¹ Vegenatini mogona agizaka hizemilo, Omasimo geza mogonaka agizaka hizemine goize. ² Vegenatini mogona agizaka nohizeniti nogosani tunu nene aminamini mogonalo, Omasimo keza, gigizaka hizi nogoive. ³ Nanamu, gigive kahini agomula gilisa koma anigoko, geza aka gomulagu gilisa napa anigamane. ⁴ Gigive kahini nanamu nemika loko loamitane, Anigono, gogomula gilisa koma ale ahulogetatove nolanimozala, gogomula gilisa napa ale ahula mape? ⁵ Keza sozalo ve! Ganala-a nene gogomulagu nei neta napa-a nene ale ahuloko anigo lamana onoko, gigive kahini agomula gilisa koma nene ale ahulotatanimo neive. ⁶ Apaza oko nei neta gala kememiloko, agovisa itini gehani iza noito ahula amemilo, lamigisiziki lisi koma kama ikiki likilimi golesa ikataze. ⁷ Voka litanimo nene, ali giminigave, vitaga itanimo nene, amina neta anigano kane, e-aho gahelo okoha zitanimo nene, gahe sigigi nogoive. ⁸ Muki vegena voka lamo nene, aliaka neve; ito keza vitaga amo nene, anigiaka niave, okohazemo nene, gahe kolo oaka neve. ⁹ Izegipakamo bretimu voka noligoma, e-aho gehani ame aka noane? ¹⁰ Ito lagahamu voka noligoma, gosiha amitanimo nehe? ¹¹ La-onoigo, mogona golesa lili-iaka niave la-a o-noimoza, neta lamana izegipa tini kimi i-aka niave, hamo limini oko ametipo okulumaku noitimo neta lamanala-a likimi nogoive, e-aho loka itihe? ¹² Mogona lamanako lili initatave loko gelenokoma, keza mogona lamanago lolo ozo. Gapo lota gako limini mogona-a neive. ¹³ Gapo koma amegetalo, gapo napa nene, gelemoko apa golesagu vi nogoive, la imozala vegena vai iki gopa napa amegeti aka niave. ¹⁴ Gapo koma nehe, minova minova gapo neive, amegeto oakala-a nene silipa oneive. Vegena luguha isi lite anigi aka amegetiaka niave. ¹⁵ Sozasaza mono louto iaka-a vemu ehe-etina neve, lama iza mini agape luhatamoza aikagu nene hela gala mino kave. ¹⁶ Iki miliki itakuti nene aniganogane. Vegenalite vainimini nosa neta la-a uheni nagaguti ale aka nehe ito fikimini nosala-a uheni gasovalagi gihisiguti ale aka neve? ¹⁷ Hamolimini gapoloti nene, za zuha lamana nene gihila lamana zeaka neive ito za zuha golesamo nene gihila golesa zeaka neive. ¹⁸ Za zuha lamana gihila golesa ze minogoive, amina oko za zuha golesamo gihila lamana ze minogoive. ¹⁹ Gihila lamana ze mi za mukila-a nene, hukiki loku gizi ahu liaka niave. ²⁰ La onoigo nene alika, za gihila nozigo nosaneta la-a aniganogane. ²¹ Muki vegenate nuguliza iki, 'Guivahaniteve, Guivahaniteve,' litamoza, Okuluma apaku ite mini giave, o-eh, ameneihini gako amegetiaka nia vegenako nene Okulumaku vinigave. ²² Vegena vai-ikite amina gamena nemika liki liminigave, 'Guivahaniteve, Guivahiniteve, gei guguliza malo hozama aleko nouhama gei gugulizato Sikalahu golesa ale ahuluko nouhamo gei guguliza malotiko muki neta lolo nouhama neve?' ²³ Nene zupahe lelehi oko lokimi nogouve, 'Lekeli save amuve! mini ehe ilo, lekeza mogona golesa lili-iaka ve niave!' ²⁴ La onoigo, vegena makolite neni gako giliki amege tatanimo nene, agata loga ve, gehani amupilo numuni ge-ake mina oma mini iki minanigave. ²⁵ Golini leme oko, nagami vele oko, una aliti gamena, numuni alemo zemi nogoive, eza gehani amupimalo ge neive. ²⁶ Gako gele oko amegetamani ve nene, agata logimi ve ma mini oko neive, numula getanilo geake mina oma mini oko neive. ²⁷ Golini leme oko, nagami vele oko, una ali gamena nene, numula alemoze mikasilo lemeko golesa ino goive." ²⁸ Izesuni gako voko asu noigo nene, goliva hizi gako lokave liki kagata gelemo, ²⁹ aguliza vema minoko eza alevole lama tunu gako limo, gapo lota gako gele vema mini oko lamive.