¹ Afo mini yamui, Herocti beni yikocyuni ukanim bemi Jisasi abayani seyomi indemi. ² Beyi yockam baintau can siyimemi semi," Mana bainta Jon Bataisi ino, bamasikinke ukukakemino. Mini erani benkim yokemino." ³ Afo Herocti Yonimi fakaremi, damuremi demi, Herodias, beni Philipi ana ci bammi afo Philipi beni Herodin afa ci. ⁴ Yoni benani semi, "mini amangkaki iye mintemino Koctin semi acao ukami sikemino." ⁵ Yonimi Herocti aruman fukirani indemifo, beni banta anasiu yikani fekarayemi, yeni bemi onaekemi Koctini yokam bainta bami. ⁶ Afo Herocti magayom nuram yeraonimi. Herocdiasin aramummi yemam akoni make moni. Minim Herocti ano amusim anenne maremoni. ⁷ Mini akinta indainanim anene amiric mana onteumpe, minisiremi ayan asikai demi. ⁸ Mini akinta ano beyaramumi aman aman amidanimi beni semi, "Jon Baptisi acnom mana kavekim akeyare kaci mare simeko," siremi semi. ⁹ Mini akinta mini indaini indaurami, afo beni mini umani marenimi, beni banta ye ukukam ayam asikai demi sirukakemi semi, sena anasi banta yukanka sekuna bayani iye e anteumpe. ¹⁰ Joni karabusikim bami sondiau oreni ben acnomi akeyenoyo. ¹¹ Acnom akeyareni kavekim kufedeni mini akinta ameyomi beni maremi beyanomi maro amemoni. ¹² Yoninic yokarintau yeraeni Joni arumandam bami yemande masifareni Jisasimi maro samenoyo. ¹³ Afo yisami mini baya sameyomi indiremi yere e-emi botikimi anavafac makusapaci bemoni, sitikimi bayouni mini baya indireni makaka avakureni bebanipai benoyo. ¹⁴ Jisasi yeremi yonanimi ansi banta ye bakunta yomi anon akun anecne mandemi yevayouni yofaemi. ¹⁵ Ayinkakic onimi yokar intauc yeraeni sameno, "Mana baintauc yuna ana iyevampa ic bami ayufumi kevano, anasi banta siyinkana makusinka be yunanu afakare nago." ¹⁶ Jisasi semi, "Yeni amanka iye bintenone, yikeni yunanuc afakare yimi nago." ¹⁷ Mare bemi sameno, "Mayauni mana yacman breti namac kantan kauya namac manan dunkeumpe" sireni samenoyo. ¹⁸ Jisasi semi, "mare sentimeko." ¹⁹ Jisasi anasi banta bani senini kumandenoyo. Afo mini mana yacmam breti namac kantan kauya namac mandemi, inarumpa onemi inantiremi kidikidi uremi beyi yokam baintauc yimini anasi banta yimenoyo. ²⁰ Mini yunam nayomi yimui kuremoni, yere e ayon arayui siyankan sikantapate kantan kumandemi basketi utinkemoni. ²¹ Mana yacman tauseni bainta moyo, anasi ama iyen yandeno. ²² Beyi yokar intauc kani semi yikenare boti yemare meyan ofa bevakai seni anasi banta siyinkanayac boko. ²³ Anasi banta siyinkaranini boyomi beyaomi inan tirani anufai uremoni. Ayinkaki onimi beya omi mini anuc faci bemoni. ²⁴ Yokar intauc non acbanapa oraoyomi anon sisova yemi nom karando emi, mini boti mandem baye nayem emi aroriri emi. ²⁵ Tri kiloki banurami mini anufante kundaemi non naropac ye bampaci yemi. ²⁶ Yokarintauc onayomi non naropa Jisasi yevanini anom fekarieni seni , " Ino bamino," sireni anon fekaric eno. ²⁷ Jisasi ayindemi semi, "Senumpo iye fekako erarure kac bako." ²⁸ Pita indaemi semi, "Iyeno, ena bainta ve sina seni evanafac non amukac bono." ²⁹ Jisasi semi, "Yeno." Sentimi indiremi non amuga Jisasi benimpac bemi. ³⁰ Afo Pita sisovani onami acikami nonkimi kumpekemi semi, "Iyeno sofa ono." ³¹ Jisasi ayan akucdemi Pitami fakemi semi, "Andum munkir anda kipan dukanami, Pita. Nevara kar indiri eva." ³² Jisasi nuc Pitinuc botikim undaoyomi eran sisowani kakipemi. ³³ Yokar intauc boti kinke yikon noyandeni Jisasi nani seni, "Fuka fuka ukami kotin agagukami banam mino." ³⁴ Minureni nonkim kacdeni Yeneseret makusapac orenoyo. ³⁵ Mini makusim oraini Jisasimi onaic ureni bayani sirami oric yeric eno, mini amam pactenou Jisasi banimpac yic eva bayom baintauc yo yibikeni yeno. ³⁶ Yeni bem indaureni benic badoyam aneyokairani indaenoyo, benic badoyam aneyokaoyouni yen yici eseci kipemi.