¹ Amina gamenagu nene Omasimini Sikalahu limo, Izesuni alemoko mikasi gomopala loka alemoko vimo nene Sata limo agoka vizitive loko. ² Nene gamena Izesu nene nosaneta mosi gamena 40 agi ito-o 40 holugu la-oake gauna-a golamo. ³ Agoka vize o-aka ve nene o-ake la-aloko lo amimo, "Omasi mini Izegipa no-okoma, imane gehani nene alemo peleti lolo ozo." ⁴ La-alokago Izesu lo-amimo, "Omasimini gako limo la-aloko lonoive, 'Vegena nene nosaneta no-oko minova minova o-aka nomive, la-onoimoza Omasimini agepa uti muki gakotoliki neve.'" ⁵ Nene loti Sata nene Izesuni alemoko Jelusalega mono numuni goto lalo itimo Omasi mini numuni gotolalo, ⁶ Nelo la-aloko lo amimo, "Omasi mini izegipa no-okoma nene, oli-omolozo mono gako limo litiminoko; 'Agelo kimisele iko iki geito gizapa inigave, iki gunuki nigave gehanimo gisa zeko leto ati ve loko.'" ⁷ Izesu Satani lo-amimo, "Mono pukumo nene la-a lokogi lonoive, 'Geza venapa Omasi nene agoka vizemo.'" ⁸ Sata goha Izesuni alemoko agoka hana hana makoto itimo, la-oake muki imane mikasigu numu-apa ito-o neta lamana la-agi ale apizimo. ⁹ Sata nene Izesuni la-aloko lo amimo, "Imane neta muki la-a nene gimi-nogouve, geisi galapusa hizeko gupa zenimitanimo." ¹⁰ Izesu la-a loko lo-amimo, "Sata-a mino ehe-eozo! Omasi mini mono gako limo nene la-aloko lonoive, 'Omasi loko gupaze ameko mono lo amezo.'" ¹¹ Sata nene Izesuni nahulo tago, agelo-lite iki alimi aguta vizemo. ¹² Jon-ini agizato alikake naga numuku ahuli-tave gako Izesu gele ake, Galili apa toka vimo. ¹³ Izesu Naseleti apa ahulo-ake Kapenem apatoka vimo, Kapanem apa nene nagami ohuni Galili ito-o mikasi anene Sebulun-igi ito-o Naftali. ¹⁴ Eza imane gakolimo nene propet Isaia-ni gakola nene oko gihila zimo, ¹⁵ "Naftali vegenaki Sebulani, ginene kei mikasi nene age nagami voko Joden ito-o Galili emane mono gelema vegena Gentail tini apa neive. ¹⁶ Nene vegena nene limugusigu nia vegena niamoza livi aniga vegena niave, ito vegena sikalahu ku hiliake, Omasi lo mini hoto ina vegena niave." ¹⁷ Amina gamena loti api oko Izesu mono alimo, "Mogona golesa tini ahulalo Omasi mini Kindom nene mota halito kave." ¹⁸ Izesu gapo moloko Galili nagami ohutoka, novike uvolahiki agunalagi anigamo Saimon, aguliza Pita ito Andru, nagamiku gotalaha (net) ahulasimo keza nene lagaha alikaniasive. ¹⁹ Izesu la-a loko lokimimo, "Nemegetiki alizo, vegena ale-akamolo lekelepizi tove." ²⁰ Lita iki gotaha (net) inima ahuli kasike losilo Izesuni amegetasimo. ²¹ Izesu nene ahulo ake vo helega oake, uvolahiki agunalagi anigamo John, Zebedi-ni gipala ito-o Jems, nagamiku netaku (boat) ame ipo Jebedi-ge viki gotolaha (net) ale guni iki niago Izesu sele lokimimo, ²² lita iki nagamiku netaku (Boat) ameipini ahulimi kasike Izesuni amegetiki vasimo. ²³ Izesu nene Galili apa muki toka mohona ike, Omasimini gako muki vegena lokimimo, Juta vetini mono numuku, Omasimini apa kumu lonokimike, kivisi vegena vai okogi kelemo zokamo. ²⁴ Hepe gako nene Izesu Galili vegena kivisimo kelemo zokave gako nene vo Siria apato-kagi vimo, la-okago muki haito paito neta, sikalahuku golesa, gizalemoki hepe neta, ito-o kigisa kigizani golesa i-moki. Izesu kelemo zokamo. ²⁵ Vegena napalo Izesuni amegetamo, nene vegena nene Galili ito-o Dekapolis, Jelusale, ito-o Jutia vegenaki, Joden helega loka aka vegenaki amegetamo.