Lakani 8

1 Izesu nene agokaloti lemeko noago, ve vena vauvaliki amegetamo. 2 Laokago, halame gizalenei ve mako aisi neito oko alapusa hizeake la-alimo, "Guiva haniteve, geito nahuluve, neni nogokalavo zeko nelemo lamana itanikumu gele nouve." 3 Izesu nene amina vemini agizani aleote ake alemoneike la-alimo, "Keisi lanito lolo inoguve, iti asa nene lamana ozo." Lita oko halame gizalimo nene asu omikago lamana gilimo. 4 Izesu la-aloko loamimo, "Geisi nene aveto-oko gevena lokememo. Gezaka gugupe aleko Pris neito vo-oko ofa nene amezo amina Moses liomalo, amina testimoni keitoka vitize." 5 Laokago Izesu nene Capernaum apaku vo anitimo, kimisilo ale ve tini napa inia limo oake loka otamo, 6 La-alimo, "Guivahaniteve, neni hoza ve mako nene agisa gizani helekako agavukumu nene numuku akonoive." 7 Izesu nene la-aloko loamimo, "Neisi okinake avisi neta alemo zoka tomoneve." 8 Amina kimisilo ale vetini tini napa iniamo limo gohaku la-aloko loamimo, "Guivahanive, neisi vegena lamanala noamuve, nene munene neni numuku ite mitane, gakoko lokako neni hoza ve nene lamana gilitive. 9 Ito nana igove, neisi nene kimisililo ale ve tini napa ama nouve, kimisilo ale ve nene neni nigisa amuna uka niave. Kimisililo ale ve mako vozo lumo nene, mota nene novive, ito mako nene ano lumo nene noave, laouke hoza vene hoza amumo nene mota hoza nalive." 10 Laokago Izesu amina gako gilimo, lamana napalo geleake ve vena amegetiki va gevena la-aloko lokimimo, "Gako gihila-a lolikimitove, neisi nene gevena anigumo nene miniki gilizageaka-ave Israel-iga niamave. 11 Neza lolikimitove, ve vena vauvaliki nene ho iti tokati ito ho limi tokati anigave, la-iki Abraham, Aisak, Jekob uge lekesa iki mito minanigave Okuluma apatoka. 12 Laokago Okuluma apatoka mini izegipala nene ahuli lumugusi napa zeneiku milanigave, laiki iveniki kegepaloki akohinigave." 13 Izesu nene la-aloko kimisilo ale ve tini napa inia loamimo, "Keza vozo! Nanetakumu gelezagepe, nene geito uto inogoive." Laokago neta gizali hoza vema nene amina gamena malo gizali neta asu otamo. 14 Laokago Izesu nene oko Pita-ni numuku itimo, Pita-ni venalamini izolaho nene neta avisekako, agupeloti lo lokako ako noigo anikamo. 15 Izesu nene agizato alekago avisi neta asu otamo. Oteake voko nosaneta Izesuni alevati otamo. 16 Unaka noligo, gevena lite ve vena vauvaliki sikalahu golesa gizalina mo kilimiki izesu noito amo. Gako tunu loko muki sikalahu golesa alahulokimiake neta gizale gevena kelemo zokamo. 17 Nene gapo loti Profet Asaia loaka lomalo lelehioko utoive loake la-alimo, "Ezala-a miluma gelemoki vigelemoki ale ai oake neta kivisimoki alenupa oko mukito alahuloketamo." 18 Laokago Izesu anigamo ve vena vauvaliki alimi vigiake minamo, laokago amina apa nene ahuloake apa makotoka age nagami Galili helegaloka vimo. 19 Lo kili ve mako oake la-alimo, "Tisa, neza kei gimeketoko hila-auka vitape vinogouve." 20 Izesu nene la-aloko loamimo, "Hela gala nene numu ini gale neve, ito Okulumato nama nene numu ini akatamo neve, laimoza ve mini gipala nene matuna moloko akati numuna nomive." 21 Izegipala zuha makolimo oteake la-a limo, "Guivahanineve, neza ahulonimikiko voko amenehini galezekinake alika atove." 22 Laokago Izesu la-aloko loamimo, "Neni nemegetozo, helenei vemo helenei ve galezetatize." 23 Laokago Izesu nene nagami lapegu (Boat) itekago aminalo izegipala zuha amegetiki nagami lapegu itemo. 24 Litaokosi hepegi golinigi noake age nagami veleko oko nagami lape zehetotamo. Izesu aminau avo ako heleneigo. 25 Laokago izegipala zuhate i-ake alimi otiake la-alamo, "Guvahaniteve, lelemo lamana ozo, leza itiasa helesa noize!" 26 Izesu la-aloko lokimimo, "Nanamu lekehelele novizive, geleseketi oak tinia komaisi neve?" Laoake hepeki age nagami zou litaive loake gako limo. Laokago muki neta voko lamana oasuimo. 27 Laokago vegusema nene kogoliza viziake la-alamo, "Imane hatolimini ve minokave, hepe magi age nagami magi ai gakoma gilikasive?" 28 Izesu Gadarins apa makola-a loka vo anite ake, keza ve losi sigalahu golesa nemo eza noito asimo. Matimatigu leme heto ikasike hokoliza iki gako golesa liki minasimo, vegena mako keisi niasi kapoloka aminigi ave likasike liki minasimo. 29 Laokago lo-osilo otiki sele la-aliki lasimo, "Leisi gei naneta ogetusive, Omasimini gipala ve? Keisi leli lelemo golesa inogo ape, leli gamena velesa onamiku?" 30 Amina niatoka, hoto nomi, iza vauvaliki te nosaneta niki minamo. 31 Keza sigalahu golesate Izesuni liame ame ake la-aliki lamo, "Keza limisele heto nokoma, limisele imane izatini ozo." 32 Izesu la-alimo, "Iki vilo!" Sikalahu golesa neneve lo-osiuti agokau limiake itiki nagami ohunigu-hiligesa amo. 33 Laokago iza gizapa iaka-a ve olouliki golisi apa napaloka iake utoi neta nene louto amo, amina ve lo-osi sikalahu golesa aliminasi ve mamuki liuto asimo. 34 Laokago apa napa logati ve vena mukilite Izesuni anigitani vamo. Nene anigitamo, la iake leli apa nene ahuloko vozo liki liamemo.