¹ Lekeza gizapa ilo, vegenalite anigatave liki mogona lamana lili amilo, Okulumaku amekaho meina gememino goive. ² Megusa vegena gehani ito neta mako ale nokemekoma, Juda-tini mono numuku lilinia mogona muki apatokagi lili niave. Vegenalite anigi-iki legepoka litave liki liliniave. Gako gihila-a lolikimitove, keza meinava-a mota alikave. ³ Gehanihe nosanetape megusa vegena nokemekoma gigizani zamagakamo loloiti neta gigizani sogamu geleko anigamino. ⁴ La-okago, lekeza gehani nosaneta nikimikima ali asuguna iki kimilo. Alika Ametipo asuguna loloitanimo anigoko meinava-a likiminogoive. ⁵ Numuna nilikima, lekeza losi legepa alimiliki lamilo, vegenlite anigata kuti Juda-tini mono numuku ito muki apatoka uto otinake numuna liaka niave. Gako gihila neza lolikimitove, keza meina ini mota alikave. ⁶ Numuna linigima, numukagu ite molo-oko, gahe geko amekaho halaeko noi vemu numuna loaka neve. Ametipo eza halagenei neta anigoaka vemo nene meinala likiminogoive. ⁷ Numuna nolokoma, gako vauvaloko lamo, goi-oko lolo o-aka anitimini oko Juda-lite lili-iaka-amamini amo, nana mule keza gagata gelemo gako vauvaloko losa eza Omasimo leli numuna gili nogoive. ⁸ Lekeza nenemini mogona alemilo keisi atiminiki, nana mule, amekaho nene muki gako linogo noanimo nene anigoko geleneive. ⁹ Nenemika liki numuna litamoneve; 'Okulumaku Ametegave, gei guguliza eto-oko minative. ¹⁰ Gei Okuluma apa-ative. Geisi gelenimo uto itive imane mikasiguki Okuluma tokagi uto itive. ¹¹ Nosaneta itinasa lemozo. ¹² Lihimate ale ahuloletozo, leza aminamini oko ligivetegini lihimaini ale ahulo ketatunize. ¹³ Logoka vize oakato lelemo volamo, golesa uti akaga oletozo.' ¹⁴ Lekeza vegena makolitin lihima ale ahulatamo, ametipo Okulumatoka lekezagi lihimatini ale ahulo leketa nogoive. ¹⁵ Lekeza vegenalitini lihima ale ahula mitanimo, Ametipo Omasi Okulumatoka lihimatini ale ahulami nogoive. ¹⁶ Neza nenemika loko noluve, geza nosaneta mose oko numuna litanimo gogoka ale mikemo, sozalo vegenalite i-aka niatimini oko loloamo. Keza kokoga ale makolimini i-aka niave, vegena makolite anigiki keza nosaneta namake numuna nilave liki litave liake. Neza gako gihila-a noluve mota meina-inia alikave. ¹⁷ Laonoimoza lekeza, nosaneta mosiki numuna litamo, netupa nogoza gototito hiliki, nagamitunu lokogoka vilita-moneve, ¹⁸ nenemini itamo mako vegenalite loko gokagu anigi gopa tamoneve nosaneta mosi-iki numuna litamo. Omasi ametipo eza mino halageko noitimo, eza ametipo hala eko minoko anioko noitimo meina giminogoive. ¹⁹ Imane mikasigu neta lamana tamana alenupa amo, gunakonite nikatave, siholonizeko golesa itimo neve, ito guminalo vete gumina alita moneve. ²⁰ Laonoigo Okulumatoka netako alenupa ilo, guminalove, gunakoni, siholoni, nomitokago, golesa amititokago ale molatune. ²¹ Hila-aloka netaka lamana neitihe, amina lokago muluka gemeni minatimo neve. ²² Gogomula-a nene gugupemini livi neve, Laonoigo gogomula lamana ominatimo, muki gugupe hanato minatimo neve. ²³ Geza gogomula golesa-itimo muki gugupe lumugusi zeminatimo livi lapana geiku lihatimo nene lumugusi napa napa golesa zitimo neve. ²⁴ Eza vegena makolimo hoza gizapave lositato hoza ale minogave. Nanetakumu, makola-amu gosele apel iko eza minoko makola amuko agika ititimo neve, eza makola-a alemo lamana oko, maga-a alemo golesa itimo neve. Geza Omasimini hoza ale oko, imane mikasigu hozagi ale mitanimo neve. ²⁵ Nenemini onoigo nolokumuve, lekezatinimu miluma gelemilo, nana neta natape ito-o nana nagami natape. Nenemu miluma gelemilo nana neta gugupelo akalatape. Gei gogomula gizoko noanimo nene nosaneta avilegeko neve, gugupelo ginegane avilegeko neve? ²⁶ Anigalo namane okulumatoka niamo, keza mini zuhaiki, nosa ale nupa amave nosaneta numuku alenupa isa-amave, ametipo Okulumaku noi vemo nosaneta keme akanoive. Geisi namama Okulumato niamo kivilegeko noane? ²⁷ Geza e-aga nanetakumu miluma nogelepe, geza anosa mako molozo geza gogomula gizoko imane mikasigu noanito? ²⁸ Lekeza nana okago gineganemu miluma giliaka niave? Lekeza palauva-toka lakagata gililo, nana mini iki nakalahe. Hoza alesa-amave, keza ginegane lili-isa-amave. ²⁹ Neza gako mako lolikimitove, eza neta lamana tamana imane Solomon-ini muki lamana neta maguti, eza gonalisi imo keke imane palauva avilegeko akalamimo neve. ³⁰ Imane palauvala-a eza Omasimo gonalisi okimiaka imo neilini itinasa miniki azo aliki loku ahulimilo liline geza nana neta goha lolo onetative loko gelenane, gugupelo gonalisi onetative loko nolape, geza Omasimu ko geleaka komaisi minokave? ³¹ Nenemini onoigo miluma geleko la-a lamo, 'Naneta natove?' ito, Nana nagami natove?' ito, 'Nana ginegane akalatove?' ³² Juda vegena niamamola-ate keza amina netakumu vitaga i-aka niave. Ametipo Okulumagu noitimo lekelisi mulutini miliaka nia neta la-a aisi anigonoive. ³³ Laokago Omasimini numuni apakumu (Kingdom) vitaga oko Omasi-mini mogona-a lamu amegetozo, alika nene muki neta liki minogoive. ³⁴ Laonoigo, azomu vauvaloko miluma gelemo, azolimo eza-a genava alinogoive. Eza gamena mako limini genava-a eza-a gihitimo neve.