¹ Farasiuc nama Sadusiuc bempai yereni amam makani reni indaeni, yotiviga andanda ayontakena. ² Afo beni yenani semi, " ayinkagac iya eni semi amanka ayoku kugagani inaru koraniemino. ³ Banuranic iyami semi aci rintemi, nevaraino inarumi koranicemi, ayoni yenkem dacdemi, inarunkimpa onaremi semi ne kugakarafi, afo manna andanda ayonta yenkeina eye sinonami. ⁴ Manda uwareyon iniya baintauc mage mana yamu ic andanda ampamina onarani indeno . Afo mana andandai iye intemi. Jonaninda manam bantemi, mini siremi Jisasi yere yingaremi bemi. ⁵ Yokam baintauc yivimikareni yuanam yeveke mararani beno . ⁶ Jisasi yenani semi, "mive, ikeyogaga davisego, mam makinkena davisiruyi yisti agarai fegago." ⁷ Yokam baintauc yeyani simar indireni seni, ikeunama yunami eye marerukauna misi. ⁸ Jisasi indirem semi, "nevaragai sekafono, igenafuni umarugani amuna bayau sebami. Sito indiru kamino. ⁹ Ikeyi inditim iyen dukami, sena manayamam yunam ma manayamam tauseni iniyabaintau yimekuna, nade unana fa banafi. ¹⁰ Akac manayamar afapate karomandem yunam anda ma eriyevam tausanibaintauc yimuna. Afo nade unanai fa mareyekafe. ¹¹ Ingenic ure eye indeva seni yisti vara segaguna. Eyeyogaga i daviseno, manka dafiseyom baintauc yic yisti vani seunkumpe. ¹² Aci indireni seni yunanara sino, fegano mam dafisiru yic bayayani semisi. ¹³ Jisasi Sasarea ,Pilipi magufa yeremi, beyi yogam baintauc indaemi, semi, "neve seyafono banta agagare." ¹⁴ Yeni seni, Mana a seni Jon Batasi ino; mana a seni, Elijai; ena seni, Jeremaiyai, akac maya a seni profetimo." ¹⁵ Beni yenani semi, senani iyene segafono. ¹⁶ Saimon Pita sasamemi semi, "Eni fabam Gotin agac i banamino." ¹⁷ Jisasi yebegemi Saimon Jonan sasamemi, "Ayogu, Saimoni Jonan agac, fuga sigam bayani sanami , banta ginkevai. Inarumpate setifon samiya senami. ¹⁸ Mini muganai emi sameko Pita, eni onabami banai enkai sesimai uwaranteu. Fugir ona iyevaci emi iyen dadantemi. ¹⁹ Seni inarun ona kakena ki amente. Ne mana magagac ec antefe inarumpa bai ec anteu." ²⁰ Jisasi beyi yogam baintauc siyimem. Yofaim bainta bemino sirec iyevagaci siyimeko. ²¹ Mini yamuke Jisasi kukandem beyi yogam baintauc siyimemi Jerusalemi ic bontego, dafisim baintauc kinke amuna umaru ci marantem, fukintem. Aka yevekemi ukukantemi kanda manaba nuranka. ²² Peter avic mar avafac demi semi. "Mini aneneuc adeka iyem bantemi. Iyeno; mini aneneuc iyen ampamintemi enkac." ²³ Afo Jisasi yobae ekem Peter nani semi, "Sic naempac yankano Bananom! Eni semi asac uyatinkanami. Gotini andadakac iye dafisanami," Afo bantauyi andanda kaci dafisanami." ²⁴ Jisasi beyi yokam bantauc siyimemi semi," Iye ic sen sivakurintefe, beyar avin karena ic, beyi kekac yaya ic mandaren sibakuri. ²⁵ Iye ic beyar ofa irarai intenafi, maro anana intemi. Iye ic senti siyir avakurintenafi, inayemi yebaekemi aum marantemi. ²⁶ Ne marantefe ena amuna anene dukage fugeve? Beyaum mararani negaintenafi? ²⁷ Banta akaci beyic enjorouc nama ic beyafoni kakantimi kumintemi. Afo beni umadem bayintau yic aya ic yimitemi, yeni ne uwareyafo. ²⁸ Fugan sire emi sameko, Iye make manaka ukukakefe, banta akaci one vanami beyic umaden eran nama ic kumitemi.