¹ Izesu anigamo vegena napalo minikago, eza agokalo itimo iteko noigo, izegipala noitoka'amo. ² Eza api oko izegipala zuha mono gako molokimike la'a loko lokimimo. ³ Geza Omasimini lamanaku gohogo noitan imo nene, gogoliza vizezo nana igove, okuluma apa ge-i inogoive. ⁴ Ve vena ive iki miluma gilikinitamo nene, kogoliza vizinigave,nana igove eza Omasimo kelemo lamana inogoive. ⁵ Ve vena minimi limiki nitamo nene, kogoliza vizinigave, nana igove keza mikasi gosoha alinigave. ⁶ Ve vena, ga-auna hiliki, luvainilo osapa zigo, Omasimini mogona lamana amegetiaka nitamo nene, kogoliza vizinigave, Omasimo ale vai oke tanogoive. ⁷ Ve, vena, vegena makokumu miluma gili aka nitamo nene, kogoliza vizinigave eza Omasimo aminamini oko miluma geleketanogoive. ⁸ Ve vena mulu ini he-el oko neitimo nene, kogoliza vizinigave, Omasi aniganigave. ⁹ Ve vena gaha, lova alemi limi aka niamo nene, kogoliza vizinigave, keza Omasimini izegipala zuha've liki linigave. ¹⁰ Ve vena, Omasimini mogona lamana lili iaka niake gena ali aka niamo nene, kogoliza vizitave, nana igove okuluma apa kei lolo inogoive. ¹¹ Keza ve venalite gako golesa ligimiki, mogona golesa lili'igimiki ito haito paito gako golesa li-iki, soza gako ligitatamo neve, nana igove, lekeza neni nemegetikave,legeza lokogoliza vizilo. ¹² Lekeza lamana iki lokogoliza vizilo, nana igove Omasimo okulumakuti meina napa likimi nogoive. Hamolimini mogona keza goi-o vegenalite mono ve napa alika uto iti neta li-uto i-akave(profet) aminamini mogona golesa lili ikitamo neve. ¹³ Mikasi-uka age niave, imane age lagava'a ahulatimo, eza nana oko lagave'a goha alitive? Eza lamana aminogoive, ahuli mikasilo iki aminalo kigisatunu lisanigave. ¹⁴ Lekeza mikasi-uka livi niave, apa napa mako agokalo minatimo keke halagemitimo neve. ¹⁵ Vegena makolimo lamu lo'o legemo loko, basket goku ale haleaeko molaminogoive, eza ale oteko veleto molo aka neve, la'oiko imane lamu limo muki kuka alemo sata ino goive. ¹⁶ Lamu sata noitimini oko geza laitikama ve vena niato ale uto oko ale sata ozo, gei mogona lamana anigiki keza amekahini okulumaku noi've aguliza ali napa ini'gave. ¹⁷ Lekeza imane miniki lakagata gelemilo, ne'isi oko gako lihuta gako (10), mono ve napa alika uto iti neta li-uto iaka vetini(profet) gako ale golesa oko amuve. Neza kei hoza ale golesa oko amuve, neza umola'a kei gakola'a alemo ale vole oka omonou've. ¹⁸ Neza gako gihika'a lolikimitove,okulumaki mikasigi asu inigasive, keke neta koma mako, imane gako lihuta gako kuti(lo) voko asu aminogoive, muki neta ale agohi inogoive. ¹⁹ Mako temo lihuta gako(lo) amegetamoko, eza vegena mako aminamini oko kizakiza itimo, eza Omasimini okulumaku apatoka(Kingdom) aguliza napa ale minogoive. Eza makotemo lihuka gako (lo) lamana oko namegetago, eza vegena makolimo kizakiza(skulim) itimo, eza Omasimini okuluma apatoka(Kingdom)aguliza napa alinogoive. ²⁰ Gako gihila'a lolikimitove, lekeza mogona lamanatini amo, imane lihuta gakolimini tisala'agi Farisigi kei mogona lamanala'a avilegi matamo nene, geza okuluma apaku keke vaminogoane. ²¹ Goi-o vegenalite gdako likimiliki amola'ama gilinave nenemika liki, Vegena mako apele helemilo eza makolimo vehe,vena'ahe hilitotimo gonito vinogoive. ²² La'onoimoza neza lonolukumuve, eza vegena makolimo agivelahini mulunagu gaha lonoitimo,eza gonito vinogoive, makolimo agivelahini la'a loko lotatimo,geza vegena golesa henoga nomimoave!' Loko litanimo, kansol anigoketanogane,eza makolimo loko ' geisi negisive!' loko litimo, lo apaku vinogoive. ²³ Keza guguni altalo gizo aminogo nokoma gagata gilitanimo gigive kahini gaha ame oko. ²⁴ Guguni