foge i memauc fakateno, yeya fugeyon nom neyec, mini andada yemi manda iye muyikantem. yeya yic'eyouga yiyan deyec, yeni yofa ini marateno." ¹⁹ Mini anaimpa i Iyeno Jisasi mini bayayuc yiyimi demi, Koti bemi avigem inarumpaudami, beni Kotin ayan ugampa kumandemi. ²⁰ Beni yogam baintauc maside avafac beni ben avaya yiyimeno, Iyeno yenamai yogemi yogemi, afo beni andada uwaremi, beni eran bayaga i ampamem.