1 Nene zupahe nene, Joni nagami holo aka vemo Judia apatoka mono gako lokimimo mikasi gomopalalo (Dersert) la-aloko lokimimo, 2 "Mulu tini aliviligalo, Okuluma apa (Kingdom) nene mota o hali tokave." 3 Nene ve eza Propet Isaia aikumu gako lonoi ve neve, "Ve mako gako linogoive mikasi gomopalalo otenoko, 'Ve napamini gapo ale lelehi iki vilitalo.'" 4 Jon nene agupelo neta luhamo nene kemol izamini agupe a-tunu lili-amo ki ito-o gohalalo naga nene iza agupe tunu lili amo zimo. Ito nosa neta namo nene ganuki ito-o hela himoni mini nogoza-a no-aka imo. 5 Muki vegena Jelusale-gati, ito-o Joden apa muki la-a lokati nene aisi noitoka vamo. 6 Lihima ini liuto ikago, nagami holo ketamo Joden nagamiku. 7 La-onoimoza Farasi vegena ito-o Sadusi vegena nagami holatune liki niago, la-a loko lokimimo, "Lekelisi nene zahameta kemeaka noi gosiha golesa mamini izegipa niave, e-aho lolikimive gena alika atimokumu golisi niahe? 8 Lekelisi a-nene mota lihima ahulo noune liki amina mini nosaneta la-a nene mulutini ale viligalo. 9 Lakagata nene mini iki gele milo, 'Abraham nene leli asizoteho ma neive liki gele milo.' Gako gihila lono lukukumuve, Omasimo imane gehani nene-tunu Abraham-uni izegipala ale uto itimo neve. 10 Luni nene mota za mini mogona lo omane neive. Nene mini onoigo nene za omane gihila lamana zemitimo nene loku hukoko alahula nogoive. 11 Neza nagami noholole ketumo nenemo louto noive, lekeza mulutini ale viligi ake ati ve nene alevoleki a-nogoive, neniki nene nivilege neive. Neisiagi nene velamanaki minamuve ai agisalo suki ale ako-to. Aisinene sikalahu ki ito-o lotuniki nagami hololeke tanogo-ive. 12 Eza migu hoza aleaka neta agizagu ale neimo, witi agoma alinoko, amina witimini koma kama-a la-oko witimini numuni napaku alenupa iki milaniki. Ito witimini koma kama netala-a nene lo lihamiti loku nene gizanikave." 13 Izesu nene Galili apa ahulo ake vo Joden nagami toka vimo, Jon nagami holone-tative loko. 14 Laimoza Jon nene o-e loko loamimo, "Geitoka okugo keisi nagami holone tanogane; nana igo neisi noutoka noane?" 15 Izesu anoto aleke loamimo, "Omasimo ligako la-a nene uto itive." La-a lokago, Jon-i gele amimo. 16 Izesu nagami holo ake, lita oko nagami kuti leme hetoka noigo, okuluma kolo noike Omasimini Sikalahu nene namama mini oko lemeko Izesuni aginalo minamo. 17 Okuluma tokati gako napa mako limimo nene la-aloko limo, "Imane izegipa nene nenigipa neve. Neni numu hele neive mulune aito molo nouve."