gizatani neta altalo moloko, voko gigive kahiki mulutinia mili hamo iki nene loti alika oko gugunia gizo amitanimo neve. ²⁵ Velesa gonito otenamoko, gigivekagi mulutinia alemo hamo ilizo, nemini amitanimo nene gei gelemoko voko Jasimini aguzanigu molanogoive, Jasimo pilisi ve mini agizaku molano ive la oko galavusigu gelemo molanogive. ²⁶ Neza gako gihila'a lonolu kumuve galavusiguti keke lemeheto aminogane, lihima gehani ale netanimola goha keme asu inogane. ²⁷ Lekeza gilinave, ve gi venake pamuk mogona liliamilizo. ²⁸ La onoimoza, neza la'a loko loligimitove, ve mako anigo gumu hele oko gituhu no mikili itanimo, mota amina venaki mulukagu pamuk mogona lili ikasive. ²⁹ Gigizani lamagaloga gogomulamo lihima lolo okagoma, amina gogomula apasoko ale ahu lozo. Muki gugupe lo gapogu voatize, neta lamanala nene gugupe hamola'a isiko novive. ³⁰ Gigizani lamagalogati lihima lolo oikoma,hukoko ale ahulozo. Muki gugupe lo apaku voatize, neta lamanala'a gugupe hamola'aisi huko nahulane. ³¹ Eza gako la'oko neve, Eza ve makolimo venala amisele ahulatimo, eza mariti hugo aka pepa nene aminogoive. ³² Itinasa la'a loko noluve, ve makolimo venala amisele ahulatimo, vena lamo pamuk mogona lolo onamigo, eza imane vena alemo pamuk vena lolo noive. Eza ve makolimo ale tatimo alika vanamo ahulomioko, imane itinasa ale tati ve'amo pamuk mogona lolo inogoive. ³³ Lekeza goi-iki gakola'a gilikave,'keza soza loko alika amina gakoka alemo lamana inogonoigoma vozanegu ve anigonoive, amina gako la'a aliki Omasi noitoka vilo! ³⁴ Neza lonolugumuve,lekeza okuluma apatoka neta aguliza iki,gakotini ale alevole amilo, nana igove okuluma apa nene Omasimini mino aka napala neive. ³⁵ Mikasimini agulizaki amilo, lekeza gako alimi alevoke iki, nana igove eza Omasimo agiza ahulo molo aka noive, Jerusale apaki aguliza iki lekeza gakotini ali alevole amilo, eza King napamini apa napala neive. ³⁶ Gototinilo likigizani milamilo, gakotini alimi ale vole iki nana igove lekeza gototini zopova lekezatini alimi anupa ika alimi mokona ika aminigave. ³⁷ Gakotini'a o-o negoma mota o-o lilo, ito gakotini'a o-e negoma mota o-e lilo gako mako ampilo milatamo nene gakola'a satatokati anogoive. ³⁸ Lekeza gako mota gilikave, 'eza makolimo gogomula ale golesa okikoma, keza aminamini oko agomula ale golesa ozo, makolimo gegepa zeko letoikoma, aminamini oko agepa zeletozo'. ³⁹ La'onoimoza neza la'a loko noluve, lekeza vegena makolimini mogona golesalo aminaminiki lili amilo. Eza makolimo gegepalo zekagoma, mino vili'oiko mako gegepa lokagi zino. ⁴⁰ Makolimo gei saketimu loko gelemoko gonito novigoma, ahulotonoko siotikagi alino. ⁴¹ Makolimo ale vole oko gako loko, mail hamo vitune loko holizoma,alemo mail losi iki vitizo. ⁴² Neta makokumu voka noligoma amina neta amezo, makolimo lihimamoloko neta alitove nolizome. o-e lamoko amezo. ⁴³ Lekeza mota gilikave, 'kekeza vegenalitinigo kilimi lamana niki, lova galavetin'agilimi golesa ilo. ⁴⁴ Itinasa noluve, lova galavetini'a kilimi lamana iki, vegena mogona golesa lolo onoitimo numuna litalo. ⁴⁵ Lekeza okulumaku i ametipini izegipala minaigave. Nana mule, eza ho ale uto o'ake, amina homo vegena lamanalitini, lihima vegenaki hamo holeme aka nouve. ⁴⁶ Lekeza vegena lekezamugo liaka nita veganako lilimi lamana itamo, lekeza nanamini meina alitamo neve? Keza takis ali aka nia vetegi nene aminami neta ali aka neve?' ⁴⁷ Vegenatini loko kilimi lamana itamo, lekeza e-ahini avilege noune liki nilave? Keza mono gelema vegenalitegi amina mogona lili iaka niave. ⁴⁸ Okulumaku ametipo mogonala lamana onoi ve noize, lekezagi aminamini oko mogona lamanako lili ilo.