¹ Mam makai yinoniukeyou nama, mam makimi afani akare younama Jerusaremike Jisasi bapai udeni, yeni sen. ² Nebara eni yokar intau baya iye indeyafo, fedafisiru sire-yom bayaye? Yeni yiyam nonode iyen neno." ³ Beni siyimem semi, nebara feyan andaba indieka Gotini Siyangan ayum baya iye indekafono? ⁴ Goti semi, eyafom eyanom abayaya indeno, ena eyafom eyanom abaya iye indema ase umaramebe fukinonami. ⁵ Ena sema, 'Iye nebe sintefe, eya fonara eyanonara, eni ne ofaira marante Gotim pate," ⁶ Mini baintama, iye beyafom abaya iyen indene, mini asapate Gotin abaya enkim iyem bemi, mayao feyan andabaruidukeno. ⁷ Indini dukeko seba! Isaiya feyukami enani manin sirambemi, ⁸ Mini inibainta yibantake, indeko seno, yen yindun nenka ku kami bemi. ⁹ Yeyani yanieni, senka mam iyen seno, nebarafino, bantai ayini siyimeyom bani abakureyo." ¹⁰ Jisasi yaraekem, be yadeke demi seim,"indire, indikukanono-- ¹¹ Neonafoya, en ofairienai, dumiseona foni bantai fairi anami." ¹² Inaem Jisasini yokarinta Jisasim same seni, Indefono, mam maka anarieyo mini bayayani yirami marenone? ¹³ Jisasi siyimemi semi,Inarumpate sentifo ne yunana iye yodananim, daramani anintemi. ¹⁴ Eyirano, yokam fotikam dafisiru mofo, akona okam fotikam abikemi bene makantanda masi pimi indainteno." ¹⁵ Pita mini bayasa Jisasimi indaemi, mini baekam baya baekana mauya indeno." ¹⁶ Jisasi semi eyandaka fa ananauke beba? ¹⁷ Iyeoneba neonabe, arapim gudemi yankagemi arafae bemino? ¹⁸ Ne gumbeke anduntinke urenafi, miyifoni bantai fairiemi. ¹⁹ Nebarafino, anduntinke, manda indim bayani yemino, mane banta yirin anda, ena ana abafum umoreona anda fumara aginta umoreona anda enai andadan umoreyom anda, ena umai seankeonaba, ena are aseon andabe. ²⁰ Mini andauponi, bantai anduni fairi emi. Yiyami nonodeni yunami neyom poya, yinduni fairienai. ²¹ Mikake Jisasi yere yinkemi, Tai nama sidoni maguasapasi bemi. ²² Mika oraimi, mikai Kenanaiti inini afotaki emi. Baduremi semi, "aboguki usikano, Iyeno, daviti akago? Sentiramun kimi mana a bami bako." ²³ Jisasi yebekem mana bayaya iyen siankem, beni yokarintau yeni Jisasimi abankeni, seni, "Sankanam bino, mauya sinaemi badom yebafo." ²⁴ Jisasi samemi semim seni yekuna andabe, Isararigui oyokeyo komi semi yeumpe." ²⁵ Kabandarem yeremi Jisasi okampa akonoyam demi, semi, Iyeno, semi sofaono." ²⁶ Jisasi samemi semi, iyen antekantemi, anuyi yonam mandeke iyan akaku iye aminonami. ²⁷ Mini inini semi, fukabe, Iyeno, minukemfo, kapa iyanuke yeyifoni nan ara pafasine, kapa iyami nembemino." ²⁸ Afo Jisasi samemi semi, anasio, yinkduni munkeyon anda kimi erarukanamino, indeonamitemino." Mikai benaramu ai kakipemi. ²⁹ Mikake yererem Garari no adepa bemi, oremi ayafai unkumandemi. Amuno ukami bebapa yeno. Yibikeni yikan ³⁰ ukarakami, okamputinkami, a iye seyounama, yikanyin ukukana, ena ena yika duke yo namai yeno. Jisasin akantimi dami, beni yofaemi. ³¹ Amuno ukami yindudurem onani a iye sauni, aseno, ukukeyoni antekeno, akan koekai antekemi, okam fotika onemi Isararuyi Gotin abi yanieno. ³² Jisasi beyi yokarintau, yarama manaka demi, semi, ano sigu nani manyinkeko, nebarafino, kamore nurani ureni senama beni, nani iye neyo. Fa iye siyikarare , nani iye nama dukako,asapa yom banim banim ina yandina yonare. ³³ Jisasini yokarintau, Jisasinani seni, inkepate mini nani mandanaya banta anasi nani aman kaki inteyafono, bantaba iyebapai boko? ³⁴ Jisasi beyi yokar intaukan semi nade breti dukeka, yeni seni, mana yama afatake, kantan omandem kamore kauyanama ino." ³⁵ Afo Jisasi siyimemi semi kumandeko makagake. ³⁶ Beni mana yamare, afatake kantar omandem, bretiba kamore kauya Nama, mandemi susuirem, breti kidikidi uremi yokar intaui, yimini, yokar intau mandeni anasi banta yimeno. ³⁷ Banta anasi, amanka narigukami eno. Neyom yunan arayui mana yama afatake, kantan omande unami badeno. ³⁸ Mini nana neyoni, eriyeba tauseni baintaumoni, ananasi iyen yandeno. ³⁹ Minuremi, Jisasi banta anasi siyinkaremi, boutikim indauemi, ena makusapa Magadani bemi.